Luka 15:5 - Bibilia Buk na Ŋun nagon koti luŋu a

⁵ A na ryeji lepeŋ nye nu, a nye kalakiŋdye lepeŋ kanyit i murut, a lyoŋi lyoŋön;

Luka 15:5 ပူးပေါင်းရင်းမြစ်များ

Yisaya 62:12

A se mo lupuni a Ŋutu loke, ko a Ŋutu ludakwe ti MATAT; a do mo luŋuni a Nanyanyara, a Köji na ti paye.

Yisaya 62:5

Kogwon gwoso na yembi titinti ’diet nu, a ŋwajik kulök mo yembi do, ko gwoso nagon kayemanit lyölyöŋi ko ŋuro na yeyeilia nu, a Ŋun ilot mo lyölyöŋine ko do.

Yisaya 63:9

i yöyöŋesi kase liŋ. Nye a ko yökijö kode ŋuto kode malaikatat ama nye lepeŋ lo lwöŋgu lepeŋat; a nye dakuŋdye lepeŋat kogwon nyaŋu nanyit kowon nanyit na konyen; a nye ’dukuŋdye lepeŋat ki a ’dokoddi se i perok liŋ ti ’beron kulu.

Ejikele 18:23

Nan MATAT Ŋun lo pija adi, Nan ŋona lyölyöpön ko ŋuto loron a twan le? Ti gwon adi nan ködyö ’de ’dekan adi ti nye lopu-kuŋdye kapo i kiko lonyit loron anyen gwon jörun le?

Ejikele 33:11

Kulyani ko lepeŋat adi, MATAT ŊUN lo kulya adi, ’Diri ’diri gwoso na gwoŋdi nan na, nan ’bak lyöŋön i twan na ŋuto loron, ama nan ’de ’dekan adi ti ŋuto loron löpuŋge löpuggö i kiko lonyit, ko ti rune ru. Nyena löpukwene ta bot, iŋkoi, wöripuŋdye ta kaŋo i kikolin kasu lorok kilo. Ta ŋutu ti kötumit na Yisaraele, ko nyo ta ’de ’dekan twatwa?

Mika 5:4

A nye mo gwo ’de gwo ’dan ko riŋit na MATAT i yuggu na yidin kanyit, i todumalan na karin ti MATAT Ŋun lonyit. A se mo si ’dani ’bak kujono, kogwon riŋit nanyit aje yegga tojo ko ’dutesi ti kak;

Mika 7:18

ŋa logon a ŋun gwoso do logon pipitokiŋdyö toronjin, a girara a swot a tine met lyaŋesi ti pitönö ti ŋutu kulok lomoriot? Do ti ’de ’ya woran inot ŋupi, kogwon do nyonyola i kwekiŋdya na nyaŋu inot nagon ti ’duddyo kwoŋ na.

Jepania 3:17

Nan MATAT ŋun ilot gwon konut kiden, a nan gwe gwoso ŋuto wa i gaju na do; nan mo nyonyola ko do ko lyöŋön, a nan mo toluduŋge do ko nyaŋu nio; a nan mo yoloni yolo parik i bu ’ya na mugun ko do

Luka 15:32

Yi agu ködyo lyölyöŋön ko nyonyola, kogwon lo luŋösur koju gwoso logon a twan ko aje ru koti, nye köju a likin ko aje rye koti.

Luka 15:4

Ko lele losu gwon ko köbilu mia geleŋ a nene nase geleŋ iŋge likin, nye ŋona ti kolökin merya buŋwan wot buŋwan kune i yöbu a galaddi na nagon aje likin na tojo ko nye a ryö lepeŋ le?

Luka 15:6

a nagon nye aje yitwe mede nu, a nye luluŋgi julin kanyit se ko maratejin kanyit i pirit na geleŋ, a kulyani ko lepeŋat adi, Lyöŋi ta ko nan, kogwon nan aje ryo kobilityo nio nagon aje likin na.

Luka 19:9

A Yesu kulyani ko lepeŋ adi, I lo lor na mede a lwökö, kogwon lepeŋ köti a ŋuro lo Abarayama.

Luka 23:43

a Yesu waddi adi, ’Diri nan takiŋdya do adi, i lo lor do de gwon ko nan i pirit na geleŋ i Melesen nakwekwelen na Ŋun.

Yoane 15:11

Nan aje jamakin ta kine kulya anyen lyöŋön nio böŋö gwon kasu i mugunya, ko anyen lyöŋön nasu böŋö jojore.

Epeso 2:10

Kogwon yi a tobodwan nanyit; yi a gweki ko Kristo Yesu i mugun anyen koŋdya konesi na ’but nagon Ŋun a tetenakin a kokwe kunu, anyen yi böŋö wörö kata.

Epeso 3:7

Ŋun a tiŋdu nan i gwon a kakitanit lo ŋilo Loŋe Lo ’but kogwon ’busan na nyaŋu nanyit nagon nye a ’doggi nan kana na, kogwon riŋit nanyit nagon kikita koyo i mugun na.

1 Tesalonike 1:5

kogwon na tokukiŋdye yi ta Loŋe Lo ’but nu, yi a ko jambu kulyaesi ka ’de, ama yi a Tambu ko riŋit na Mulökotyo Loke gwoso ŋo nagon yi a yuŋ adi ’diri a gwak. Ta koti a den koyi gwolor ada na gwoŋdi yi ko ta i pirit na geleŋ nu kogwon kulya kasu.

2 Timoteo 2:26

anyen se deden ’börik, a rwösuŋdye kaŋo i birya na kaŋöönit logon a logga se anyen koŋdya ’dekesi kanyit lo.

Ebere 12:2

Ti yi metaddi ta ŋerot ko Yesu yu, kogwon lepeŋ a kasuluwanit lo yupet nikaŋ, a lepeŋ mo lo tojukiŋdye ŋina yupet ’bura. Lepeŋ a ko yeye toyuŋ nanyit na kwe i ŋoŋga na twan nanyit i kodini na görö, kogwon lyöŋön na gwon kanyit ŋerot nu. Soŋinana lepeŋ aje si ’daki i könin lutaten lo si ’daet na Ŋun.

1 Petero 1:5

Nyena kogwon ta a yubbö Ŋun, a lepeŋ iŋge tiju ta ko riŋit nanyit tojo ko lwoko nasu. Ŋina lwökit mordu kweye kaŋo i diŋit na ’dutet.