Luka 11:2 - Bibilia Buk na Ŋun nagon koti luŋu a

² A nye kulyani ko lepeŋat adi, Ko ta kwakwaddu, kwakwaddi ta adi, Baba, ti karin kunök bulani bula;ti tumatyan inot po.

Luka 11:2 ပူးပေါင်းရင်းမြစ်များ

1 Moran 8:43

a ti do böŋö yiŋge yiŋga ki yu nagon a pirit inot gwiliŋit, a ti do böŋö konaki-ŋdye ŋilo lwakatyo gwoso i ŋo liŋ nagon nye a luŋ konut kine; anyen ŋutu liŋ ti kak böŋö deŋdya karin kunök a kujönöni do gwoso na ŋutu kulök Yisaraele na, köti anyen se böŋö deden adi na kadi nagon nan aje ’duk na luŋu ko karin kunök.

2 Moran 19:19

Nyena soŋinana ŋon MATAT Ŋun likaŋ, böŋö lwöki yi i könin lonyit, anyen tumatyanjin liŋ ti kak böŋo kuruŋdyö adi do ŋon MATAT, logon a Ŋun geleŋ tuŋ.

2 Dekat 20:6

a kwakwaddi adi, Pon MATAT Ŋun lo merenyejin kaŋ, do ŋona ’bayin a Ŋun lo ki le? Do ŋona ’bayin a kasa­ranit lo tumatyanjin liŋ ti juron le? Riŋit ko tuwalan gwon konut i könin a lele ŋuto gwe ’bayin logon bubulö gwo ’dan go i moro ko do.

Saumajin 103:20

Ta malaikajin kanyit ti riŋit, logon yiŋga gworo lonyit a kondi ŋo na kulyari lepeŋ kune, pupurje ta MATAT!

Saumajin 108:5

Pon Ŋun, kweji mugun ki yu totoŋun ’dikolo; ti minyo ilot pararaji i kak ’bukuluŋ!

Saumajin 11:4

MATAT gwon i kadi nanyit nake, MATAT si ’da i si ’daet nanyit na gwon ki yu; konyen kanyit memeddya ŋutu, lepeŋ gwulu ’ya kulya kase.

Saumajin 57:11

Pon Ŋun, kweji mugun ki yu totoŋun ’dikolo; ti minyo ilot pararaji i kak ’bukuluŋ!

Katokuönit 5:2

An kulyaesi jore rurutundya kaŋo konut i kutuk, an töili ilot nyoŋga jamundya kulya ko ŋun i komor, kogwon Ŋun lu ki, a do lo gwe i kak ni; nyenagon ti jamesi kulök gwe ku ’dik.

Yisaya 63:16

An do ko gwon pajo koyi kogwon do a Baba likaŋ, ma ’di nagon Abarayama a ko den yi, Maele ti kurun yi. A do pon MATAT lo gwe a Baba likaŋ, a karin kunök gwe a Kadakanit likaŋ suluja köju ’beron nu.

Ejikele 36:23

A nan mo kwekiŋdye adi karin kwe nakukwön a nake na rurwan. Kine karin kwe a körö i kiden na jurön, kilo a ta lo köŋu kine karin i kiden na kilo juron. A i diŋit nagon nan mo kweji mugun a loke kogwon kulya kasu a ŋutu ti juron memeddya nu, a lepeŋat mo deŋdi adi nan logon a MATAT, ŋilo a nan MATAT ŊUN lo jambu.

Daniele 2:28

ama ŋun kata ki yu logon a kakweyanit lo Iwono, a nye aje kwe-kiŋdya do pon mor Nebukadanesar ŋo nagon mo kokona i perok lo popo, Rudweet inot se ko ŋo nagon do a met konut i kwe na gwoŋdi do konut i dotoet nu sekune.

