Luka 4:1 - Bibilia Buk na Ŋun nagon koti luŋu a

¹ Yesu a jore ko Mulökötyo Loke, a yitwene Yardene, a Mulökötyo nyomoddi lepeŋ perok merya iŋwan i yobu nagon ŋutu ’bayin kata,

Luka 4:1 ပူးပေါင်းရင်းမြစ်များ

1 Moran 18:12

A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

1 Moran 19:4

Ama a nye lo lwöŋöddi geleŋ i yöbu na sese nagon jölö nanyit a lor geleŋ, a nye iti tu a si ’dakine i ’bukuli mukök; a nye momo ’yi momo ’yu adi ti nye twane twan, kulya adi, Aje jo; soŋinana ŋon MATAT, joŋgi ru nio kaŋo; nan ’bayin a lo ’but lwölwöŋ merenyejin kwe.

Yisaya 61:1

Mulökötyo lo MATAT Ŋun gwon köyö loki; kogwon MATAT aje welakin nan; nye aje son nan i tokukiŋdyö na lorge lo ’but i ŋutu lokoyokak; nye aje son nan i doŋgu na se logon a ’be ’beleŋo kase i töilyet kilo, i laikiŋdya na se lo rereka i yukwe nase, ko se logon a totora i gaye nase kaŋo;

Ejikele 3:14

A mulökotyo lo po ko Ŋun ’dukuŋdye nan ki a joŋgi nan i nene pirit, a nan iti ko woran na pape köyö i töili, ama a riŋit na MATAT gwe a duma köyö i mugun.

Matayo 3:16

a nagon Yesu aje batisa nu, ’de ’de a nye poŋdi kaŋo i piŋo kata, mete, a ki iŋge ŋaju, a nye meddi Mulökötyo lo Ŋun poŋdi gwoso gure a ’duki ko lepeŋ loki;

Luka 2:27

a Mulökötyo Loke nyomuŋdye lepeŋ tojo i Kadi na Ŋun kata; a nagon monye ko ŋote aje joŋdya lupudi Yesu lukata anyen konakiŋdya lepeŋ gwoso i ŋo liŋ nagon Saresi ti Mose ’de ’dekan nu,

Luka 3:3

A nye worojine i juron liŋ lo diŋö ko kare Yardene, totokuöddu adi ti ŋutu ködyö löpuŋge töilyet ko ti batisani batisa anyen toronjin kase pipitöki,

Luka 3:38

ŋuro lo Enosa, ŋuro lo Sete, ŋuro lo Adama, ŋuro lo Ŋun.

Luka 4:14

A Yesu yitöni Galilaya ko riŋit na Mulökötyo, a lore i kulya ti lepeŋ reki i lu jur ’bukuluŋ.

Luka 4:18

Mulökötyo lo MATAT gwon koyo loki, kogwon nye aje welakin nan i tokukiŋdyo na lore lo ’but i ŋutu lomerika, nye aje son nan i laikiŋdya na ŋutu lo rereka i yukwe nase, ko i laikiŋdya na ŋutu mo ’dokeno adi se mo memeddya ko i köloddu na ŋutu lo ruda kulo a lui,

Yoane 1:32

A Yoane tokoŋ adi, Nan aje met Mulökotyo po kak ki yu gwoso gure, a gwe ko lepeŋ.

Yoane 3:34

Kogwon nye logon Ŋun aje son lo jambu kulyaesi ti Ŋun, kogwon Ŋun tiŋdu Mulökötyo abur ’bak temet.

Konesi 1:2

tojo ko lor lo ’depaji ’e nye ki lu, i mukok nagon nye aje tiŋdu luyökie lo wulun nye kulo saresi i riŋit na Mulokotyo Loke.

Konesi 10:38

Ta a den kulya ti Yesu lo Najareta, gwoso nagon Ŋun a we ’ya lepeŋ ko welet nagon a Mulökötyo Loke se ko riŋit anyen koŋdya kita. A lepeŋ iŋge wöröji i piritön liŋ koŋdya po na ’but se ko i toligga na ŋutu liŋ logon gwon ko ŋilo kaŋöönit i riŋit kulo; kogwon Ŋun gwon ko lepeŋ.

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.