Lewi 2:4 - Bibilia Buk na Ŋun nagon koti luŋu a

⁴ A ko do a joŋdya ’doket na ’bolot na dera i namet kune a rubaŋga, a se ködyö gwe a ambatajin nagon ’bak kape ti ’bolot na jiö a naliliŋök nagon a ŋola ko welet, kode a kisera nagon ’bak kape na welaki welet loki.

Lewi 2:4 ပူးပေါင်းရင်းမြစ်များ

Saumajin 22:14

Nan a ’buköŋ kak gwoso pioŋ, a kuyu kwe liŋ iŋge pupulyeddya; a toili lio gwe gwoso su ’bi, a lulusokoni lulusoko koyö i ŋele lukata.

Yuörö 12:8

A i ŋilu tukwaje lo geleŋ lu, a se ködyö nyesi lokore na pepelo, mora ko ambata nagon ’bak kape ko ’dötilön nagon a koropo na pötwör.

Yuörö 16:31

A kötumit na Yisaraele luŋgi karin ti ŋina ambata a mana; a nye gwe a nakwe gwoso konyen ti bamia lodök, a tupaleleŋ nanyit gwe gwoso kisera nagon a ŋola ko siwatat.

Yuörö 29:2

ko ambata nagon ’bak kape, ko ambatajin nagon ’bak kape ko a ŋola ko welet kune, ko kisera nagon ’bak kape ko a welaki welet loki kune. A do teteŋdi se ko ’bolot na jiŋ a naliliŋök.

Yisaya 42:1

Malo kölipönit liŋ, logon nan a tökökin ki, malo lo wulwe liŋ logon töili liŋ a lyöŋgi lo; nan aje tiŋdu Mulökötyo liŋ ko lepeŋ i mugun, a nye mo topukuŋdye ’duŋgö na rigwo i jurön.

Yisaya 61:1

Mulökötyo lo MATAT Ŋun gwon köyö loki; kogwon MATAT aje welakin nan; nye aje son nan i tokukiŋdyö na lorge lo ’but i ŋutu lokoyokak; nye aje son nan i doŋgu na se logon a ’be ’beleŋo kase i töilyet kilo, i laikiŋdya na se lo rereka i yukwe nase, ko se logon a totora i gaye nase kaŋo;

Ejikele 46:20

A lepeŋ takiŋdye nan adi, Na a pirit nagon koanejiŋ kodyo deŋi rubaŋgajin ti lyaŋan se ko rubaŋgajin ti toron, a ke ’yi ’bolot nagon a ’dokesi; se kodyo ti joŋ lepeŋat i ’baŋ lo kaŋo an se joŋga kelan na rurwan na Ŋun i ŋutu kata.

Lewi 1:11

a nye ’duŋge lepeŋ i swöt lo lobot lo nu pirit ’yuret na rubaŋgajin ko MATAT i komor, a ŋwajik ti Arona logon a koanejin kulo pokakiŋdye rima kanyit i pirit ’yuret na rubaŋgajin i mara kanyit.

Lewi 10:12

A Mose kulyani ko Arona ko Elejara ko Itamar, ŋwajik kanyit logon a pituŋdyö kulo adi, ’Dumuŋdye ta ’doket na ’bolot na pituŋdyö i ŋo lo ’yuraki MATAT kulo, ko nyesi ta lepeŋat ’bak kape nyona ko pirit ’yuret na rubaŋgajin, kogwon se a nake parik na rurwan;

Lewi 6:17

a se ködyo tine dera ko kape. Nan aje tin lepeŋat kine ’bolot i gwon a koret nase na rubaŋga jin kwe lo ’yu ’yura; se a ŋo nake parik na rurwan, gwoso rubaŋga lo toron se ko rubaŋga i kulya ti lyaŋan.

Lewi 7:12

A ko nye a wukiŋdya rubaŋga lo taliŋ a lyöŋit, nyena a nye wukiŋdye ko ŋilo rubaŋga lyöŋit i pirit na geleŋ ambatajin nagon ’bak kape nagon a ŋola ko welet, ko kisera nagon ’bak kape na welaki welet loki, se ko ambatajin ti ’bolot na jiö a naliliŋök nagon a ŋola ’bura ko welet.

Kenet 6:15

ko kupö lo ambatajin nagoŋ ’bak kape ko a ŋola ko welet, ko kisera nagoŋ ’bak kape ko a welaki welet loki, se ko ’doket nase na ’bolot ko rubaŋgajin kase ’bu ’bukesi.

Matayo 26:38

a nye kulyani ko se adi, Töili liŋ ’be ’beleŋo ko delya, gwe nyona ko tatuja na nan. Mönuŋdye ta ni, ko ti konyen kasu gwe ŋa ko nan i pirit na geleŋ.

Yoane 12:27

Soŋinana töili liŋ dedelya, a nan kulyani nyo? Ti nan kulyani adi, Baba lwöki nan i na diŋit? ’Bayin, ama nan a ’durökin ko ŋina kwe i na diŋit anyen nan ŋoŋoŋga.

Yoane 3:34

Kogwon nye logon Ŋun aje son lo jambu kulyaesi ti Ŋun, kogwon Ŋun tiŋdu Mulökötyo abur ’bak temet.

Ebere 7:26

Kogwon koane duma gwoso ŋilo ’diri a jukin yi. Lepeŋ a loke, ’bak kulya, a gwe a ko toluta, lepeŋ a gelaji kaŋo ko katoronyak kiden, soŋinana lepeŋ aje ’ ’biluŋ ki Iwolwoŋ ’diko.

1 Petero 2:1

Nyenagon paji ta manesi liŋ, ko mumulukesi liŋ, ko ’burönö, ko yulön, se ko jamesi lorok liŋ.

1 Petero 2:22

Lepeŋ a ko koŋdya toron kwoŋ, a mumulukesi gwe a ko rye kanyit i kutuk.