Luka 10:6 - Bibilia Buk na Ŋun nagon koti luŋu a

⁶ a ko ŋuto lo taliŋ gwon nyu a taliŋ nasu mo poki ko lepeŋ, ama ko ’bayin, a nina taliŋ mo yitwene bot kasu ni.

Luka 10:6 ပူးပေါင်းရင်းမြစ်များ

Saumajin 35:13

Ama nan, na gwondi se a gilö nu, a nan juŋuni boŋgwat terekesi, a nan yöyöŋgi mugun ko mindya; a nan kwakwaddi kwakwaddu a duladdu kwe nio köyö i kido.

Yisaya 9:6

Kogwon lupudi a yugweki yi, a ŋuro lo ’dokarikin yi; a tumatyan mo gwe kanyit i kido, a karin kanyit mo luguni a Kajujuwanit katusörönit, a Ŋun Kabulönit, a Monye lo yeŋ nyin, a Mor lo taliŋ.

Luka 10:5

A ko ta a lupo i nan kadi, a kokwe kulyani ta adi, Ti taliŋ gwe i na kadi.

Luka 10:7

Si ’dani ta i nina kadi, nyesi ta ko möji ta po nagon a tiki ta kune, kogwon kakitanit ködyö roröpaki kita nanyit. An ta ko wöröji abur i midijik.

Epeso 5:6

Ti lele ŋuto gwe ti mumulugga ta ko kulyaesi logon ’bak ’bulit. Kogwon i kine kulya, a woran na ŋun poki i ŋutu logon a renya twöju lepeŋ kilo.

2 Tesalonike 3:16

Nyena ti Matat logon taliŋ gwon ko lepeŋ lo, ti lepeŋ ko mugun nanyit tiŋdi ta taliŋ i diŋitan lio ko i ŋo liŋ Ti Matat gwe ko ta liŋ.

Yakobo 3:18

Ŋutu lo joŋdya taliŋ kilo ’yuddu nyomot ti taliŋ a geŋi ’butun lo löti lo rigwo.

1 Petero 1:14

Gwe ta a ŋutu kayiŋak ti kulya, an ta ko gwolor ta gwosoi ’dekesi kasu ti ’beron nagon ta a ko nyuŋ den kulya nu.

1 Samuele 25:17

Nyenagon soŋinana ti do dene den kine kulya, ko ti do yeyeji yeyeju ko do de koŋdya nyo; kogwon kulu ŋutu de kökonakin monye likaŋ nene ŋo naron ko mede nanyit liŋ, ama lepeŋ a lele ŋuto logon; lele ŋuto ti jukin jambu ko nye.