Luka 17:1 - Bibilia Buk na Ŋun nagon koti luŋu a

¹ A Yesu kulyani ko ŋutu kanyit kajujumuk adi, Ŋo na lokuŋdya ŋutu i toroŋdya kune ’diri agu mo popo, ama woidio i ŋuto logon kine ŋo po ko lepeŋ.

Luka 17:1 ပူးပေါင်းရင်းမြစ်များ

Matayo 16:23

Ama a Yesu wöriŋöni wöriŋö, a kulyani ko Petero adi, Iŋgo Satani, kölöki nan! Do gwon köyö a kopuket, kogwon do ti yeyeju gwoso na yeyeji Ŋun na, ama do yeyeju gwoso na yeyeji ŋutu na.

Matayo 18:7

Wöidiö na kak, i kulya ti ŋo nagon lokuŋdya ŋutu i toroŋdya! ’Diri ŋo nagon lokuŋdya ŋutu i toroŋdya agu ködyö popo, ama wöidiö i ŋuto logon kine ŋo po ko lepeŋ!

Luka 16:31

A Abarayama waddi adi, Ko se ti ’bon yiŋga Saresi ti Mose se ko ŋo na wur nebijin kune, ma ’di ködyö ko lele ŋuto a ŋien i twan a se tine lopukuŋdyö.

Roma 14:13

Nyenagon ti yi köti gwe ti to ’duŋökin kulya kaŋ a ’börik, kölumbö ti yi liliundye ta adi ti yi kwöŋ gwe ti kondya nene ŋo nagon tindu luŋaser lo yubbö lo i köpukö kode i ’doro.

Roma 16:17

Nan mo ’yu ta luŋasirik, meddi ta ’bura i kulya ti ŋutu logon tiŋdu ŋutu i kökoroja, a tulyaŋgi ŋutu, a todiŋdye todinesi na gwon ka ’de ti gwon gwoso nagon ta a wu kine. Gwe ta pajo ko lepeŋat,

1 Korinto 10:32

An ta ko koŋdya ta nene po nagon tuköpuggö Yudayaki, kode ŋuto ti kulye jurön, kode kanisa na Ŋun.

1 Korinto 11:19

(’Diri kunie koresi agu ködyö gwon kata kasu kiden anyen liliuŋdya ŋutu ti to ’diri.)

1 Korinto 8:13

Nyenagon ko kinyo tiŋdu luŋaser lio lo yubbö lo i ’doro, a nan mo köti tine nyesu lokore kwöŋ, an nan to ’doro ’yu luŋaser lio.

1 Timoteo 4:1

Mulökötyo Loke a jambu kokeadi, i diŋitan ti mukök kulye ŋutu mo kökolökin yupet, a lepeŋat mo yiŋge muloko ’burönök se ko todinesi ti mulökö lorok.

Kweyatti 2:14

Ama nan gwon ko kulya ku ’dik na yuyuköri do adi do gwon ko Ŋutu ŋini logon ’depakiŋdya i todinesi ti Balam. Ŋilo Balam koju lo todiŋdyö Balak anyen tiŋdu loket a na ŋutu ti Yisaraele, anyen tiŋdu lepeŋat i nyesu na kinyo logon wuki nyömuejin logon a punyen ko i koŋdya na toluŋ.

Kweyatti 2:20

Ama nan gwon ko kulya na yuyuköri do, adi do a kölökiŋdyö ŋina Ŋuto Yejebele nagon luŋgu mugun a nebi, a do gwe a ko teŋgu lepeŋ. Lepeŋ a togiŋa kölipönök kwe, a todiŋdye lepeŋat i koŋdya na toluŋ ko i nyesu na kinyo logon wuki nyömuejin logon a Ŋunyen.