Daniele 2:44

A i perok ti kilu moran a ŋun lo ki mo togwi ’dikiŋdye tumatyan nagon ti bulö tukara asut, a riŋit saret na ŋina tumatyan mo tine bulö tiki lele gweyari lo ŋuto. A lepeŋ mo gwagwalaggi kine tumatyanjin liŋ i tupesi a tukaŋi se adi sit, a nye mo na yeŋe ŋupi;

Daniele 7:18

Ama ŋutu loke ti Katoŋanit lo ki lio molo wujutumatyan, a ŋinu tumatyan mo yeŋe a nase ŋupi ŋupi.

Daniele 7:27

A tumatyan ko tomoran ko todumalan ti tumatyanjin ti kak ’bukuluŋ molu tikine ŋutu loke ti Katopanit lo ki liŋ; a tumatyan nase mo gwe a tumatyan na yeyeŋon ŋupi, a tomoran liŋ mo kitakiŋdye a twöji lepeŋat.

Osea 14:2

Teteŋdi ta kulyaesi kasu ajo ko yitwene ta ko MATAT ni; kulyani ta ko lepeŋ adi, ’Dumara toronjin liŋ; wuji go nagon a na ’but. a yi mo pupurje do gwoso ŋutu logon wukiŋdya rubaŋgajin.

Lewi 10:3

A kirut Mose kulyani ko Arona adi, ŋina a ŋo nagon MATAT aje kulyari adi, Nan ködyö gelwe a loke lo rurwan i se logon a ŋun köyö nyona kulo, a nan ködyo bulani bula i komor na ŋutu liŋ. A Arona yiŋani taliŋ.

Lewi 22:23

Ta bubulö wukiŋdya kode dwöt, kode kilolor logon mugun nanyit a ko ’duŋö gwogwo a gwe a lojo kode a lorutut lo a rubaŋga lo tupalikan na töili, ama nan mo ti rukökin ta nye a rubaŋga lo milye.

Abakuk 2:14

Kogwon kak mo lotojore ko deŋdya na minyo lo MATAT gwoso nagon tor duma na ’balaŋ a tojore ko piŋo nu.

Matayo 10:32

Nyena ŋutu liŋ geleŋ geleŋ logon ruggo nan ko ŋutu i komor, nan köti mo ruruk lepeŋat ko Baba lo gwon ki lu i komor;

Matayo 3:2

Löpuŋge ta töilyet kogwon Tumatyan na Ki aje yepuŋdya.

Matayo 5:16

Nyena ti parara nasu kobbi kobbu sona ko ŋutu i komor, anyen na meddi lepeŋat ŋo na ’but na kon ta kine nu, a se böŋö pupurje Monye losu lo gwon ki lu.

Luka 11:1

A gwe sona a Yesu gwe i kwakwaddu i nene pirit, a nagon nye aje jo kwakwaddu nu, a lele lo ŋutu kanyit kajujumuk kulyani ko lepeŋ adi, MATAT, todiniki yi i kwakwaddu gwoso na todiŋdye Yoane ŋutu kanyit kajujumuk na.

Roma 1:7

Nyena nan roman ko ta liŋ logon gwon Roma ŋini kilo, logon Ŋun nyanyar a iŋge luŋ a ŋutu kanyit kilo adi, Ti ’busan ko taliŋ na po ko Ŋun Baba likaŋ na po ko Matat Yesu Kristo na gwe ko ta.

Roma 8:15

Mulökötyo logon ta a wu ŋilo ’bayin a mulökötyo logon tiŋdu ta i gwon a ’dupi a nyömöddi ta bot i kujönö, ama nye a Mulökötyo logon tiŋdu yi i gwon a ŋwajik ti Ŋun, a tiŋdi yi i luŋgu na lepeŋ adi, Aba, Baba!

1 Korinto 1:3

Yi roman ko ta adi, Ti ’busan se ko talip na po ko Ŋun Baba likaŋ na po ko Matat Yesu Kristo na gwe ko ta.

