Luka 1:6 - Bibilia Buk na Ŋun nagon koti luŋu a

⁶ A se murek liŋ gwe rigwo ko Ŋun i komor kekebbu saresi liŋ se ko jujuwesi ti MATAT ’bak ŋoit.

Luka 1:6 ပူးပေါင်းရင်းမြစ်များ

Suluet 17:1

A nagon Abarama gwe kökiŋajin merya buŋwan wot buŋwan nu, a MATAT puköki ko lepeŋ, a kulyani ko lepeŋ adi, Nan lo gwon a Ŋun Kabulönit lo ŋo liŋ; wöröni köyöi komor, ko gwe do a loke ’bak yuyuket.

Suluet 6:9

Kulo a nyakwariat ti Noa. Noa a ŋuto lo rigwo a gwe ’bak yuyuket i toberon nase; a Noa wöröni ko Ŋun.

Suluet 7:1

A MATAT kulyani ko Noa adi, Po ta i ki ’bo lukata, do se ko mede inot liŋ; kogwon nan a met do a lo rigwo köyö i komor i Ŋutu ti na toberon.

1 Moran 15:5

kogwon Dawidi a koŋdya ŋo na rigwo ko MATAT i metet, a gwe a ko giran i nene ŋo nagon nye a sarakin lepeŋ i perok liŋ ti gwiliŋit nanyit, ama tuŋ a giran i kulya ti Uriya ŋuto lo Kiti.

1 Moran 9:4

Ama do ko mugun, ko do ködyö wörö köyö i komor ko töili ilot liŋ ko torigwo, gwoso na wöröri Dawidi monye ilot nu, i koŋdya na ŋo liŋ nagon nan a sarakin do kine, i ’debba na saresi kwe lo wurö, ko kulya na ’duŋ nan kune,

2 Moran 20:3

Pon MATAT, böŋö yiyiuŋdye sopinana ko nan a wörö konut i komor ada ko to ’diri se ko töili liŋ, nan aje koŋdya ŋo nagon a na ’but konut i komor. A Kijikia gwine gwien parik.

2 Dekat 17:4

ama a nye ga ’yi Ŋun lo monye lonyit, a nye kebbi saresi kanyit a tine woro i kikolin ti Yisaraele.

Eyobo 1:1

Koju ’beron lele ŋuto kata i jur lo Osa, karin kanyit a Eyobo, ŋilu ŋuto a loke ko a lo rigwo. Lepeŋ kukujono Ŋun ko maman kulya narok.

Eyobo 1:8

A MATAT pipije Satani adi, Do ŋona a timun köliponit lio Eyobo? Lele ŋuto ’bayin i kak ni gwoso lepeŋ, logon a ŋuto loke ko a lo rigwo, ko kukujonö nan ko maman kulya narok.

Eyobo 9:2

’Diri gwak nan a den adi sona, ama ŋuto bubulo te ’ya lonyit ada se ko Ŋun?

Saumajin 119:6

Nyenagon ko nan a diŋa saresi kulök liŋ go, a yu na kwe tine mok nan.

Luka 1:7

Ama a se gwe ’bak ŋuro, kogwon Elisabeta a ’baŋ, a se liŋ murek gwe a muduŋin.

Luka 16:15

A Yesu kulyani ko lepeŋat adi, Ta kilo a se logon to ’buddya ’börik ko ŋutu i komor, ama Ŋun deden töilyet kasu, kogwon ŋo nagon ŋutu bubu parik na Ŋun maman parik kanyit i metet.

Luka 2:25

A lele ŋuto gwe kata Yerusalema, karin kanyit a Simeona. Lepeŋ a ŋuto lorigwo ko a kakukanit lo Ŋun. Lepeŋ yeyeŋdu lwökö na ŋutu ti Yisaraele, a Mulökötyo Loke gwe ko lepeŋ.

Konesi 2:25

Kogwon Dawidi köju a jambu i kulya kanyit adi, Nan a met Matat ŋupi köyö i komor, kogwon nye gwon köyö könin lo lutatenanyen nan gwon ti bulo wiwiŋö.

