Luka 10:2 - Bibilia Buk na Ŋun nagon koti luŋu a

² A nye kulyani ko se adi, Kinyojin aje yone parik, ama kaŋerak ku ’dik. Nyena mo ’yi ta Monye melesen anyen soŋdu kulye kanerak kanyit i melesen.

Luka 10:2 ပူးပေါင်းရင်းမြစ်များ

1 Moran 18:22

A Eliya kulyani ko se adi, Nan geleŋ tuŋ lo pitökine a nebi lo MATAT; ama nebijin ti Bala a ŋutu miajin iŋwan ko merya mukanat.

Saumajin 68:11

MATAT lo tikindya saret, a ŋutu wate jore laikindye liŋio kanyit adi,

Yeremia 3:15

A nan mo tiŋdi ta kayukuk logon töili lio ’de ’deggi kulo, a lepeŋat mo yuggi ta ko deŋdya se ko kuruŋdyö na kulya.

Jakaria 11:17

Wöidiö kayukunit logon ’bak bulit, logon a kölökiŋdyo yidin! Baŋdu mo totok könin lonyit se ko koŋe lonyit lutaten; a könin lonyit mo batani bata asut, a koŋe lonyit lutaten mo gwe a mo ’doke asut.

Jakaria 11:5

A kagwörök kase ’duŋge se ’bak kujönö, a katugwörök kase kulyani adi, Ti MATAT purani pura kogwon yi gwe a kwörinikö. A kayukuk kase tine won konyen ko se.

Kenet 11:17

A nan mo poŋdi kak i jambu ko do nyu; a nan mo ’dumaddi nene riŋit na Mulökötyo nagoŋ a tiki do na a nan mo tiŋdi lepeŋat; a se mo yeyeggi kilo ŋutu ko do i pirit na geleŋ, a do mo tine yeyegga do geleŋ.

Kenet 11:29

Ama a Mose pipije lepeŋ adi, Do yinö i kulya kwe le? Ködyö a na ’but ko ŋutu liŋ ti MATAT gwon a nebijin, anyen MATAT tikiŋdya lepeŋat Mulökötyo lonyit!

Matayo 20:1

Tumatyan na Ki gwon gwoso monye kak logon a dikara i kwökö anyen lupuŋdya ŋutu i kita kanyit i lukobi na kaden ti binyo ko ropet.

Marako 13:34

Kine kulya gwon gwoso nagon lele ŋuto tu i jölö, a na kö ’yi nye ’baŋ nanyit nu, a nye sarakiŋdye kölipönök kanyit i meddya na ’baŋ, ŋutu liŋ geleŋ geleŋ ko kitajin kase, a nye sarakiŋdye katiyunit lo kötumit adi ti nye gwe ti doto.

Marako 16:15

a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ.

Marako 16:20

A ŋutu kanyit kajujumuk iti tu a tokuöddi i piriton liŋ, a MATAT kitani ko lepeŋat i pirit na geleŋ, a togo ’yi kulyaesi kase kogwon kine kweyesi na gwon ko se kune. Amin.]

Luka 9:1

A kirut Yesu lupundye ŋutukanyit kajujumuk puök wot murek kulo i pirit na geleŋ, a nye tiŋdi lepeŋat riŋit ko kido anyen te ’yi mulökö lorok liŋ ko anyen toke ’yi twana,

Konesi 11:19

Nyena a ŋutu logon a rekin i kulya ti sasanya nagon a ŋien i kulya ti Setepano kulo iŋge jölö tojo Poinike, ko Kuprio, se ko Antlokia, a se tine jamakiŋdya kulye ŋutu ŋilo kulyaet ake jamaki Yudayaki ka ’de.

Konesi 13:2

a nagon se gwon i kitakiŋdya na Matat ko mimiŋdya nu, a Mulökötyo Loke takiŋdye lepeŋat adi, Gelaki ta nan Barnaba se ko Saula anyen koŋdya kita nagon nan a luŋukin se na.

Konesi 13:4

Nyena a na soŋdi Mulökötyo Loke se nu a se iti tojo Seleukia; nyu a se kije i ki ’bo a iti Kuprio.

Konesi 20:28

Tiji ta ’börik, köti tiji ta teŋ na yidin ’bukuluŋ nagon Mulökötyo Loke a tiŋdu ta a kamemetak kase na, anyen ta yuggu kanisa na Matat, nagon nye a ryekin mugun ko rima kanyit na.

Konesi 22:21

A Matat takiŋdye nan adi, Iti tu, kogwon nan soŋdu do pajo i ŋutu ti jurön.

Konesi 8:4

A ŋutu logon a rekin kulo wöröjine totokuöddu kulyaet lo Ŋun.

