Luka 2:10 - Bibilia Buk na Ŋun nagon koti luŋu a

¹⁰ A malaikatat lo kulyani ko lepeŋat adi, An ta ko kujono ta, kogwon mete ta, nan jakiŋdya ta lore lo ’but lo lyoŋon a duma logon mo gwon a lo ŋutu liŋ;

Luka 2:10 ပူးပေါင်းရင်းမြစ်များ

Suluet 12:3

A nan mo ’boroji Ŋutu logon ’boroja do kilo, a nan mo lömbi nye logon lömbu do lo; a kötumitön liŋ ti kak mo mo ’yi nan i ’boroja na se gwoso na ’boroji nan do na.

Yisaya 40:9

Do logon takiŋdya logio lo ’but i Siona, kiyaddi ki i mere lojo: do logon takiŋdya liŋio lo ’but i Yerusalema, ’bi ’yi gworo ilot ki ko riŋit, ’biliki lepeŋ ki, an do kujönö: kulyani ko köjinö ti Yuda adi, Ŋun losu malo!

Yisaya 41:27

A nan lo tukökiŋdye Siona a kokwe adi, Meddi ta, meddi ta lepeŋat; a nan tiŋdi Yerusalema katokuönit lo lore lo ’but.

Yisaya 49:6

a nye kulyani adi, Kita nagon nan a tin do i gwon a kölipönit liŋ na a ŋo na ’dit, anyen do ’bilikiŋdya kötumitön ti Yakobo ki, ko anyen nyökuŋdyö ŋutu ti Yisaraele logon a lwökö; nyena a nan mo tiŋdi do a parara i ŋututi jurön, anyen lwökit nio böŋö yegaddu tojo ko ’dutesi ti kak.

Yisaya 52:10

MATAT aje rukunyukin könin lonyit loke kaŋo ko jurön liŋ i komor; a ’dutesi liŋ ti kak mo meddi lwökit na po ko Ŋun likaŋ.

Yisaya 52:7

Mokosi ti ŋuto lo joŋdya lore lo ’but i merya ki kulo kwekwelen adi rio, logon tokuöddu kulya ti taliŋ, a joŋdi lore lo ’but lo kulya na ’but, logon tokuöddu kulya lwökesi; logon kulya ko Siona adi, Ŋun ilot tutumatyan.

Yisaya 61:1

Mulökötyo lo MATAT Ŋun gwon köyö loki; kogwon MATAT aje welakin nan; nye aje son nan i tokukiŋdyö na lorge lo ’but i ŋutu lokoyokak; nye aje son nan i doŋgu na se logon a ’be ’beleŋo kase i töilyet kilo, i laikiŋdya na se lo rereka i yukwe nase, ko se logon a totora i gaye nase kaŋo;

Daniele 10:19

A nye kulyani adi, Do ŋuto lo nyanyara parik, an do ko kujönö, ti taliŋ gwe ko do. Gwe do a iŋgo ko a purutat. A nagon nye nyuŋ jajambu ko nan nu, a nan iŋge golon, a kulyani adi, Ti do duma lio jambi, kogwon do aje togo ’yuman.

Jakaria 9:9

Ta ŋutu ti Siona, lyoŋi ta lyoŋon parik! Ta ŋutu ti Yerusalema, maraŋgi ta maraŋgu! Mete ta, mor losu ŋilo popo kasu ni; nye aje tutuŋgo moro ko aje te ’ya, lepeŋ a lokoyok i si ’da ’e i kaine, i kolojityo tore lo kaine.

Matayo 14:27

Ama a Yesu nyoŋgi kulya ko se adi, Togo ’yi ta töilyet, ŋo lo a nan; an ta ko kujönö ta.

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Matayo 28:5

Ama a malaikatat lo kulyani ko ŋutu wate kune adi, Ko kujönö ta; nan a den adi ta galuŋdya Yesu logon aje ’bikiki i ködini na görö lo.

Marako 1:15

adi, diŋit aje temakiŋdya; Ŋun aje yepuŋdya i tumatyan; löpuŋge ta töilyet ko yubbe ta lore Lo ’but.

Marako 16:15

a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ.

Luka 1:13

A malaikatat lo kulyani ko lepeŋ adi, Takaria, an do ko kujönö; kwakwaddu inot aje yiŋa: Elisabeta nakwan inot mo yuŋwekiŋdyo do ŋuro lulalet, a do mo gwije lepeŋ a Yoane.

Luka 1:19

A malaikatat waddi lepeŋ adi, Nan a Gabariele, lo gwo ’dan ko Ŋun i komor; nan aje sunyue i jambu ko do ko i jakiŋdya na do na lo lore lo ’but.

Luka 1:30

A malaikatat kulyani ko lepeŋ adi, Maria, an do ko kujono, kogwon Ŋun a ’boroja do.

Luka 2:11

kogwon i lo lor Kalwökönit a yuŋweki ta i köji na Dawidi logon a Masia ko a MATAT.

Luka 24:47

anyen ŋutu ködyo tokuoddu i karin kanyit i jurön liŋ suluja Yerusalema adi, ti ŋutu liŋ löpuŋge toilyet anyen toronjin kase pipitoki.

Luka 8:1

A gwe sona i mukök na ŋina, a yesu jöjölöjine i köjinö ko i turön lalajaddu ko totokuöddu Loŋe Lo ’but lo Tumatyan na Ŋun. A ŋutu kanyit kajujumuk puök wot murek kulo moraddi ko lepeŋ,

Konesi 13:32

yi jakiŋdya ta Loŋe Lo ’but logon Ŋun köju a milyekin merenyejin kaŋ lo,

Roma 10:15

A ŋutu tokuöddi ada ko se a ko sonyo? Sekine kulya nagon a wurö kune adi, Mokosi ti ŋutu lo joŋdya lore lo ’but kulo kwekwelen adi rio!

Epeso 3:8

Ŋina ’busan a tiki nan logon a lo ’dit Iwolwoŋ ŋutu liŋ lo ’di ’dik ti Ŋun, anyen nan tokukindyo ŋutu ti juron Loŋe Lo ’but lo tukworien na Kristo nagon gagalaji ’bak ’dutet na.

Kolosai 1:23

Ama ta agu kodyo yeŋon gwo ’dan go i yubbo nasu, an ta ko wusaji ta kaŋo i yeŋdu na kulya nagon ta a yiŋ i Loŋe Lo ’but kune. ŋilo Loŋe Lo ’but aje tokuki i ŋutu liŋ ti kak ’bukuluŋ; nan Paulo logon a katokuonit lo ŋilo Loŋe.