Luka 16:2 - Bibilia Buk na Ŋun nagon koti luŋu a

² a kwörinit lo luŋgi lepeŋ, a pije lepeŋ adi, Ŋo a nyo nagon nan a yiŋ i kulya kunök? Kene ken ŋo na saraki konut i konin kune, kogwon do kwoŋ tine yeŋon gwon a kamemetanit.

Luka 16:2 ပူးပေါင်းရင်းမြစ်များ

Katokuönit 12:14

Kogwon ŋun mo ’du ’duŋökin putesi i konesi liŋ ti ŋutu, se ko lwönö liŋ kode a na ’but kode a narok.

Matayo 12:36

Nan takiŋdya ta adi, kulyaesi liŋ logon ŋutu jajam a wuya kilo mo piyarikin lepeŋat i lor ’duŋet lo putet.

Matayo 20:8

A i sömukö, a monye luköbi takiŋdye yumi lonyit adi, Luŋgi kakitak ko ropaki se ropesi kase, suluja ko se lo ’dur a ti ’dutet a ’duddye ko se logon a ti kokwe.

Luka 12:20

Ama a Ŋun kulyani ko lepeŋ adi, Do ŋuto lu ’böŋ, i lo tukwaje kodudwö inot de lulu ŋun kaŋo konut. A ŋo nagon do a tetenakin kine mo gwe a ti ŋa?

Luka 12:42

A MATAT waddi adi, Taki nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na kulye köliŋönök kinyo i diŋitan na ’but?

Luka 16:1

A Yesu koti kulyani ko ŋutukanyit kajujumuk adi, Lele kworinit kata lo gwon ko kamemetanit lo meddya mede nanyit. Ŋilo ŋuto a ŋöki ko duma lonyit i komor adi lepeŋ a köŋu tito.

Luka 16:3

A kamemetanit lo kulyani ko mugun adi, Nan koŋdya nyo kogwon duma liŋ ’deke riköddu nan kaŋo i kita? Nan ’bak riŋit kurit, ko koti kwe nio yuyu i ŋoŋolija.

Roma 14:12

Nyenagon yi liŋ geleŋ geleŋ mo totoleurukin kulya kaŋ ko Ŋun i komor.

1 Korinto 1:11

Kogwon kulye ŋutu logwon ko Kuloe midi kulo a kwekiŋdya nan adi ŋisa kata kasu kiden luŋasirik kwe.

1 Korinto 4:2

Ama katiyuk agu ködyö yiyiniki i kitajin kase.

1 Korinto 4:5

Nyenagon ko lilija ta kulya ti lele Ŋuto i ŋerot na nu diŋit, tojo ko Matat a po. Lepeŋ mo kwe kweyun Iwono na gwon i mudwe kune i parara, iŋkoi, lepeŋ mo kwekwe yeyeesi nagon ŋutu a ’de kase i töilyet kune. A kirut Ŋun mo pupurje ŋutu liŋ geleŋ geleŋ.

2 Korinto 5:10

Kogwon yi liŋ mo gwoŋwo ’dan i komor na si ’daet nagon Kristo ’duŋgö putet kata na, anyen yi liŋ geleŋ geleŋ böŋö ropaki ŋo na kon yi na gwoŋdi yi nyuŋ ko kune mugunya kune, kode yi a koŋdya ŋo na ’but kode yi a koŋdya ŋo narok.

1 Timoteo 4:14

An do ko böŋö kitari ’doket nagon konut ŋina nagon a tiki do, i diŋit na jambi nebijin, ko na sopakiŋdye teŋ na ŋutu temejik könisi kase konut loki nu.

1 Timoteo 5:24

Toronjin ti kulye ŋutu meta köke adi se tu ŋerot i ’duŋoki na putet, ama toronjin ti kulye ŋutu pukun i mukok.

1 Petero 4:10

Ŋun a ’dogga yi liŋ ko ’dokesi ka ’de ka ’de, nyena ti yi gwe a kametak lo ’but ti kine ’dokesi, anyen tutunarakin ko ’börik ko kine ’dokesi.

1 Petero 4:5

Se mo wawasakin kulya na kon se kine i nye logon gwe ajo i ’duŋö kiŋdyö na kulya ti ŋutu lo gwon jörun se ko ti lo twatwa lo.

Kweyatti 20:12

A nan meddi ŋutu lo twatwa temejik ko lo ’di ’dik gwogwo ’dan i komor na ŋina si ’daet, a bukön ŋani gai. A kirut nene buk na ŋani nagon a buk nagon karin ti ŋutu lo gwon jörun kulo a wuröki kata na. A ŋutu lo twatwa kulo iŋge ’duŋoki putesi gwoso i konesi kase nagon a wuroki i bukon kune.