Lewi 22:9 - Bibilia Buk na Ŋun nagon koti luŋu a

⁹ Nyenagon se ködyö ’debba jujuwet nio, an se ’doggu toron i kulya ti jujuwet, a twatwane twatwa, na toluddye se jujuwet nu nan logon a MATAT logon geluŋdya se kaŋo a loke lo.

Lewi 22:9 ပူးပေါင်းရင်းမြစ်များ

Yuörö 28:43

A Arona ko ŋwajik kanyit ködyö jupukiŋdye se na lupöri se i kemia torumet nu, kode na mijuŋdye se nyona ko pirit ’yuret na rubaŋgajin i kita i pirit nake na rurwan; an se ’doggu lyaŋesi anyen se gwon ti twatwa. A ŋilo gwe a saret lo wuröki lepeŋ se ko nyakwariat kanyit lo kikipuŋdyö kulu ŋupi.

Lewi 16:13

a nye tiŋdi bökur i kimaŋ loki ko MATAT i komor, anyen köpuröt lo bökur ködyö muluja muket na saŋduk nagon toronjin lala kata, köti nagon ŋurupö tökoresi gwon i lukata nanyit na, an nye ko twan;

Lewi 16:2

a MATAT kulyani ko Mose adi, Taki Arona luŋösur adi ti nye gwe ti lupö diŋitan liŋ i pirit nake na rurwan i lukata na boŋgo koret, i komor na muket na saŋduk nagon toronjin lala kata nu, an nye ko twan, kogwon nan mo pupukun i luru lukata i loki na muket na saŋduk nagon toronjin lala kata nu.

Lewi 18:30

Nyenagon ko Ŋina kwe ’debbi ta jujuwet nio, an ta ko koŋdya lele lo kulo keriat logon mamana kulo, logon köju kokonatu a kokwe nasu, an ta ko toluddya ta ’börik ko kine ŋo. Nan logon a MATAT Ŋun losu.

Lewi 22:16

anyen kine ŋo nake na rurwan tine nyei abur, i tiŋdu na kulo ŋutu i wukiŋdya na rubaŋga lyaŋet kogwon lyaŋan nase; kogwon nan a MATAT logon a geluŋdya koanejin kaŋo a loke lo.

Kenet 18:22

A ŋutu ti Yisaraele ködyö tine mijun nyona köti i kemia torumet, an se ko ’doggu toronjin kase an se twatwa.

Kenet 18:32

A nagoŋ ta aje nyumuŋdyö ŋo na ’but i kine ŋo nu, a ta mo gwe ’bak kulya. A ta ködyö tine köŋu ŋo nake na rurwan ti ŋutu ti Yisaraele, an ta twatwa.

Matayo 23:17

Ta ŋutu lu ’böŋ ko a mo ’dokeno! Nan nagon lwölwöŋgu parik, dakap kode Kadi na Ŋun nagon tiŋdu dakap i gwon a nake na rurwan?

Nyökit 11:1

Nyenagoŋ ta ködyö nyanyar MATAT Ŋun losu, ko ’de ’deŋ jujuwesi kanyit, ko saresi kanyit lo wurö, ko kulya na ’duŋ lepeŋ kine, ko saresi kanyit perok liŋ.