Luka 3:11 - Bibilia Buk na Ŋun nagon koti luŋu a

¹¹ A nye waddi lepeŋat adi, Ko ŋuto gwon ko jölöbiyajin murek, ti nye tiki nene i ŋuto logon ’bak nanyit; ti ŋuto lo gwon ko kinyo lo ti koŋdi sona köti.

Luka 3:11 ပူးပေါင်းရင်းမြစ်များ

Ejikele 18:7

Nye ti ru ’ya lele ŋuto, ama a lepeŋ nyökökiŋdye kakurönit ŋo nagon nye a kölökin a togwoet na, a tine ryaggu, a tunyeji ŋuto lo magora ko kinyo lonyit, a tojubbi ŋuto lo gwon ’busön.

Daniele 4:27

Nyenagon pon mor, ti do boŋo yiŋe yio jujuwesi kwe; böŋö kblbki toronjin kunok, a do koŋdi kulya na rigwo, paji konesi narok, a do won konyen ko ŋuto lo ruda, kode anyen do ŋona si ’da ko taliŋ diŋit a najo.

Matayo 25:40

A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

Luka 11:41

Nyena tiki ta ŋo na gwon i lukata kune a ’dokesi; mete, a ŋo liŋ mo gwe a nake kasu.

Luka 18:22

a na yiŋge Yesu kine kulya nu, a nye kulyani ko lepeŋ adi, Do yoŋgi ŋo geleŋ nagon do nyuŋ a ko kon. Tugwore tugwor ŋo kunök liŋ, ko kökoraki i lomerika, a do mo gwe ko tukwörien ki yu, a kirut poŋdi ko kipuŋdye nan.

Luka 19:8

Ama a Takayo gwo ’de gwo ’dan nyu a kulyani Ko MATAT adi, Mete, pon MATAT, nan titiŋdu lomerika swöt na tito kwe, a ko nan a mumulukuŋdya nene ŋo ko lele ŋuto, a nan de ropaki ropakin lepeŋ daŋin iŋwan.

Yoane 13:29

Kulye yeyeju adi kogwon Yuda ’debba jurak lo gurut, kode ŋona Yesu takiŋdya lepeŋ anyen tu i gwöruŋdyö na ŋo nagon se ’de ’dekan a ti rorwe, kode adi ti lepeŋ ’doggi lomerika.

Konesi 10:2

Lepeŋ a katwöyönit lo Ŋun, a lepeŋ se ko mede nanyit liŋ kuŋge Ŋun. Lepeŋ a ka ’dokanit parik lo Yudayaki logon a lomerika, a lepeŋ tine jaran kwakwaddu Ŋun.

Konesi 10:31

A lepeŋ luŋgi nan adi, Kornelio, Ŋun aje ruk kwakwasesi kunök ko aje yeye ’dogga inot na lomerika.

Konesi 10:4

A lepeŋ diŋe ŋilo malaikatat go ko kujönö, a pije adi, Kulya a nyo pon duma lio? A malaikatat waddi lepeŋ adi, Ŋun aje ruk kwakwasesi kunök se ko ’dogga inot na ŋutu lomerika, a lepeŋ iŋge yeye do.

Epeso 4:28

Ti Ŋutu logon a kolak kölöki koko ’ya, ama kölumbö ti se kitani kita parik ko könisi kase i koŋdya na kita na ’but, anyen se böŋö jojo ’dogga ŋutu lomerika.

1 Timoteo 6:17

Sare sar ŋutu logon a kwörinikö a gwe ko toro ’bo jore ti na kak kilo, adi, ti se gwe ti gwon a kabulak ti kusik, ko ti se gwe ti tiŋdu yeyeesi kase i tukwörienjin nagon ti yiniki kine, ama ti se pakiŋdye ’börik ko Ŋun logon a kwörinit logon titiŋdu yi ŋo liŋ abur anyen yi lyölyöŋi ko se lo.

1 Timoteo 6:18

Taki lepeŋat adi, ti se koŋdi ’bura, ti se tukwöriene ko konesi na ’but, ko ti se gwe a ka ’dokak logon jojo paŋu ŋo kase,

Ebere 6:10

Kogwon Ŋun ti gwon a loron, lepeŋ mo ti böŋöri kita nasu ko nyaŋu nasu na lepeŋ nagon ta a kitakiŋdye ŋutu kanyit, gwoso nagon ta nyuŋ kikitari na.

Yakobo 1:27

Twoju nake nagon ’bak yuyuket ko Ŋun Monye i komor gwon sona adi, ŋutu ködyö garakiŋdya kikijiko ko karu ’bejin i delyaesi kase, koti ti ŋutu tiji ’börik an ’yota ko lut ti na kak.

Yakobo 2:14

Luŋasirik kwe, ’bulit a nyo i ŋutu logon kulya adi nye gwon ko yupet, ama ti koŋdya nene go nagon kwekiŋdya ŋina yupet nanyit? ŋina yupet gona lwölwök nye le?

1 Yoane 3:17

Ama ko lele ŋuto gwon ko toro ’bo ti na kak a meddi luŋaser logon ko yöŋö na ŋo, a togo ’yi toili lonyit i ’dogga na lepeŋ, a nyaŋu na Ŋun kirut gwe a nyo kanyit i mugun?

1 Yoane 4:20

Ko ŋuto logon kulya adi, Nan nyanyar Ŋun, kudyakan a maŋdi luŋaser, lepeŋ a ’burönit; kogwon nye logon ti nyar luŋaser logon nye aje met lo, ŋilo ŋuto ti bulö nyaŋu Ŋun logon nye a ko met lo.