Luka 13:6 - Bibilia Buk na Ŋun nagon koti luŋu a

⁶ A Yesu kulyani ko lepeŋat ko lo lilim adi, Lele ŋuto gwon ko ki ’bi logon a ’yutuki kanyit i luköbi na kaden ti binyo, a nye poŋdi i ga ’yu na ludweki i ŋilo ki ’bi, ama a nye gwe a ko ryo.

Luka 13:6 ပူးပေါင်းရင်းမြစ်များ

Yeremia 2:21

Ama nan a ’yut do a nyomotti lo ’but parik lo ködini lo binyo logon nyunyumwe. A nyo nagon do worani a ködini lo binyo logon ’bak ’bulit ko a lo mu ’diŋ?

Yeremia 8:13

A i diŋit nagon nan ködyö ’du’dumbe lepeŋat gwoso ludweki nu, a ludweki gwe ’bayin i kaden ti binyo, a kaden ti ki ’biet gwe ’bak ludweki, a ma ’di koropo kase rape raŋan, a ŋo nagon nan köju a tikin lepeŋat kune iŋge wuddya kase.

Luka 13:5

Nan takiŋdya ta adi, ’Bayin sona; ama ko ta a ko löpuggö töilyet a ta liŋ mo twatwane sona gwoso lepeŋat.

Luka 3:9

Ma ’di soŋinana tulu a tetenaki ajo anyen tokori kaden i kokori. Kaden liŋ logon ti radan ludweki lo ’but toko kak a gubani i kimaŋ.

Yoane 15:16

Ta a ko wulun nan, ama nan aje wulun ta ko a gelun ta anyen ta puputuru ŋerot i radan na ludweki. Kilo ludweki kasu ködyö yeyeŋon. A kirut Baba mo tiŋdi ta ŋo liŋ nagon ta a piyun köyö i karin kune.

Galatia 5:22

Ama ludweki ti Mulokotyo ko ŋuto i toili gwon a nyaŋu, lyoŋon, gwon taliŋ, ŋoŋga taliŋ, gwon a lo ’but ko ŋutu, ’busan, yubbo na yeyeŋon,

Pilipoi 4:17

Ti gwon adi nan ga ’yu anyen ta ’dogga nan, ama nan ga ’yu adi ti Ŋun ’yalaki ta ’bulit i ŋo nagon ta a ’doggi nan kune.

Ka’duŋök 9:11

Ama a ki ’bi pipije adi, Nan ködyö kö ’yu tupaleleŋ nio na ludweki lo ’but, anyen tu wiwiŋgö ko kaden loki le?