Lewi 19:3 - Bibilia Buk na Ŋun nagon koti luŋu a

³ Ta liŋ geleŋ geleŋ ŋadi ködyö twöju ŋote nanyit ko monye lonyit, a ta ködyö ’debbi sabatajin kwe: nan a MATAT Ŋun losu.

Lewi 19:3 ပူးပေါင်းရင်းမြစ်များ

Suluet 48:12

A Yosepa wusuŋdye kiloŋwajik kaŋo ko monye i kuŋwat, a nye rosokakine kak rupu.

Nemaya 9:14

a do tiŋdi lepeŋat i deŋdya na sabata ilot loke, a tiŋdi lepeŋat jujuwesi, ko saresi lo wurö, se ko saresi todinesi logon kölipönit ilot Mose a jam kulo.

Yuörö 16:29

Mete, MATAT a tiŋdu ta sabata, nyenagon temba i lor tobuker a nye tiŋdi ta ambata na tema-kiŋdya i perok murek; si ’dani ta liŋ geleŋ geleŋ kasu i piritön, ti lele ŋuto gwe ti tu kaŋo i pirit nanyit i lor toburyo.

Yuörö 20:12

Bule bu munyi se ko ŋuti, anyen do si ’da kiŋajin jore i jur logon MATAT ŋun ilot titin do lo.

Yuörö 20:8

Yeyene yeye i ’debba na lor lo sabata a loke.

Yuörö 21:15

Ko pa lo gwuddyo monye kode ŋote, a nye kodyo tatuani tatua.

Yuörö 21:17

Ko pa lo momoröju monye kode ŋote, a nye ködyö tatuani tatua.

Tolupesi 1:8

ŋuro lio, yiŋge tojumisi ti munyi, an do ko renya todinesi ti ŋuti;

Tolupesi 23:22

Yiŋge munyi lo yupundyö do, an do ko laundya ŋuti ko nye gwe a modoŋ.

Tolupesi 30:11

Kulye ŋutu kata logon momoröju komonye a tine bu ’ya kŋgote.

Tolupesi 30:17

Korukan ti pirit na ’dir mo wulu-dun konyen ti ŋuto kaŋo logon a ka ’dö ’döyönit lo monye, a renyani twöju ŋote, a logulusen mo nyesi se.

Yisaya 58:13

Ko ta a teŋgu ’börik i köŋu na sabata, a tine kinidya ’dekesi kasu i lor liŋ loke, a ta luŋgi sabata a lor lyöŋit a loke liŋ lo MATAT ko a lo bubula; a ko ta bubu ’ya ŋilu lor, a tine koŋdya kitajin kasu kode i galaddu na ’dekesi kasu, kode i jajamaju a wuya,

Ejikele 20:12

Nan köti a tikin se sabatajin kwe, anyen gwon a kweyet nio ko se, anyen se ködyö deden adi nan MATAT lo geluŋdya se a ŋutu kwe loke.

Lewi 11:44

Kogwon nan a MATAT ŋun losu; nyenagon geluŋdye ta ’börik, ko gwe ta a loke, kogwon nan a loke. A ta ködyö tine toluddya ’börik ko lele ŋo lo koko ’yokta logon gwögwoŋtu i kak ni.

Lewi 19:25

Ama i kiŋa tomukanat lonyit a ta bulöni bulö nyesu ludweki kase, anyen se raradan jore a kasu; nan logon a MATAT ŋun losu.

Lewi 19:30

Ta ködyö ’debba sabatajin kwe a ta twöji pirit nio nake na rurwan: nan logon a MATAT.

Lewi 19:31

An ta ko Idpuköddu ta i ŋutu logon do ’ya ko kwen ti mulökö, kode i ’bunuk kawanak; ko do ’ya ta lepeŋat, an se tolut ta: nan logon a MATAT ŋun losu.

Lewi 19:34

Ŋuto lo si ’da kasu kiden a lepetyo lo ködyö gwon gwoso ŋuto lo yuŋwe kasu kiden, a do ködyö nyaŋi lepeŋ gwoso mugun inot; kogwon ta köju si ’da i jur lo Ejipeto a lepelok: nan logon a MATAT ŋun losu.

Lewi 23:3

Kita ködyö kona ko perok buker; ama lor toburyo a sabata yukaet gwak, a pepenet loke; a ta ködyö tine koŋdya nene kita; ŋilo a sabata lo MATAT kasu i midijik liŋ.

Lewi 26:2

A ta ködyö ’debbi sabatajin kwe, a ta kujönöni pirit nio nake na rurwan: nan logon a MATAT.

Malaki 1:6

ŋuro bubu ’ya monye, a kölipönit bu ’ye matat lonyit. A ko nan a monye, a bulet nio niya? A ko nan a matat, a kujönörikin nio niya? Nan MATAT lo kurumi lo pija ta koanejin lo lauŋdya karin kwe kilo. A ta pipije adi, Yi lauŋdya karin kunök ada?

Nyökit 27:16

Nye a lömö logon a to ’diddya monye kode ŋote. A ti ŋutu liŋ ruŋge adi, Amin.

Nyökit 5:16

Bule bu munyi se ko ŋuti, gwoso nagoŋ MATAT ŋun ilot a saŋi do; anyen do si ’da kiŋajin jore, a kulya kunök iti ’bura i ŋilu jur logon MATAT ŋun ilot a tin do lu.

Ebere 12:9

Komonye kan ti na kak köju a tojumbu yi a yi inge twö lepeŋat, ködyö bia parik yi twötwö Monye lo ködudwölön kan anyen yi gwon jörun, ti gwon sona le?