2 Korinto 1:2

Yi a roman ko ta adi, Ti ’busan se ko taliŋ na po ko Ŋun Baba likaŋ na po ko Matat Yesu Kristo na gwe ko ta.

Galatia 1:4

Ŋilo Yesu a tiŋöju mugun nanyit kogwon toronjin kaŋ anyen lwökuŋdyö yi kaŋo i na diŋit naron na, gwoso na ’deggi Ŋun Baba likaŋ na.

Epeso 1:2

Ti ’busan ko taliŋ na po ko Ŋun Baba likaŋ na po ko Matat Yesu Kristo na gwe ko ta.Ŋun a ’boroja yi ko Kristo i mugun

Pilipoi 1:2

Yi a roman ko ta adi ti ’busan se ko taliŋ na po ko Ŋun Baba likaŋ na po ko Matat Yesu Kristo na gwe ko ta.

Pilipoi 4:20

Ti bulet gwe ko Ŋun Baba likaŋ ŋupi ŋupi. Amin.

Kolosai 1:2

Nan se ko Timoteo luŋaser likaŋ a roman ko ta Ŋutu ti Ŋun, logon a kayupok lo gwon ko Kristo i mugun Kolosai yu kulu, adi, Ti ’busan ko taliŋ na po ko Ŋun Baba likaŋ na gwe ko ta.

1 Tesalonike 1:1

Nan Paulo ko Siliwano se ko Timoteo roman ko ta Ŋutu lo momora Tesalonike a kanisa logon a ti Ŋun Monye ko a ti Matat Yesu Kristo kulu. Yi a roman ko ta adi, Ti ’busan se ko taliŋ gwe ko ta.

1 Tesalonike 1:3

Yi koti ti jaran i yeyeju ko Ŋun Monye likaŋ i komoŋ gwoso nagon ta aje kitari yupet nasu, koti gwoso nagon nyaŋu nasu a tin ta i kita parik, ko koti gwoso nagon ta gwo’dan go i yeŋdu nasu na Matat likaŋ Yesu Kristo.

2 Tesalonike 2:16

Ti Matat Yesu Kristo ko mugun nanyit, se ko Ŋun Baba likaŋ logon nyanyar yi, ko a won konyen koyi i togo ’yu na yi ko tŋgolet nagon yeyeŋon se ko yenet na ’but lo,

Kweyatti 11:15

A malaikatat toburyo lo kuddye buruŋ i lonyit; a gworolo lobot gwe kata ki yu logon kulya adi, Tumatyan na na kak soŋinana gwe a na Matat likaŋ ko a na Masia lonyit, a lepeŋ mo tumatyane tumatyan ŋupi ŋupi.

Kweyatti 15:4

Pon Matat, ŋa logon ti kujönö do? Ŋa logon ti bu ’ya karin kunok? Kogwon do geleŋ a loke. Ŋutu ti jurön liŋ mo ŋoŋo a dulakine kak i twoju na do, kogwon konesi kunok na rigwo aje kweya.

Kweyatti 19:6

A kirut nan yiŋge woŋon gwoso na ŋutu jore, ko gwoso woŋon na karya jore, ko gwoso rumön duma na kipyala ti ki, woŋoro adi, Aleluya, kogwon Matat Ŋun likaŋ Kabulönit lo ŋo liŋ tutumatyan!

Kweyatti 20:4

A kirut nan meddi si ’daesi ti tumatyan, a ŋutu lo si ’da kata kulo iŋge tiki kido ’duget na putesi. A nan meddi ködudwölön ti ŋutu logon kusik kase a ’duŋgö kaŋo kogwon se a tökoŋu adi Yesu a gwak a se iŋge laŋa Kulyaet lo Ŋun. Lepeŋat a ko twöju ŋilo gworoŋ kode nyömue nanyit, a gwe a ko gigiruki gwuluet nanyit kase i komorsikan kode kase i könisi. A lepeŋat iŋge ru köti a tumatyane ko Kristo i pirit na geleŋ ko kiŋajin aliŋ geleŋ.