Lewi 2:9 - Bibilia Buk na Ŋun nagon koti luŋu a

⁹ A koane ködyö ’dumaddi i ŋinu ’doket na ’bolot kune a koret toyeyeet, a ’yuŋe se i pirit ’yuret na rubaŋgajin loki, anyen ’yura ko kimaŋ, anyen möara paleleŋ ko MATAT yu.

Lewi 2:9 ပူးပေါင်းရင်းမြစ်များ

Yuörö 29:18

a do ’yuŋe lopijot liŋ i ŋina pirit ’yuret na rubaŋgajin; ŋilo a rubaŋga lo ’yuraki MATAT ’buluŋ; nye a ŋo na mon paleleŋ nagon ’yuraki MATAT.

Yisaya 53:10

Ama gwon a ’deket na MATAT i mumuyugga na lepeŋ; amye aje itomijö lepeŋ; a ko nye aje tiŋdu gwiliŋit nanyit a rubaŋga lo toron nu, a nye mo meddi nyakwariat kanyit, a nye no tojo ’yi perok kanyit; a na MATAT mo puŋutu ru ŋerot ’bura ko lepeŋ i könin;

Lewi 1:9

ama a nye lalaji monyet se ko ŋutukujin kanyit ko pioŋ. A koane ködyö ’yuŋe ŋo ’bukuluŋ i pirit ’yuret na rubaŋgajin loki, ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 2:16

A koane ködyö ’yuŋe nene koret na kilo ’bolot lo rayaka, ko na welet se ko bökur lokwe lonyit liŋ a koret toyeyeet; ŋilo a logon ’yuraki MATAT.

Lewi 2:2

a joŋdi se ko ŋwajik ti Arona ni logon a koanejin kulo. A nye sunuŋdye kata könin geleŋ lo ’bolot na jiŋ a naliliŋök ko welet se ko bökur lokwe liŋ; a koane ködyö ’yuŋe se a koret toyeyeet i pirit ’yuret na rubaŋgajin loki, anyen ’yura ko kimaŋ, anyen möara paleleŋ ko MATAT yu.

Lewi 2:8

A do jakiŋdye MATAT ’doket na ’bolot nagon a tetena ko kine ŋo; a ko se a jwe ko koane i komor, a nye joŋdi se i pirit ’yuret na rubaŋgajin.

Lewi 24:7

A do ködyö tiŋdi bökur lokwe loke i ’dokiŋ liŋ loki, anyen mora ko ambata i gwon a koret nagon ’yuraki MATAT a toyeyeet.

Lewi 4:31

A nye ’dumaddi welesi liŋ ti Ŋina meetyo, gwoso na ’dumaji ’e welet na rubaŋga lo taliŋ nu, a koane ködyö ’yuŋe se i nu pirit ’yuret na rubaŋgajin loki anyen möara paleleŋ ko MATAT yu; a koane koŋdi sona anyen ŋilo ŋuto totokela, a nye pitökine pitöki.

Lewi 5:12

A nye joŋdi lepeŋat ko koane ni, a koane sunuŋdye se ko könin jore gwoso koret toyeyeet, a ’yuŋe se i pirit ’yuret na rubaŋgajin, i loki na rubaŋgajin lo ’yuraki MATAT kulo ŋilo a rubaŋga lo toron.

Lewi 6:15

A lele lose sunuŋdye kata könin geleŋ lo ’bolot naliliŋök ti nu ’doket na ’bolot se ko welet nanyit, ko bökur lokwe liŋ lo gwon i nu ’doket na ’bolot loki lu, a nye ’yuŋe se i nu pirit ’yuret na rubaŋgajin loki koret toyeyeet, anyen möara paleleŋ ko MATAT yu.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Kenet 5:26

a koane ködyö sunuŋdye könin geleŋ lo nu ’doket na ’bolot nagoŋ a koret toyeyeet nanyit, a ’yuŋe se i pirit ’yuret na rubaggajin, a i mukök a nye tiŋdi nu nakwan i möju na kine pioŋ.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Roma 15:16

anyen nan gwon a köliŋönit lo Kristo Yesu, anyen nan kita i swöt lo ŋutu ti jurön i tokukiŋdyö na se Loŋe Lo ’but lo Ŋun. Nan gwon gwoso koane anyen wukiŋdya Ŋun ŋutu ti jurön a rubaŋga lo tulyöŋgu lepeŋ, ŋilo rubaŋga a tokela ko Mulökötyo Loke.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Pilipoi 2:17

Ta wukiŋdya Ŋun yupet nasu gwoso rubaŋga, nyena ko ködyö rima kwe a ’yalaiki kata gwoso rubaŋga ’bu ’buket, a nan ködyö nyolani nyola ko a lyöŋi lyöŋön ko ta liŋ i pirit na geleŋ.

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.