Luka 13:7 - Bibilia Buk na Ŋun nagon koti luŋu a

⁷ A nye kulyani ko ŋuto lo tiki i kuŋu lo adi, Mete, kilo kiŋajin musala nan a po i lo ki ’bi i ga ’yu na ludweki, ama a nan gwe a ko ryö. Tukuki nye kak. Nyo nye muggo kak ko kana?

Luka 13:7 ပူးပေါင်းရင်းမြစ်များ

Yuörö 32:10

nyena soŋinana kölöki nan, anyen woran nio tulekin pape kase loki, anyen nan ködyo tototum lepeŋat a nan tetenakiŋdye do a jur duma lo Ŋutu.

Daniele 4:14

A lepeŋ maraŋgi adi, Tukuki ŋilo ködini kak, totoke totok kenia kanyit, ko rote koropo kanyit kaŋo, ko rate ludweki kanyit mu ’diŋ. Ti kijakwa reki rekin i mukok nanyit se ko kwen i kenia kanyit.

Lewi 19:23

A ko ta mo a ’dur i lu jur, a ta ’yuddi gweyarijin liŋ ti kaden lo nyenyei, nyena a ta ködyö meddi se a ŋo logon a teŋo ti nyei; iŋkoi se ködyö tiŋiki ta ko kiŋajin musala.

Lewi 25:21

Nyena a nan mo sarakiŋdye ’boriet nio i ta i kiŋa tobuker, anyen ŋilu ködyö turada-kiŋdya ta ludweki logon tetemakiŋdya i kiŋajin musala.

Matayo 7:19

Kaden liŋ logon ti radan ludweki lo ’but kilo toko kak a gubani i kimaŋ.

Luka 13:8

A ŋuto lo waddi lepeŋ adi, Duma liŋ, kölöki lepeŋ i lo kiŋa köti, a nan mo ’boggi mukök nanyit a tiŋdi woro kata;

Luka 3:9

Ma ’di soŋinana tulu a tetenaki ajo anyen tokori kaden i kokori. Kaden liŋ logon ti radan ludweki lo ’but toko kak a gubani i kimaŋ.

Yoane 15:2

Lepeŋ totokoro kaŋo kenia kwe liŋ nagon a ko radan ludweki, a nye ’duŋge i kune kenia liŋ nagon raradan ludweki anyen kunie kenia na wilun nagon raradan ludweki jore.

Yoane 15:6

Ŋuto logon ti gwon köyö i mugun lo gugubaji kaŋo gwoso kene, a teteyone teteyon. A kine kenia ’du ’dumani ’du’duma, a gubani i kimaŋ, a noke nakan.