Lewi 27:3 - Bibilia Buk na Ŋun nagon koti luŋu a

³ Nyena a do ködyö keŋdi gurut dakesi ti ŋuto lalet logon ko kiŋajin suluja i merya murek tojo ko kiŋajin merya buker kulo a pödöjin nagon temuŋdya a sekelejin merya mukanat, gwoso i temet na sekele na pirit nake na rurwan.

Lewi 27:3 ပူးပေါင်းရင်းမြစ်များ

2 Moran 12:4

A Yöasa kulyani ko koanejin adi, Gurut liŋ ti ’dokesi nake nagon a jwe i kadi na MATAT, kweja adi gurut na ’duŋöki ŋutu liŋ i kenet nase, se ko gurut nagon ŋutu a wakun i joŋdya i kadi na MATAT,

Yuörö 30:13

A se ködyö tiŋdi sona, kweja adi Ŋutu liŋ logon a laŋaddu i se logon aje kena kulo ködyö tiŋdu sekele nagon temuŋdya a swöt, gwoso i sekele na pirit nake na rurwan (adi sekele geleŋ gwon ko gerajin merya murek); ŋina swöt na sekele ’dokarikin MATAT.

Yuörö 38:24

A dakap liŋ na kikitarikin ŋina kita, i teteŋdya na pirit nake na rurwan liŋ nagon a dakap ’dokesi kune, temuŋdye a talentajin merya murek wot buŋwan ko sekelejin miajin buryo ko merya musala, gwoso i sekele na pirit nake na rurwan.

Lewi 27:14

A ko lele ŋuto a gelakin MATAT kadi nanyit, a koane ködyö kenakiŋdye ’bulit na nu kadi kode a na ’but kode a naron, a mo gwe sona gwoso na kenakiŋdye koane nye nu.

Lewi 27:25

a ŋo liŋ na ken do kune ködyö gwe gwoso sekele temet na pirit nake na rurwan: kweja adi gerajin merya murek logon temuŋdya a sekele geleŋ.

Lewi 27:4

A ko a ŋuto nakwan, a do ködyö keŋdi dakesi kanyit a sekelejin merya musala.

Lewi 5:15

Ko lele ŋuto a ’beleŋgu saret a iŋge toroŋdya ’bak denet i nene na ŋo nake na rurwan ti MATAT, ti nye joŋdi lopijot ko MATAT ni a rubaŋga lonyit lo lyaŋan. ŋilo lopijot köbilityo lo ’dumwe i teŋ na yidin kata lo ködyö gwon ’bak yuyuket. Do ködyö keŋdya ’bulit na ŋilo lopijot köbilityo gwoso pödöjin na tema ko sekele na pirit nake na rurwan; ŋilo a rubaŋga i kulya ti lyaŋan.

Lewi 6:6

A nye jakiŋdye koane rubaŋga lonyit lo konaki MATAT i kulya ti lyaŋan. ŋilo rubaŋ ködyö gwon a lopijot köbilityo logon ’bak yuyuket, lo dumwe i teŋa yidin kata, gwoso i kenet inot na ropet na rubaŋga i kulya ti lyaŋan;

Kenet 18:16

Do ködyö daggu se i mukök na yapa geleŋ, a do ködyö keŋdi dakesi kase a pödöjin nagoŋ temuŋdya a sekelejin mukanat, gwoso i temet na sekele na pirit nake na rurwan, nagoŋ a gerajin merya murek.

Kenet 3:47

a do ködyö ’dumuŋdye sekelejin mukanat i kilo ŋutu geleŋ geleŋ; a do ködyö joŋgi se ko temet na sekele na pirit nake na rurwan (sekele geleŋ a gerajin merya murek),