Luka 2:1 - Bibilia Buk na Ŋun nagon koti luŋu a

¹ A ko gwe sona i kilu perok a Kaisar Augusito tiŋdi saret adi ŋutu liŋ ti kak ködyö wuwuro.

Luka 2:1 ပူးပေါင်းရင်းမြစ်များ

Esetere 10:1

A mor Akasuwero tiŋdi saret i ŋutu logon gwon i jurön ko i tikönyö anyen robba usur.

Matayo 22:17

Nyena do yeyeju ada? Taki yi. Saret ŋona a ruk adi Kaisar bubulö ropaki usur, kode ti bulö ropaki?

Matayo 24:14

A lo Loŋe Lo ’but lo Tumatyan mo totokuöjine i kak ’bukuluŋ anyen tokurukiŋdyö kine kulya i ŋutu liŋ ti jurön, a kirut ’dutet mo na poŋdi.

Marako 14:9

’Diri nan takiŋdya ta adi i piritön liŋ ti kak ’bukuluŋ nagon Loŋe Lo ’but a tokuöji kata kunu, ŋo nagon ŋina ŋuto aje kon na mo jajama, anyen yeyeori lepeŋ.

Marako 16:15

a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ.

Luka 2:3

Nyena a ŋutu liŋ geleŋ geleŋ iti kase i köjino i wuro na karin.

Luka 2:5

A lepeŋ ’ti i wuro na karin se ko Maria nagon a torukökin ko lepeŋ a narakwan na, a gwe ko pele.

Luka 3:1

Nyena i kiŋa topuök wot mukanat lo gwoŋdi Kaisar Tiberio i tumatyan lu, a Pontio Pilato gwe a modir lo Yudaya, a Erode gwe a kasaranit lo Galilaya, a luŋaser lonyit Pilipo gwe a kasaranit lo jur lo iturea ko lo Tarakoniti, a Lusania gwe a kasaranit lo Abilene,

Konesi 11:28

A lele lose karin kanyit a Agabo ŋine ki a keŋ keju ko riŋit na Mulökötyo Loke adi dyaŋ duma mo kata i kak ’bukuluŋ, a kine kulya ’diri iŋge kona i diŋit na gwoŋdi Kalaudio a kasaranit nu.

Konesi 25:11

A ko ködyö nan a katoronyanit a iŋge koŋdya nene ŋo nagon jujukin tatuarikin nan, nan ti renya twan kwöŋ; ama ko ŋo na jam se i kulya kwe kune ’bayin a gwak, a lele ŋuto gwe ’bayin logon bubulö ŋutu kiŋdya nan kase i könisi. Nan pija Kaisar anyen ’duŋgö kulya kwe.

Konesi 25:21

Ama a na piyuŋdye Paulo anyen nye titiyu tojo ko Kaisar mor duma lo jurön a ’duŋgö putet lonyit nu, a nan saŋi saŋu anyen lepeŋ titiyu tojo nan a sonyoddu lepeŋ kanyit yu.

Roma 1:8

A kokwe nan a tiŋdu Ŋun liŋ tinate ’diŋdya karin ti Yesu Kristo kogwon kulya kasu, kogwon ŋutu ti kak ’bukuluŋ aje yiŋ kulya ti yupet nasu.

Pilipoi 4:22

Ŋutu liŋ ti Ŋun roman ko ta, kegga se lo gwon a ti mede na Kaisar kulo.