Konesi 23:1

A Paulo diŋe temejik go, a kulyani adi, Luŋasirik, nan a gwolor ko Ŋun i komor ko töili lo ’but logon toyiyikiŋdyö nan adi nan a ko koŋdya arabat tojo ko lo lor.

Konesi 24:16

Nyena nan ŋupi mömöŋu ’bura anyen gwon ko töili lo ’but logon toyiyikiŋdyö nan adi nan a ko konakiŋdya Ŋun arabat kode ŋutu.

Konesi 8:21

Kulya kunök ’bayin asut i parundya na kine kulya, kogwon töili ilot ’bayin a lo ’but ko Ŋun i komor.

Roma 8:4

Ŋun a koŋdya kine ŋo anyen ŋo na rigwo nagon Saresi ’de ’dekan adi ti konani kona kune, kine ŋo ködyo kokona jojo kayaŋ i mugunya, kogwon yi gwolor gwoso nagon Mulökötyo Loke ’de ’dekan na, ti gwon gwoso ’dekesi kaŋ ti mugunya ti na kak kune.

1 Korinto 11:2

Nan pupurja ta kogwon ta ŋupi yeye nan, a ta ’depakiŋdye i saresi logon yeŋon a keri logon nan aje todinikin ta kilo.

2 Korinto 1:12

Bu ’ya nikaŋ na ’borik gwon sona adi, toilyet kaŋ a kwekin yi adi gwiliŋit likaŋ lo gwolorgi yi i ŋutu ti na kak ama kegga i ta lo, a lo rigwo i to ’diri na Ŋun. Ŋina ti po i kogon na ŋutu ama po i ’busan na Ŋun.

Nyökit 5:33

A ta ködyö wöröjine i kiko liŋ logon MATAT ŋun losu a saŋi ta lo, anyen ta böŋö gwon jörun, ko anyen kulya kasu böŋö tu ’bura, anyen ta si ’da kiŋajin jore i lu jur logon ta mo ’de ’deŋ lu.

Pilipoi 2:15

anyen ta boŋo gwon ’bak yuyukesi, ’bak kulya, ko a ŋwajik ti Ŋun logon ’bak korit kulo, i kiden na ŋutu ti na toberon logon konesi kase a nakwölopök ko a kaŋirak kulo. A ta mo kobbi kobbu kase kiden i na kak gwoso kaser,

Kolosai 1:22

Ama soŋinana Ŋun aje tomorun ta a kanyit kogwon twan na Ŋuro lonyit ko mugun na na kak, anyen nye böŋö joŋdya ta i gwo ’dan kanyit i komŋo a loke, ’bak yuyukesi, ’bak kulya.

1 Tesalonike 3:13

Ti nye togo ’yi töilyet kasu, anyen ta böŋö gwon a loke ko ’bak yuyuket ko Ŋun Baba likaŋ i komor, na poŋdi Matat likaŋ Yesu i pirit na geleŋ se ko ŋutu kanyit lio nu.

2 Petero 3:14

Nyenagon julin kwe lo nyanyara, na mömöŋdi ta kine ŋo i pokin nu, tisakiŋdye ta ’börik anyen lepeŋ böŋo ryeju ta gwon taliŋ ’bak ’yotet kode korit kanyit i komor.

1 Yoane 2:29

Ko ta deden adi lepeŋ a lo rigwo, ta agu kodyo kukurun adi, ŋutu liŋ lo koŋdya ’bura kilo a ŋwajik ti Ŋun.

1 Yoane 2:3

I ŋina yi a den adi yi deden lepeŋ, ko ködyö yi ’de ’dep saresi kanyit.

1 Yoane 3:7

Ŋwajik kwe, ti lele ŋuto gwe ti togiŋa ta. Nye logon yeŋon koŋdya ’bura lo a lo rigwo, gwoso na gwoŋdi Kristo a lo rigwo na.