Luka 2:4 - Bibilia Buk na Ŋun nagon koti luŋu a

⁴ A Yosepa koti piu kaŋo Galilaya i köji na Najareta, a iti Yudaya i köji na Dawidi na luŋu a Beteleme, kogwon nye a lo ’duŋet ko a lo kotumit na Dawidi.

Luka 2:4 ပူးပေါင်းရင်းမြစ်များ

Suluet 35:19

A Raele twane twan, a nukani nuka i kiko lo tu Eparata. (Eparata a Beteleme.)

Suluet 48:7

Kogwon na poŋdi nan Padan yu nu, a Raele twane twan i kiko i jur lo Kanana, na gwoŋdi Eparata nyuŋ pajo madaŋ nu, a ŋina gwe a delya köyö; a nan nuggi lepeŋ i kiko lo tu Eparata. (Eparata a Beteleme).

Mika 5:2

Ama ta ŋutu ti Beteleme na gwon i jur lo Eparata, ma ’di kodyo kotumit nasu a na ’dit i kiden na kotumiton ti Yuda, ama lele ŋuto mo pupukun kasu kiden a lio logon a kasaranit lo Yisaraele, logon pipiluŋdya ’beron koju nu, i perok ti ’beron kulu.

Matayo 1:20

a na yeyeji lepeŋ kine kulya nu, mete, a malaikatat lo MATAT puköki ko lepeŋ i rudwe kulya adi, Yosepa ŋuro lo Dawidi, ko kujono i joŋga na Maria a nakwan inot, kogwon ŋilo ŋo logon a topikaki lepeŋ lo a lo Mulökötyo Loke.

Matayo 2:23

a nye iti a si ’dani i köji na luiju a Najareta, anyen kulya na jam nebijin köju kunu ködyö kokona adi, Nye mo luou a ŋuto lo Najareta.

Luka 2:3

Nyena a ŋutu liŋ geleŋ geleŋ iti kase i köjino i wuro na karin.

Luka 2:5

A lepeŋ ’ti i wuro na karin se ko Maria nagon a torukökin ko lepeŋ a narakwan na, a gwe ko pele.

Luka 4:16

A kirut Yesu iti Najareta i köji na wowoari nye nu. A nye luponi i kadi momoret i lor lo Sabata, gwoso i keri lonyit, a nye gwo ’de ki i keŋdya na buk.

Yoane 1:46

a Natanaele pije adi, ŋo na ’but bubulo pukun kaŋo i Najareta le? A Pilipo waddi adi, Po ko meddi.

Yoane 7:42

Kulya ti Ŋun na wurö kune tuggö adi Masia pukun i kötumit na Dawidi, ko i Beteleme i köji na gwoŋdi Dawidi köju kata nu. Ti gwon sona le?

Ruta 1:19

Nyena a se liŋ murek iti tu tojo se a ’dur Beteleme. A ko gwe sona na ’durökiŋdye se Beteleme nu, a köji liŋ iŋge soŋu i kulya kase, a ŋutu wate kulyani adi, Ŋina ’diri a Naomi le?

Ruta 2:4

Mete, a Boaja lo po Beteleme rome ko kaŋerak kulo adi, Ti MATAT gwe ko ta! A se ruŋge adi, Ti MATAT ’boroji do.

Ruta 4:11

A ŋutu liŋ logon gwon i kotumit ko temejik kulo ruŋge adi, Yi liŋ a katökorok ti kine kulya. Ti MATAT tiŋdi na ŋuto nagon de Joŋa konut mede na i gwon gwoso Raele ko gwoso Lea nagon a pipiluŋdya kotumit na Yisaraele, se liŋ murek. Ko ti do puputuru ŋerot i Eparata, ko ti karin kunok ti Boaja kune kono Beteleme.

Ruta 4:17

A ŋutu wate maratejin kanyit gwikiŋdye lepeŋ karin, a kulyani adi, Lupudi aje yuŋweki Naomi. A se gwije karin kanyit a Obede, nye lo ko gwe a monye lo Yisai logon a monye Dawidi.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 16:4

A Samuele koŋdi gwoso na kulyari MATAT na, a iti Beteleme. A temejik ti köji rume ko lepeŋ böböpuŋdyö, a pije adi, Do a po ko taliŋ le?

1 Samuele 17:12

A Dawidi gwe a ŋuro lo Yisai Eparatatyo lo Beteleme na Yuda. Yisai gwon ko ŋwajik lyan budök. A i kilo perok ti Saula a Yisai ’beron gwe a modoŋ ko kiŋajin jore.

1 Samuele 17:58

a Saula pije lepeŋ adi, Do ŋilo titinti, do a ŋuro liŋ a? A Dawidi ruŋge adi, Nan a ŋuro lo köliŋönit ilot Yisai ŋuto lo Beteleme.

1 Samuele 20:6

Ko munyi a ga ’yu nan, a do kulyani adi, Dawidi a mo ’yu nan parik adi ti nan rukörö nye i wökön Beteleme kase köji; kogwon temba i kiŋa rorwe lo mede nase liŋ kata nyu.