Luka 19:9 - Bibilia Buk na Ŋun nagon koti luŋu a

⁹ A Yesu kulyani ko lepeŋ adi, I lo lor na mede a lwökö, kogwon lepeŋ köti a ŋuro lo Abarayama.

Luka 19:9 ပူးပေါင်းရင်းမြစ်များ

Galatia 3:7

Nyenagon dene ta den adi ŋutu lo gwon ko yupet kilo se logon a nyakwariat ti Abarayama.

Luka 13:16

Nyena na ŋuto nagon a nyakwari na Abarayama na, nagon Satani a rerek ko kiŋajin puök wot budök na, ti nye ködyö gwe ti laka i rerekesi kanyit i lor lo Sabata le?

Roma 4:16

Nye ŋina kwe nagon kine ŋo kona kogwon yupet, anyen ŋo liŋ nagon Ŋun a milyekin tiŋdu kune böŋö tiki kana kogwon ’busan nanyit na nyaŋu, a rukökine nyakwariat liŋ ti Abarayama, ti gwon a na ŋutu ti ŋilo Saret ka ’de, ama köti a na ŋutu lo yubbo kulo gwoso na yubbe Abarayama nu, kogwon lepeŋ a merenye likaŋ liŋ,

1 Petero 2:10

Ta köju ’bayin a ŋutu, ama soŋinana ta gwe a ŋutu ti Gun; ta koju a ko yataki, ama soŋinana ta aje yataki.

Galatia 3:29

Nyena ko ta a ŋutu ti Kristo, a ta gwe a nyakwariat ti Abarayama, a ta mo wuji lomore nagon Ŋun a milyekin tiŋöju nyakwariat ti Abarayama na.

Galatia 3:14

Lepeŋ a ŋoŋga sona anyen ’boriet nagon a ’boriarikin Abarayama na boŋo pokin i ŋutu ti juron ko Kristo Yesu i mugun, anyen yi boŋo wuju Mulokotyo kogwon yubbo nikaŋ. ŋun a milyekin tiŋöju yi lepeŋ.

Luka 3:8

Koŋdi ta ŋo nagon kwekiŋdya adi ta ’diri aje lopuggö töilyet. An ta ko suluja ta kulya ko ’börik adi, Abarayama a merenye likaŋ. Nan takiŋdya ta adi Ŋun bubulö pipiluŋdya nyakwariat ti Abarayama ma ’di i kilo ŋurupö.

Luka 2:30

kogwon nan a met ko konyen kwe lwökit nagon do lwöggi ŋutu na.

Luka 13:30

Iŋkoi, kulye logon a ti ’dutet mo gwe a ti kokwe, a kulye logon a ti kokwe mo gwe a ti ’dutet.

Luka 16:24

a nye gwine adi, Pon Baba Abarayama, wone konyen ko nan, ko sunyuŋdye Lajaro anyen nye boŋö ko sukiŋdyö kwe na morinet lonyit i pioŋ i toligga na ŋedep liŋ, kogwon nan lo totomie i na kimaŋ.

Luka 16:30

Ama a nye waddi adi, ’Bayin pon baba Abarayama; ama ko lele lo lo twatwa a tu ko lepeŋat yu, a lepeŋat mo löpuŋge toilyet.