Lewi 7:7 - Bibilia Buk na Ŋun nagon koti luŋu a

⁷ Rubaŋga i kulya ti lyaŋan gwon gwoso rubaŋga lo toron, saret lose geleŋ kata, adi koane lo wukiŋdya ŋilo rubaŋga anyen ŋutu totokela lo joŋgi lepeŋ a lonyit.

Lewi 7:7 ပူးပေါင်းရင်းမြစ်များ

2 Moran 12:16

A gurut ti rubaŋgajin ti lyaŋan ko gurut ti rubaŋgajin ti toron tine jwe i kadi na MATAT; a kine gurut gwe a ti koanejin.

2 Moran 12:17

A i nu diŋit a Kajaele mor lo Suria iti tu a möröni ko Gata, a te ’yi ŋinu köji. A kirut Kajaele teteŋdi tete-ŋdya i tu Yerusalema.

Lewi 14:13

a lu ŋuto ködyö ’duŋge kilolor i pirit ’duŋet na rubaŋga lo toron se ko rubaŋga lo ’yu ’yura ’buluŋ i pirit nake na rurwan; kogwon rubaŋga lo lyaŋan ködyö a lo koane, gwoso rubaŋga lo toron lo; nye a loke parik lo rurwan.

Lewi 2:10

A ŋo na pituŋdyö i ŋina ’doket na ’bolot kune ködyö gwe a ti Arona ko ŋwajik kanyit, ŋina a swöt na ŋo nake parik na rurwan na ’yuraki MATAT.

Lewi 2:3

A ŋo na pituŋdyö i ŋina ’doket na ’bolot mo gwe a ti Arona ko ŋwajik kanyit; ŋina a swöt na ŋo nake parik na rurwan na ’yuraki MATAT.

Lewi 6:17

a se ködyo tine dera ko kape. Nan aje tin lepeŋat kine ’bolot i gwon a koret nase na rubaŋga jin kwe lo ’yu ’yura; se a ŋo nake parik na rurwan, gwoso rubaŋga lo toron se ko rubaŋga i kulya ti lyaŋan.

Lewi 7:8

A koane lo wukiŋdya rubaŋga lo ’yu ’yura ’buluŋ i kulya ti lele ŋuto lo, bubulö joŋga gober lo turu ’buti logon nye a wukin a rubaŋga lo ’yu ’yura lo a lonyit.

Kenet 5:8

Ama koŋuto logon nye a toroŋdi lo ’bak karutyo logon ropaki nu toron, a ropet na nu toron nagoŋ tiki nan MATAT na ködyö gwe a na koane; wat lopijot tokelet logon tokelarikin lepeŋ.

1 Korinto 10:18

Yeyeji ta po na kon ŋuto ti Yisaraele. Se lo nyesu rubaŋgajin kilo paruŋdya po nagon wuki Ŋun i pirit ’yuret na rubaŋgajin, ti gwon sona le?

1 Korinto 9:13

Ta a ko den le adi ŋutu lo kita i diŋit kwakwaset i Kadi na Ŋun kulo nyesu kinyo lo ŋinu kadi, a se lo kita i pirit ’yuret na rubaŋgajin kulo paruŋdye rubaŋgajin?