Luka 15:4 - Bibilia Buk na Ŋun nagon koti luŋu a

⁴ Ko lele losu gwon ko köbilu mia geleŋ a nene nase geleŋ iŋge likin, nye ŋona ti kolökin merya buŋwan wot buŋwan kune i yöbu a galaddi na nagon aje likin na tojo ko nye a ryö lepeŋ le?

Luka 15:4 ပူးပေါင်းရင်းမြစ်များ

Saumajin 119:176

Nan a girara gwoso köbilityo na likin; galaddi nan köliŋönit ilot kogwon nan ti böŋö saresi kulök.

Yisaya 53:6

Yi liŋ a gigiri gwoso yidin;yi a girara geleŋ geleŋ i kikolin kaŋ; a MATAT aje sopakin toronjin kaŋ liŋ kanyit loki.

Yeremia 33:13

A kayukuk köti mo keŋdi yidin kase i luŋö nase i ŋoro taŋdu se ko könisi i köjinö ti jur logon a merya, ko i köjinö na gwon i ’dir na merya, ko i köjinö ti jur lo Loki, ko i jur lo Benyamina, ko i turön logon lolorga Yerusalema, se ko i köjino ti Yuda, ŋilo a nan MATAT lo jambu.

Yeremia 50:6

Ŋutu kwe a likin gwoso köbilu; kayukuk kase aje tulyapara lepeŋat, a se tiŋdi se i wörö abur i merya; lepeŋat wöröji suluja i merya tojo ko lurwat, a iŋge böŋö pirit nase nagon a goro lose na.

Ejikele 34:16

a nan mo tiŋdi se i peron kak, ŋilo a nan MATAT ŊUN lo kulya. A nan mo galaddi nagon a likin kune, a nan mo nyökuŋdye bot nagon a girara kaŋo kune, a nan mo doggi nagon a böböŋoji kune ko rubatan, a nan mo ruruŋge se nagon a namunyak kune, a nan mo meddi napir ko nago; a nan mo tunyeji se ’bura.

Ejikele 34:31

Ta a teŋ na köbilu kwe, ta a ŋutu kwe, iŋkoi ta a teŋ na köbilu nagon nan lo tunyeju, a nan gwe a ŊUN losu. Kilo a kulyaesi kwe ti MATAT ŊUN.

Ejikele 34:4

Ta a ko rurugga se nagon a namunyak kune, ta a ko toke ’ya nagon a gilö kune, ta a ko doggu nagon a boböpöji kune, ta a ko nyökuŋdyö bot nagon a girara kaŋo kune, ta a ko ga ’yu nagon a likin kune, ta aje yuggu se ko tukaŋan ko woran.

Ejikele 34:8

Nan MATAT ŊUN lo kulya adi, ’Diri ’diri gwoso na gwoŋdi nan na, kogwon köbilu kwe aje kölöki i kokoa, iŋkoi, köbilu kwe aje nyei ko gwuruŋin, kogwon kayukunit ’bayin; köti kogwon ŋutu kwe logon a kayukuk a ko galaddu köbilu kwe, ama lepeŋat deŋdi tunyeju ’borik, a gwe a ko tunyeju köbilu kwe;

Matayo 12:11

A nye pije lepeŋat adi, Lon ŋuto losu logon gwon ko kobilityo geleŋ, a ko kodyö ŋina kobilityo a ’doro i dili i lor lo Sabata, nye ŋona ti mok nye a pikuŋdye nye kaŋo le?

Luka 13:15

a MATAT waddi lepeŋ adi, Ta kamumulukak, ta liŋ geleŋ geleŋ ti yukuuŋdyö dwönin kasu kode kaineki kasu i gorwat, anyen joŋ se i möju na pioŋ i lor lo Sabata le?

Luka 15:3

Ama a nye jamakiŋdye lepeŋat lo lilim adi,

Luka 19:10

Kogwon nan Ŋuro lo ŋuto aje po i ga ’yu ko i Iwoggu na ŋo nagon aje likin kune.

Roma 2:1

Nyenagon do ŋilo ŋuto ma ’di do a ŋa, ko do a ’duŋökin lele ŋuto arabat do ’bak kulya nagon do renyuŋdye mugun kaŋo. Kogwon i ’duŋökiŋdyo inot na lepeŋ do ’duŋökiŋdyö mugun arabat, kogwon do logon a ka ’duŋonit lo koti kökon ŋo nagon do a jam adi a narok kine.

1 Petero 2:25

Ta aje tobiala kogwon ’dikasin kanyit na ’bitoki kune.Ta koju aje gigiri gwoso yidin, ama soŋinana ta aje yitwe ko Kayukunit ni logon a Kametanit lo ködudwölön kasu lo.