Luka 2:12 - Bibilia Buk na Ŋun nagon koti luŋu a

¹² A ŋina gwe kasu a kweyet: ta de ryöryö lupudi a doko ko boŋgo, ko a topiriki i saŋduk nagon toro ’bo nyesu kata i goro.

Luka 2:12 ပူးပေါင်းရင်းမြစ်များ

2 Moran 19:29

A na mo gwe a kweyet konut: ta mo nyesu ŋo nagon a punun ka ’de i lo kiŋa, a i kiŋa tomurek lonyit a ta mo nyesi ŋo na wilun i kinu ŋo; ama i kiŋa tomusala, weji ta, ko peŋi ta, ko ’yuddi ta luköbiöt ti kaden ti binyo ko nyesi ta ludweki kase.

2 Moran 20:8

A Kijikia pije Yisaya adi, A nyo mo na gwe a kweyet adi MATAT mo totoke nan, ko köti adi nan mo tutu i kadi na MATAT i perok musala?

Saumajin 22:6

Ama nan gwon gwoso kurutöt, a leŋe ŋuto; a nan manani mana, a ŋutu lau lu nan.

Yuörö 3:12

A Ŋun waddi adi, Nan ’diri mo gwon ko do; a nagon do aje joŋdya Ŋutu kaŋo i jur lo Ejipeto nu, a ta mo kwa-kwaddi nan Ŋun i ŋilo mere ki a kweyet adi nan lo soŋdu do.

Yisaya 7:11

Pije kweyet koyo nan MATAT Ŋun ilot; ti ŋina kweyet gwe a nagulu gwoso pirit na muloko kode gwoso ki i tojolan nanyit.

Yisaya 7:14

Nyena a MATAT ko mugun nanyit mo tiŋdi ta kweyet. Mete, a ’diet mo gwe ko pele, a mo ta ’duuŋdye ŋuro, a mo gwije lepeŋ a Imanuele.

Luka 2:13

’De ’de a teŋ duma na malaikajin ti ki gwe i pirit na geleŋ ko lo malaikatat pupurja ŋun adi,

Luka 2:7

A nye ta ’duuŋdye ŋuro lonyit kayu, a nye doggi lepeŋ ko boŋgo, a topirikiŋdye lepeŋ i saŋduk nagon toro ’bo nyesu kata i goro, kogwon pirit nase ’bayin i kadi na komu.

1 Samuele 2:34

A ŋina mo gwe a kweyet konut i kulya nagon mo ’dukin i ŋwajik kulök murek kulo logon a ko Openi ko Pinasa, kweja adi se liŋ murek mo twatwa i lor gepeŋ.