Luka 4:2 - Bibilia Buk na Ŋun nagon koti luŋu a

² a Ŋilo kaŋ ŋonit gwe i temba na lepeŋ. A nye gwe a ko nyesu i kilu perok, a nagon se aje jo nu, a nye gwe ko magor.

Luka 4:2 ပူးပေါင်းရင်းမြစ်များ

Suluet 3:15

A nan mo tiŋdi ŋisa i kiden inot ko na ŋuto, Köti i kiden na nyakwariat kulök ko na nyakwariat kanyit; nye mo böböŋörö do i kwe, a do mo böŋöddi lepeŋ i loru ’yum.

1 Moran 19:8

A nye ŋine ŋien, a nyesi nyesu, a möji möju, a nye jölöjine perok merya iŋwan ko riŋit na ŋilo kinyo tojo ko mere lo Ŋun logon a Orebe.

Esetere 4:16

Iti, tune Yudayaki liŋ logon kata Susa, ko miŋdye ta miŋdya i kulya kwe. An ta ko nyesu kode möju ko perok musala tukwaje ko tuparan. A nan ko köliŋönök kwe kune de köti mimiŋdya gwoso ta. A kirut nan de iti ko mor yu, ma ’di ködyö a naron i saret; a kirut ko nan tatatua a ti nan tatuani.

Yuörö 24:18

A Mose lupöni i luru lukata a kiyaddi i mere ki. A Mose iŋge si ’da i mere ko perok merya Iŋwan tuparan ko tukwaje.

Yuörö 34:28

A Mose gwe nyu ko MATAT perok merya Iŋwan tuparan ko tukwaje; a nye gwe a ko nyesu kinyo kode möju pioŋ. A nye wuŋe kulyaesi ti tomoret logon a saresi puök kulo i ŋurupö na ’dayatak.

Yona 3:7

A nye tiŋdi layiet anyen jamaki i kiden na ŋutu liŋ ti Ninewe adi, Nan mor se ko temejik kwe a saŋu adi, Ti lele ŋuto kode turu ’buti, kode teŋ na kisuk, kode na yidin gwe ti ’de ’deŋdya nene ŋo; ti se gwe ti nyesu, kode möju pioŋ,

Matayo 21:18

A i ko ’bure, na yitwene Yesu bot i köji nu, a nye gwe ko magor.

Matayo 4:2

A Yesu miŋdye miŋdya perok merya iŋwan, a i mukök a nye gwe ko magor.

Luka 4:3

A kirut kaŋŋonit kulyani ko lepeŋ adi, Ko do a Ŋuro lo Ŋun, taki na ŋurupit anyen wora a ambata.

Yoane 4:6

Kidi lo Yakobo nyuŋ kata nyu. A Yesu iŋge dara ko jölö a si ’dakine kak nyona ko kidi i tuparan kiden.

Nyökit 9:18

A nan ’dorone kak ko MATAT i komor perok merya Iŋwan mora ko tuparan ko tukwaje gwoso na kokwe nu; nan a ko nyesu kinyo kode möju pioŋ; kogwon nutoron nasu liŋ na toroŋdi ta, i koŋdya na ŋo nagoŋ a naron ko MATAT i komor, i towoŋa na lepeŋ.

Nyökit 9:25

A nan ’dorone kak ko MATAT i komor i kilu perok merya Iŋwan lo ’doro ’i nan kulo; kogwon MATAT aje kulya adi nye mo tutukar ta.

Nyökit 9:9

I diŋit na tiri nan i mere ki i wuju na ŋurupö na ’dayatak nagoŋ a ŋurupö ti tomoret na teten MATAT ko ta nu, a nan mönuŋdye i mere perok merya Iŋwan mora ko tuparan ko tukwaje; a nan gwe a ko nyesu kinyo kode möju pioŋ.

Ebere 2:18

Nyena kogwon lepeŋ ko mugun nanyit a tema ko ŋoŋesi, nye bubulö parakiŋdya Ŋutu logon a tema ko moriesi kilo.

Ebere 4:15

Ŋilo koane duma likaŋ ti gwon a ŋuto logon ti bulö deŋdya tomunyan nikaŋ, kölumbö nye a ŋuto logon a tema ko möriesi i ŋo liŋ nagon a temarikin yi, ama nye a ko toroŋdya.

1 Samuele 17:16

A Pelesetetyo lo miju nyona, a kwekiŋdye mugun i ŋutu ti Yisaraele temba i ko ’bure ko i kotiri ko perok merya iŋwan.