Luka 12:4 - Bibilia Buk na Ŋun nagon koti luŋu a

⁴ Ta logon a julin kwe, nan takiŋdya ta adi, An ta ko ktijönö ta ŋutu logon tatuja kune mugunya, ama i mukök a tine bulö koŋdya nene ŋo köti.

Luka 12:4 ပူးပေါင်းရင်းမြစ်များ

Tolupesi 29:25

Kujönö kulye ŋutu gwon a birya, ama nye logon yinikindyö muŋun ko MATAT mo lwölwökö.

Koli Lo ’but Parik 5:1

Kiaser nio, nan aje po köyö i melesen ni, nakwan nio, nan aje ’deja mur kwe se ko ŋo kwe lo mon ’bura; nan aje nyesu kele lio lo siwatat ko siwatat nio, nan aje möju binyo kwe se ko le kwe. Ta julin kwe, nyesi ta, ko möji ta; möji ta parik, ta lo nyanyara kulo.

Koli Lo ’but Parik 5:16

Kulyaesi kanyit paleleŋ parik, lepeŋ nyanyara ’bukuluŋ.Ta kö ’disi ti Yerusalema, nyaratti logon a ju lio gwon sona.

Yisaya 41:8

Ama do, kölipönit liŋ Yisaraele, Yakobo, logon nan a wulun, nyakwari lo ju liŋ Abarayaijia;

Yeremia 1:17

Ama do Yeremia, ŋine ki, kukunaki mugun ajo, jamaki lepeŋat ŋo liŋ nagon nan a sarakin do kine. An do ko kölökin lepeŋat i tokujöŋdu na do, an nan tokujön do kase i komor.

Yeremia 1:8

An do ko kujönö lepeŋat kwöŋ, kogwon nan gwon ko do i lwöggu na do. Kilo a kulyaesi kwe ti MATAT.

Yeremia 41:18

ko­gwon se lwököddu ’börik i kulya ti ŋutu ti Kaledea. Lepeŋat kukujönö se kogwon Yisamaele aje tatuja Geda­lia ŋuro lo Akikam logon mor lo Babela aje tiŋdu i gwon a mödir lo jur lo.

Ejikele 2:6

Ama do ŋuro lo ŋuto, an do ko kujönö lepeŋat, an do kujönö jamiat kase, ma ’di ködyö joju do gwoso kikwa ko kalelerök, kode koja do gwoso kitoni ko do a si ’daki kase loki; an do ko kujönö jamiat kase kode delya komorsikan kase najögitök, kogwon se a kötumit na karerenyak.

Matayo 10:28

Köti ko kujönö ta ŋutu logon tatuja kune mugunya ama ti bulö tatuja kodudwölön; kolumbö kujönöni ta ŋun logon bubulö tukaŋu ko ködudwö ko mugun i Geena.

Yoane 15:13

Nyaŋu duma ’bayin ko lele ŋuto lwölwöŋ na, adi ŋuto a pakiŋdya mugun i tatua kogwon julin kanyit.

Konesi 20:24

Nan ti yeyeju ru nio gwoso nene ŋo nagon nan ködyö titi na, ama tuŋ nan ’de ’dekan tutuŋgö wökön nio na opere, anyen tutuŋökiŋdyö kita nagon Matat Yesu a tikin nan na, anyen tökoŋu Loŋe Lo ’but lo ’busan na nyaŋu na Ŋun,

Konesi 4:13

Nyena a se ko meddi topurwan nase Petero ko Yoane, ko a den adi lepeŋat a ŋutu logon a ko todinö ko ti den kulya nu, a se iŋge söŋu; a kirut se iŋge kurun adi lepeŋat köju gwon ko Yesu i pirit na geleŋ.

Pilipoi 1:28

a merok kasu tine tokujoŋdu ta i nene ŋo. A ŋina kwekiŋdye lepeŋat adi se mo tutukara, a ta mo lwököni lwökö ŋina lwökit Ŋun lo tiŋdu.

Yakobo 2:23

a kulya ti Ŋun na wuro kune iŋge temakiŋdya a gwak adi, Abarayama a yubbo Ŋun, a Ŋun ruŋge lepeŋ a ŋuto lo rigwo kanyit i komor kogwon yubbo nanyit, a Ŋun luŋgi lepeŋ a ju lonyit.

1 Petero 3:14

Ama ko ta ködyö noŋga kogwon ta koŋdya kulya na ’but, a ta ködyö gwe a kalyöpök. Ko kujönö ta se, an ta ko delya ta,

Kweyatti 2:10

Ti do gwe ti kujono ŋo nagon do de ŋogoŋ kine. Mete, kaŋöönit de gugubakin kulye kasu i kadi rereket, anyen ta tetema, a ta mo sasanyani ko perok puök. Ŋoŋgi go tojo ko twan, a nan mo tiŋdi do Iŋguya telet logon a ru.