Lewi 4:3 - Bibilia Buk na Ŋun nagon koti luŋu a

³ a ko ŋilo a koane lo welaki i kita lo a toroŋdya a iŋge jakiŋdya ŋutu toron sona, nyena ti lepeŋ wukiŋdye MATAT lele dwöt lo ’dit logon ’bak yuyuket a rubaŋga lo toron kogwon ŋina toron na kon nye na.

Lewi 4:3 ပူးပေါင်းရင်းမြစ်များ

2 Dekat 29:21

a lepeŋat iŋge joŋdya öwönin buryo, ko köbilu lopoŋoki buryo, ko yisi buryo, se ko melon lopoŋoki buryo a ti rubaŋga lo toron na tumatyan, ko na pirit nake na rurwan, se ko na Yuda. A nye saŋi koanejin logon a nyakwariat ti Arona, anyen wukiŋdya se i pirit ’yuret na rubaŋgajin ti MATAT.

Ejira 8:35

A kirut ŋutu lo yitwe kase i jur i mukök na to ’dupien kulo wukiŋdye Ŋun lo Yisaraele rubaŋgajin lo ’yu ’yura ’buluŋ a ti Yisaraele liŋ. Se a wukiŋdya öwönin puök wot murek, ko lopijoki merya buŋwan wot buker, ko yisi merya buryo wot buryo, ko melon puök wot murek a ti rubaŋga lo toron; kine liŋ a ti rubaŋgajin lo ’yuraki MATAT ’buluŋ.

Yuörö 29:14

Ama do ködyö ’yuŋa lokore na dwöt ko gober lonyit, ko moyok kanyit ko kimaŋ i mera kaŋo; ŋilo a rubaŋga lo toron.

Yuörö 29:21

A kirut do ’dumuŋdye kunie ti rima na gwon i pirit ’yuret loki kune, se ko nene welet na wewelaki ’e, a do gwatakiŋdye se ko Arona ko i boŋgwat kanyit, ko i ŋwajik kanyit, ko i boŋgwat ti ŋwajik kanyit ko lepeŋ i pirit na geleŋ; a nye se ko boŋgwat kanyit kune mo gelwene a loke, se ko ŋwajik kanyit ko boŋgwat kase ko lepeŋ i pirit na geleŋ.

Yuörö 29:7

a do ’dumuŋdye welet na welaki ’e Ŋutu i kita, a do ’buŋge kanyit i kwe, i welakiŋdya na lepeŋ.

Yuörö 30:10

A Arona ködyö koŋdi tokelet i oŋgwora kanyit daŋ geleŋ i kiŋa; a nye toke ’yi lepeŋ ko rima ti rubaŋga tokelet lo toron daŋ geleŋ i kiŋa temba i nyakwariat kasu. ŋina pirit ’yuret na bökur a nake parik na rurwan na MATAT.

Ejikele 40:39

a misajin iŋwan gwe kata i lukata na baraŋöa na kadi najo na gwon i kötumit na, murek i lele swöt ko murek i lele swöt. Kine misajin ’duŋörikin toro ’bo nagon wuki a rubaŋgajin lo ’yu ’yura ’buluŋ, ko rubaŋgajin ti toron se ko rubaŋgajin ti lyaŋan.

Ejikele 43:19

A do ködyö tiŋdi Lewijin koanejin logon a ti kötumit na Sadok logon mijun köyö nyona i kitakiŋdya na nan kulo, dwöt lo ’dit anyen wuki nan a rubaŋga lo toron. Kilo a kulyaesi kwe ti MATAT ŊUN.

Ejikele 44:27

A i lor logon lepeŋ lupöri i pirit nake na rurwan i ’baŋ lo lukata i kita i pirit nake na rurwan lu, a lepeŋ ködyö wukiŋdye rubaŋga a lo toron nanyit, ŋilo a nan MATAT ŊUN lo jambu.

Lewi 1:10

A ko turu ’buti nagon nye tikin a rubaŋga lo ’yu ’yura ’buluŋ a ’dumwe i yidin kata, kode i köbilu, kode i melon, a nye ködyö wukiŋdye mönik logon ’bak yuyuket;

Lewi 1:3

A ko rubaŋga lonyit gwon a rubaŋga lo ’yu ’yura ’buluŋ lo ’dumwe i kisuk, a nye köbyö wukiŋdye mönik logon ’bak yuyuket; a nye tiŋdi lu mönik i kömit na kemia torumet, anyen MATAT böŋö ruruk ŋilo ŋuto;

Lewi 16:11

A Arona ködyö kweji dwöt a lo rubaŋga lo toron i kulya ti mugun nanyit, a nye toke ’yi mugun se ko mede nanyit liŋ; a nye ’duŋge dwöt a lo rubaŋga lo toron i kulya ti mugun.

Lewi 16:3

A Arona ködyö lupöni sona i pirit nake na rurwan, kweja adi nye ködyö tu ko dwöt lo ’dit a lo rubaŋga lo toron se ko lopijot a lo rubaŋga lo ’yu ’yura ’buluŋ.