1 Korinto 12:28

Nyena i kanisa, Ŋun a tiŋdu luyökie a togeleŋ, a tomurek gwe a nebijin katokuök, a tomusala gwe a katodinök ti Kulyaet lo Ŋun, a kirut gwe a kakonak ti sörösi, a gwe a ŋutu logon a tiki riŋitön tolikesi ti ŋutu, a gwe a se logon parakiŋdya kulye ŋutu, a gwe a ŋutu logon bubulö meddya kitajin, a gwe a ŋutu logon jambu ko kutuk na gwon ka ’de.

1 Korinto 15:10

Ama Ŋun ko ’busan nanyit na nyaŋu a tiŋdu nan i gwon gwoso na gwoŋdi nan i na diŋit na, a ’busan nanyit na nyaŋu gwe a ko kita köyö a po kana. Kölumbö nan a kita parik lwölwöŋ kulye liŋ, ma ’di ködyö ’bayin a nan lo kita, ama a ’busan na nyaŋu na Ŋun na gwon köyö i mugun na nye na kita.

2 Korinto 6:1

Yi kita ko Ŋun i pirit na geleŋ, nyena yi momo ’yu ta, an ta ko wuju ta ’busan na nyaŋu na Ŋun ko kana.

Pilipoi 2:21

Ŋutu liŋ geleŋ geleŋ padi ga ’yu kulya kanyit na ’but, ti gwon a kulya ti Yesu Kristo.

Pilipoi 2:25

Nan yeyeju adi ködyö a na ’but ko nan a sunyukiŋdyö ta Epaporodito luŋaser liŋ lo yubbö, logon yi paŋu kita ko lepeŋ, logon yi mörö gor lo geleŋ ko lepeŋ lo, köti logon ta a sunyun köyö ni i parakiŋdya na nan lo.

Pilipoi 2:30

Lepeŋ gwe nyona ko twan kogwon kita na Kristo. Lepeŋ a paju ru nanyit anyen tutupökiŋdyö kita nagon ta ködyö lo kitakiŋdya nan na.

Kolosai 1:29

Nye Ŋina kwe nagon nan kikita parik na, nan mömorju ko riŋit nanyit liŋ nagon kikita parik koyo i mugun na.

Kolosai 4:12

Epapra logon a lele losu ko a köliŋönit lo Kristo Yesu lo a roman ko ta. Lepeŋ ŋupi gwon ko pusok i yeyeju na ta i kwakwasesi kanyit, anyen ta böŋö gwo ’dan go gwoso ŋutu lo wora i koŋdya na ’dekesi liŋ ti Ŋun.

1 Tesalonike 2:9

Luŋasirik, yeyene ta yeye kita nikaŋ ko dara nikaŋ. Yi a kita ko tukwaje ko tuparan anyen yi böŋö gwon ti tudaraju ta na tokukiŋdye yi ta Loŋe Lo ’but lo Ŋun nu.

1 Tesalonike 5:12

Luŋasirik, yi mo ’yu ta i kugga na ŋutu logon a temejik kasu ko Matat i mugun, logon kikita parik kasu kiden, a kukuji ta kilo.

2 Tesalonike 3:1

Luŋasirik, kune gwe a kulya ti ’dutet, adi boŋo kwakwaddi ta koyi, anyen Kulyaet lo Matat böŋö rereara ’de ’de wulek a bulani bula, gwoso na pokiŋdye nye kasu kiden na,

1 Timoteo 4:10

Ko ŋina kwe yi mömöŋu ko kikita parik, kogwon yi a tiriku yeŋdu Ŋun lo gwon jörun logon a Kalwökönit lo ŋutu liŋ, bia parik lwöggu kayupök.

2 Timoteo 4:5

Ama do agu ködyo tiju mugun ’bura i ŋo liŋ ŋoŋgi ŋoŋga; kitani a katokuonit lo Loŋe Lo ’but; kitani kita inot tojo ko ’dutet.

Pilimona 1:1

Nan Paulo lo rereka a lo Kristo Yesu, yi se ko Timoteo luŋaser likaŋ roman ko Pilimona nyaratti likaŋ lo parundya kita koyi i pirit na geleŋ lo.

Ebere 3:6

ama Kristo logon a Ŋuro lo mede lo a meddya mede na Ŋun ko töili lo to ’diri. Nyena yi kulo a mede na Ŋun ake koyi gwon a purwat ko a kalyöŋök i yeŋdu na kine kulya.

Kweyatti 2:1

Wuroki malaikatat lo kanisa na gwon Epeso na adi, Kilo a kulyaesi ti nye lo ’debba kaser buryo kanyit i könin lutaten, lo wörö i kiden na lombojin buryo logon a dakaŋ lo.