Luka 11:34 - Bibilia Buk na Ŋun nagon koti luŋu a

³⁴ Konyen kulök a lombo lo mugun inot; ko konyen kulok a lo ’but mugun inot liŋ koti a jore ko parara; ama ko konyen kulök a lorok. köti a mugun inot gwe i mudwe.

Luka 11:34 ပူးပေါင်းရင်းမြစ်များ

Suluet 19:11

A se iŋge gwut kulu Ŋutu lo gwon i kotumit na kadi ko tomo ’dokenon, temejik ko lo ’di ’dik, a se tudaraji ’borik i wawaju na kotumit.

Saumajin 119:18

Ŋane konyen kwe anyen nan böŋö meddya kulya sörösi i saresi kulök.

Saumajin 81:12

Nyenagon a nan pakindye lepeŋat i töilyet kase logon ti ’bön sara kulo, anyen se kondya ŋo na ’deggi se kune.

Tolupesi 21:4

Konyen ’du ’duŋesi ko töili bulet lo mugun— kine toronjin a lombojin ti ŋutu lorok.

Tolupesi 28:22

Ŋuto logon a wele ’demeja tukwörien, ti den adi yöŋö na ŋo mo ’du ’dukin kanyit loki.

Yisaya 29:10

Kogwon MATAT ra ’bukökiŋdyö kasu loki mulökotyo logon tiŋdu ta i doto adi mwön, nye aje muggö konyen kasu, konyen kasu a nebijin, a muŋge kusik kasu, kusik kasu a kametak ti kulya na popo.

Yisaya 42:19

Ŋa logon a mo ’doke, ti gwon a kölipönit liŋ? Ŋa logon a miŋe gwoso luyökie liŋ logon nan soson lo? Ŋa logon a mo ’doke gwoso ŋuto logon nan a wulun i jambu na kulya kwe? Ŋa logon a mo ’doke gwoso kölipönit liŋ lo MATAT?

Yisaya 44:18

Se a ko den, a tine kurun; kogwon konyen kase a mukö an ko meddya, ko yeyeesi kase an ko kuruŋdyö.

Yisaya 5:20

Woidio, ŋutu logon luŋgu toron a ’busan, ko ’busan a toron; logon lopuggo mudwe a parara, ko parara a mudwe, logon tiŋdu go na pötwör i gwon paleleŋ, ko go na paleleŋ i gwon pötwör!

Yisaya 6:10

Topije toilyet ti kilo ŋutu, tiŋdi swo kase i yiŋga adi boriŋ, komuŋge konyen kase; ko ködyö ti gwon sona lepeŋat ködyö memet ko konyen kase, a yiŋe yiŋ ko swo kase, a kuru kurun ko toilyet kase, a lopuŋge lopuggo, a tokelani tokela.

Yeremia 5:21

Ta ŋutu lu ’boŋ togon ’bak yeyeesi, logon kata ko konyen, ama ti meddya, logoŋ kata ko swo, ama ti yiŋga kulo, yiŋge ta.

Marako 4:12

kweja adi se memet ama a se tine gwulu, se yiyiŋ ama a se tine kurun, kogwon ko se ködyö a kurun a se ködyö löpukuŋdye ko Ŋun ni a pitökine pitöki.

Marako 7:22

ko goma, ko konesi narok, ko mumulugga, ko koŋdya ŋo ti yu na kwe aka, ko ki ’dem, ko jamaddu na karin ti ŋutu arabat, ko ’du ’duŋga, se ko tubaman.

Marako 8:18

Ta gwon ko konyen, ama a ta tine meddya le? Ta gwon ko swo, ama a ta tine yiŋga le? Ta ŋona aje böŋö le?

Luka 11:35

Nyenagon meddi ’bura an parara na gwon konut i mugun na gwon a mudwe.

Konesi 13:11

Mete, soŋinana konin lo Matat gwugwut do, a do de gwe a mo ’doke a tine bulo meddya kolor ko nene diŋit. ’De ’de a luru se ko mudwe poki kanyit i konyen, a lepeŋ wawaji wawaju ga ’yu ŋuto logon jiggö nye ko könin.

Konesi 2:46

a se yepe woro i Kadi na Ŋun i pirit na geleŋ perok liŋ, a pipindye ambata kase i midijik a nyesi kinyo ko lyoŋon ko töili geleŋ,

Konesi 26:18

Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

2 Korinto 1:12

Bu ’ya nikaŋ na ’borik gwon sona adi, toilyet kaŋ a kwekin yi adi gwiliŋit likaŋ lo gwolorgi yi i ŋutu ti na kak ama kegga i ta lo, a lo rigwo i to ’diri na Ŋun. Ŋina ti po i kogon na ŋutu ama po i ’busan na Ŋun.

2 Korinto 11:3

Nan kukujönö adi yeyeesi kasu mo kökörö, a ta mo kölökiŋdye twöju nasu na Kristo ko töilyet kasu liŋ, gwoso nagon munu köju mumuluŋge Awa ko kogon nanyit nu.

2 Korinto 4:4

Ŋun lo na kak aje muggö toilyet ti kilo ŋutu logon a ko yubbö kilo gwoso se a ŋutu mo ’dokeno, anyen se gwon ti meddya parara na Loŋe Lo ’but lo minyo lo Kristo logon a kelaji ko Ŋun lo.

Epeso 1:17

Nan mo ’yu Monye lo bubula logon a Ŋun lo Matat likaŋ Yesu Kristo, anyen nye bono tiŋdu ta konon na po ki nagon kwekiŋdya ta i deŋdya na lepeŋ.

Epeso 6:5

Ta ’dupi, twoji ta komorye kasu ti na kak ko kujönö se ko böboŋdu, kitakiŋdye ta se ko toili geleŋ gwoso nagon ta kodyo kitakiŋdye Kristo na.

Kolosai 3:22

Ta ’dupi, twoji ta komonye kasu ti na kak i ŋo liŋ. Kitani ta kita ti gwon anyen komonye kasu memet a lyoni lyöŋön, ama kitani ta ko toili geleŋ i kugga na Matat.