Luka 17:3 - Bibilia Buk na Ŋun nagon koti luŋu a

³ Kunyar ta ’borik; ko luŋösur a koŋdya arabat riŋe riŋ lepeŋ, a ko lepeŋ a löpuggö toili, pitöki lepeŋ.

Luka 17:3 ပူးပေါင်းရင်းမြစ်များ

Saumajin 141:5

Kulya ’bayin ko ŋuto lo ’but a gwuddyö nan, kode a riŋga nan ko töili lo ’but; ama nan ti ’bön ŋuto loron i we ’ya na kwe nio ko welet, kogwon nan ŋupi momo ’yu Ŋun an konesi kanyit narok puputuru ŋerot.

Yuörö 34:12

Mete mugun ’bura, an ta ko teteŋdya tomoret ko Ŋutu ti lu jur lo tiri ta kata lu, an gwon kasu a loket;

Tolupesi 17:10

Kulyaesi ririŋesi lupö i toili lo ŋuto lo kukurundyö kulya, ama ŋuto lu ’boŋ ma ’di ko a ’bito kurubasi mia geleŋ a miŋe, kine kulya ti lupö kanyit i toili.

Tolupesi 27:5

Bia ririŋesi na jama a lokomor, lwölwöŋ nyaŋu nagon mumukö.

Tolupesi 9:8

Ko ririŋga ka ’dö ’doyönit ko kutuk an lepeŋ man do, ririŋge ŋuto lokoŋ a nye mo gwe aju ilot.

Lewi 19:17

Do ködyö ti maŋdu luŋösur konut i töili, ama ta ködyö teten kulya kasu ko marate ilot, an do ko ’doggu toron i kulya ti lepeŋ.

Matayo 18:21

A kirut a Petero poŋdi po a pije Yesu adi, MATAT, nan ködyö pitökiŋdyo luŋaser liŋ daŋin muda ko nye a konakiŋdya nan arabat? Ŋona tojo ko daŋin buryo?

Luka 21:34

Ama kunyar ta ’börik an töilyet kasu gwon pömöni ko rorweki, ko meran se ko wiwinyesi ti kak, an ŋilu lor jakakin ta adi wulek gwoso ridiket;

Epeso 5:15

Meddi ta ’bura ko ta gwolor ada. Gwe ta gwoso ŋutu lokoŋ ti gwon gwoso lu ’böŋ.

Nyökit 4:15

Nyenagoŋ kunyar ta ’börik; kogwon ta a ko met gwuluet na nene ŋo i lu lor lo jambi MATAT i kimaŋ lukata ko ta Orebe yu,

Nyökit 4:23

Kunyar ta ’börik, an ta böŋö tomoret na MATAT ŋun losu nagoŋ nye aje teten ko ta na, i gweja na nyömue na gigiru i gwuluet na nene ŋo nagoŋ MATAT ŋun losu a saŋi ta adi ti gwe ti kona na.

Nyökit 4:9

Tuŋ kunyar ta, ko tiji ta ’börik ’bura, an ta ko böŋö ŋo na met konyen kasu kunu, an se ko likin kasu i töilyet i perok liŋ ti gwiliŋit nasu. Tiŋdi ta se i dena ko ŋwajik kasu se ko nyakwariat kasu.

Ebere 12:15

Kunyar ta, ti lele ŋuto gwe ti karakin bot an lepeŋ yanan i wuju na ’busan na Ŋun, a lo ’burtölön ŋunu kanyit i töili a todelyaji todelyaju, a köŋi nutu jore.

Yakobo 5:19

Luŋasirik kwe, ko lele losu a lyanara kano i kulya ti to ’diri, a lele nuto inge nyokun lepeŋ bot kbti,

2 Yoane 1:8

Kunyar ta ’börik anyen ta böŋö gwon ti tolikiŋdyö ŋo bo nagon yi a kitari kine, anyen ta böŋö wuju ropet a duma.