Lewi 22:2 - Bibilia Buk na Ŋun nagon koti luŋu a

² Tuköki Arona ko ŋwajik kanyit adi, ti se koraddi ’börik kaŋo i ŋo nake na rurwan ti ŋutu ti Yisaraele nagon se a gelakin nan a nake kune, an lepeŋat ködyö ko toluddya karin kwe nake; nan logon a MATAT.

Lewi 22:2 ပူးပေါင်းရင်းမြစ်များ

Ejira 8:28

A nan takiŋdye lepeŋat adi, Ta a ŋutu loke lo rurwan ti MATAT, kune toro ’bo koti a nake na rurwan; a podo se ko dakap gwe a ’dokesi ti tupalikan na töili nagon tiki MATAT ŋun lo merenyejin kasu.

Yuörö 13:12

a do mo gelakiŋdye MATAT kayujin liŋ lo ŋaju pelela kilo. A kayujin liŋ logon a mönikön ti toro ’bo kulök kilo ködyö gwe a ti MATAT.

Yuörö 28:38

A nye gwe ko Arona i komor, a Arona ködyö ’doggi lyaŋesi ti ŋo nake nagon Ŋutu ti Yisaraele mo gegeluŋ a ’dokesi kase nake liŋ kune; a ŋina beleŋ beleŋ ködyö gwe kanyit i komor ŋupi, anyen Ŋutu ti Yisaraele böŋö rurukö ko MATAT i komor.

Yisaya 52:11

Ŋiu ta ŋiu ta kaŋo i Babela, wusaddi ta kaŋo nyu, an ta ko ’bo ’yu ta nene ŋo nagon a lut; ta ŋutu logon baruŋdya toro ’bo ti MATAT, wusuŋdye ta kaŋo i lukata nanyit, toke ’yi ta ’börik.

Ejikele 44:8

A ta gwe a ko tiju po kwe nake na rurwan, kölumbö a ta tiŋdi kilo ŋutu i ’debba na pirit nio nake na rurwan.

Lewi 15:31

Nyena a ta ködyö geluŋdye ŋutu ti Yisaraele kaŋo i tolutwan nase, an se ko twatwa i tolutwan nase i toluddya na kemia nio na gwon kase kiden na.

Lewi 18:21

Do ködyö ti tiŋdu lele lo ŋwajik kulök i wukiŋdya na lepeŋ ko Molek a rubaŋga, anyen toluddya karin ti ŋun ilot sona; nan logon a MATAT.

Lewi 19:12

A ta ködyö tine milyeju ko karin kwe a ’burönö, i toluddya na karin kwe nan ŋun losu sona: nan logon a MATAT.

Lewi 20:3

A nan köti mo tiŋdi komor nio a naron ko ŋilo ŋuto, a mo ’duŋörö lepeŋ kaŋo i kiden na ŋutu kanyit, kogwon nye a tiŋdu Molek lele lo ŋwajik kanyit a rubaŋga, i toluddya na pirit nio nake na rurwan ko i topoŋdya na karin kwe nake.

Lewi 21:6

A se ködyö gwe a loke ti Ŋun lose, a ködyö tine toluddya karin ti Ŋun lose; kogwon se wukiŋdya MATAT rubaŋgajin lo ’yu ’yura logon a kinyo lo Ŋun lose; nyenagon a se ködyö gwe a loke.

Lewi 22:1

A MATAT jambi ko Mose adi,

Lewi 22:32

A ta ködyö tine toluddya karin kwe nake, ama a nan ködyö gelwene a loke lo rurwan i kiden na ŋutu ti Yisaraele; nan logon a MATAT lo geluŋdya ta kaŋo a loke,

Kenet 18:32

A nagoŋ ta aje nyumuŋdyö ŋo na ’but i kine ŋo nu, a ta mo gwe ’bak kulya. A ta ködyö tine köŋu ŋo nake na rurwan ti ŋutu ti Yisaraele, an ta twatwa.

Nyökit 15:19

A do ködyö gelakiŋdye MATAT Ŋun ilot kayujin mönikön liŋ lo yuŋwe i teŋon kunök ti kisuk ko ti yidin; do ti tokitaju kayu lo nene na kisuk kunök, kode ŋepa kupir ti kayu lo nene na köbilu kunök.