Lewi 16:5

A nye ’dumuŋdye i momoret na ŋutu ti Yisaraele melon mönikön murek a ti rubaŋga lo toron, se ko lopijot geleŋ a lo rubaŋga lo ’yu ’yura ’buluŋ.

Lewi 16:6

A Arona ködyö wukiŋdye dwöt a rubaŋga lo toron i kulya ti mugun, a nye toke ’yi mugun se ko mede nanyit liŋ.

Lewi 4:14

a ko toron na kon se na aje dena, a momoret ködyö wukiŋdye dwöt lo ’dit a rubaŋga lo toron, a joŋdi nye i komor na kemia torumet;

Lewi 4:23

a ko Ŋina toron na kon nye na aje tokuruki lepeŋ, a nye ködyö joŋdi meetyo a lo rubaŋga lonyit, nilo meetyo ködyö gwon ’bak yuyuket,

Lewi 4:28

a ko Ŋina toron na kon nye na aje tokuruki lepeŋ, a nye ködyö joŋdi meetyo a na rubaŋga lonyit i kulya ti na toron nanyit na kon nye na; ŋina meetyo ködyö gwon ’bak yuyuket.

Lewi 4:5

A koane lo welaki i kita lo ’dumaddi kunie ti rima ti ŋilo dwöt a joŋgi lepeŋat tojo i kemia torumet;

Lewi 5:6

a nye ködyö joŋdi rubaŋga a ropet lo toron ko MATAT ni kogwon ŋina toron na kon nye na. Turu ’buti na jon nye a ropet na toron na ködyö gwon a kine nanakwan na ’dumwe i teŋ na yidin, kode a tore na köbilityo kode a tore na meetyo, a koane wukiŋdye ŋina turu ’buti anyen ŋilo ŋuto totokela i toron nanyit.

Lewi 6:18

Ŋutu lyan liŋ i kiden na nyakwariat ti Arona nyesu kata, gwoso na saraki ’e ŋupi temba i nyakwariat kasu liŋ nu. i rubaŋgajin logon ’yuraki MATAT kulo; ko ŋa lo ’bo ’yu kilo rubaŋgajin a ködyö gelwene kaŋo a lo rurwan.

Lewi 8:12

A nye ’bukökiŋdye nene na ŋina welet ko Arona i kwe, a we ’yi lepeŋ anyen geluŋdya lepeŋ a loke lo rurwan.

Lewi 9:2

a nye kulyani ko Arona adi, ’Dumuŋdye dwöt kolojityo a lo rubaŋga lo toron, se ko lopijot a lo rubaŋga lo ’yu ’yura ’buluŋ logon ’bak yuyukesi, ko wukiŋdye se ko MATAT i komor.

Lewi 9:3

A do kulyani ko ŋutu ti Yisaraele adi, ’Dumuŋdye ta lopijot meetyo a lo rubaŋga lo toron, ko tagwok se ko kilolor liŋ murek logon ko kiŋa geleŋ logon ’bak yuyukesi a ti rubaŋga lo ’yu ’yura ’buluŋ,

Kenet 16:22

A se ’dorone kak rupu, a kulyani adi, Pon Ŋun, do a Ŋun lo ködu dwölön ti ŋo liŋ lo gwon jörun lo, ko ŋuto geleŋ a toroŋdya, a do wore woran ko momoret liŋ le?

Kenet 8:8

Ko ti lepeŋat ’dumuŋdye dwot lo ’dit se ko ’doket na ’bolot na jiö a naliliŋök, nagoŋ a ŋola ko welet nagoŋ ködyö wuki ko lepeŋ i pirit na geleŋ na, a do ’dumuŋdye lele dwöt lo ’dit a rubaŋga lo toron.

Roma 8:3

Ŋo nagon kilo Saresi ti bulö koŋdya kune kogwon kune mugunya kaŋ a namunyak, a Ŋun lo koŋdi. Lepeŋ a sunyuŋdyö Ŋuro lonyit ko mugun na Ŋuto gwoso mugunya kaŋ nagon totoroŋdya kune, kogwon kulya ti toron, anyen ’duŋökiŋdyö putet riŋet lo toron na gwon i mugun na ŋuto lo la kak lo.

2 Korinto 5:21

Kristo ’bak toron, ama Ŋun a kon lepeŋ a toron kogwon kulya kaŋ, anyen yi bonö gwon ko torigwo na Ŋun kanyit i mugun.

Ebere 5:3

Nyena kogwon tomunyan momok lepeŋ, nye agu ködyö wukiŋdya rubaŋgajin a ti toronjin kanyit i pirit na geleŋ ko ti ŋutu.

Ebere 9:12

Lepeŋ luŋö i Pirit Nake na Rurwan na Totoŋuŋdya daŋ geleŋ asut, ’bayin baraddu rima ti yidin ko ti kaja, ama joŋga rima kanyit, a iŋge dakuŋdya yi a ’dutet.