Luka 2:7 - Bibilia Buk na Ŋun nagon koti luŋu a

⁷ A nye ta ’duuŋdye ŋuro lonyit kayu, a nye doggi lepeŋ ko boŋgo, a topirikiŋdye lepeŋ i saŋduk nagon toro ’bo nyesu kata i goro, kogwon pirit nase ’bayin i kadi na komu.

Luka 2:7 ပူးပေါင်းရင်းမြစ်များ

Suluet 42:27

A lele lose ko gaji jurak lonyit i tiŋdu na kaine i nyesu i pirit dotoet, a meddi gurut kanyit gwe i kutuk na jurak lonyit.

Suluet 43:21

a na ’durökiŋdye yi i pirit dotoet nu, a yi ŋaji jurakan kaŋ kulo, mete, a gurut ti Ŋutu liŋ geleŋ geleŋ gwe i kutusen ti jurakan kase, kweja adi ŋina temet na gurut kaŋ; nyena yi aje barun se kayaŋ i könisi,

Saumajin 22:6

Ama nan gwon gwoso kurutöt, a leŋe ŋuto; a nan manani mana, a ŋutu lau lu nan.

Yuörö 4:24

A ko gwe sona i kiko i pirit dotoet, a MATAT rume ko lepeŋ, a ga ’yi tatuja lepeŋ.

Yisaya 7:14

Nyena a MATAT ko mugun nanyit mo tiŋdi ta kweyet. Mete, a ’diet mo gwe ko pele, a mo ta ’duuŋdye ŋuro, a mo gwije lepeŋ a Imanuele.

Matayo 1:25

ama a nye gwe a ko dotori lepeŋ tojo nye a ta ’duuŋdyo ŋuro lonyit; a nye gwije lupudi lo a Yesu.

Matayo 13:55

ŋilo ’bayin a ŋuro lo kaworonit lo bau le? Ŋote nanyit ’bayin luŋu a Maria le? Yakobo ko Yosepa ko Simona ko Yuda ŋona ’bayin a luŋasirik kanyit?

Matayo 8:20

a Yesu waddi lepeŋ adi, Liŋgojin gwon ko dilyö kase, kwen gwon ko kadijik kase, ama nan ŋuro lo ŋuto ’bak pirit nagon nan sukiŋdye kwe nio.

Luka 10:34

a nye iti ko lepeŋ yu, a nye ’bukokiŋdye welet ko binyo i ’dikasin a doggi ko rubatan. A nye ’dukukiŋdye lepeŋ kanyit i kaine loki, a joŋgi lepeŋ i kadi na kömu, a meddi lepeŋ ’bura.

Luka 2:6

A gwe sona, na gwoŋdi se yu nu, a diŋit nanyit iŋge temakiŋdya anyen nye tata ’duri.

Luka 2:8

A kayukuk gwe kata i ŋilu jur, lo sisi ’datu mu ’dio i tiju na yidin kase kwaje.

Yoane 1:14

A Kulyaet lo worani a ŋuto, a mönuŋdye kayaŋ kiden, a yi meddi kwelen nanyit, kwelen gwoso ŋuro pilili lo Monye, a jore ko ’busan na nyaŋu se ko to ’diri.

2 Korinto 8:9

Kogwon ta a den ’busan na nyaŋu na Matat likaŋ Yesu Kristo, adi na gwoŋdi lepeŋ a kwörinit nu, a nye koŋdi mugun a lomeri kogwon kulya kasu, anyen ta böŋö wora a kwörinikö kogwon tolomerian nanyit.

Galatia 4:4

Ama ko diŋit na ’but nagon a temakiŋdya a gwak na a po, a Ŋun sunyuŋdye Ŋuro lonyit. Lepeŋ a yuŋwe ko ŋuto nakwan, ko a yuŋwe i mukok na Saresi ti Mose,