Luka 3:18 - Bibilia Buk na Ŋun nagon koti luŋu a

¹⁸ Nyena a Yoane iŋge tokukin ŋutu Loŋe Lo ’but ko kulye saresi jore gwoso kulo.

Luka 3:18 ပူးပေါင်းရင်းမြစ်များ

Luka 3:17

A nye gwe ko köbi setet kanyit i könin, anyen seddya ’bolot liŋ lo gwon kanyit i pirit gwutet na ’bolot, a yuŋdye ’bolot kanyit i gugu; ama a nye mo ’yuŋe pudi ko kimaŋ nagon ti bulo peŋa.

Luka 3:19

Ama a nye yuyuŋge Erode kasaranit i kulya ti Erodia nakwan na luŋaser Erode, ko konesi narok liŋ nagon lepeŋ aje kon kune.

Yoane 1:15

A Yoane tokoŋ kulya ti lo Kulyaet, a kulyajine ki adi, Lo a ŋuto logon nan a kulyari kulya kanyit lo adi, ŋuto logon popo koyo i mukok lo a duma Iwolwoŋ nan, kogwon lepeŋ koju kata koyo ŋerot.

Yoane 1:29

A kotumalu Yoane meddi Yesu i po kanyit ni, a kulyani adi, Meddi ta Kilolor lo ŋun lo joŋga toronjin ti ŋutu ti na kak kapo malu!

Yoane 1:34

Nan ko mugun nio aje met ko aje tökoŋu adi lepeŋ a Ŋuro lo Ŋun.

Konesi 2:40

A lepeŋ iŋgo tokurukindyo lepepat ko kulye kulyaesi jore, a jujuje se adi, lwök ta ’borik i ŋutu ti na toberon nakwolor na.

Konesi 20:2

A lepeŋ wöröji ’e kilu jurön totŋgoloddu kayupök ko kulyaesi jore, a kirut lepeŋ ’dure i jur lo Giriki,

Roma 12:8

A koyi ’doka ko togo ’yu na kulye ŋutu, a ti yi agu togo ’yi togo ’yu. Ko ŋuto logon ŋaŋu ŋo kanyit ko kulye ŋutu, a ti nye tiŋdi abur. Ko ŋuto logon a tiki a lo ŋerot, a ti lepeŋ kitani ko pusök. Ko ŋuto logon parakiŋdya kulye ŋutu, a ti nye parakiŋdye ko lyöŋön.