Lewi 17:8 - Bibilia Buk na Ŋun nagon koti luŋu a

⁸ A do ködyö kulyani ko se adi, Ko lon ŋuto lo kömit na Yisaraele kode lele lo lwaka lo si ’da kase kiden, logon wukiŋdya rubaŋga lo ’yu ’yura ’buluŋ kode a lele rubaŋga,

Lewi 17:8 ပူးပေါင်းရင်းမြစ်များ

2 Samuele 24:25

A Dawidi dipakiŋdye MATAT pirit ’yuret na rubaŋgajin nyu, a wukiŋdye rubaŋgajin lo ’yu ’yura ’buluŋ ko rubaŋgajin ti taliŋ. A kirut MATAT yiŋge momolesi ti Dawidi i kulya ti lu jur, a ŋilu twanti togwo ’dani to-gwo ’da i Yisaraele.

Lewi 17:10

A ko lele ŋuto lo kömit na Yisaraele kode lo ŋutu logon si ’da kase kiden a lepelok lo a nyesu kunie rima, a nan mo tiŋdi komor nio a naron ko lu ŋuto logon a nyesu rima lo, a nan mo riköddi lepeŋ kaŋo i kiden na ŋutu kanyit.

Lewi 17:4

a nye tine joŋdya lepeŋ i kömit na kemia torumet, i wukiŋdya na lepeŋ a rubaŋga lo MATAT i komor na kemia na MATAT, a toron na rima mo konakine lu ŋuto; kweja adi lepeŋ a ’bukuŋdyö rima, a lu ŋuto ködyö riköjine kaŋo i kiden na ŋutu kanyit.

Lewi 17:7

Nyena a se molu köti tine ’duŋökiŋdyö rubaŋgajin kase a ti lopijoki mulökö logon se a biryeni ’börik gwoso ŋutu kalupök kulo. A ŋilo gwe kase ŋupi a saret lo wurö temba i nyakwariat kase liŋ.

Lewi 17:9

a nye tine joŋdya lepeŋ i kömit na kemia torumet i ’duŋökiŋdyö na lepeŋ ko MATAT, a lu ŋuto ködyö riköjine kaŋo i ŋutu kanyit.

Lewi 3:7

A ko nye tiŋdu kilolor a rubaŋga lonyit, nyena a nye ködyö wukiŋdye lepeŋ ko MATAT i komor,

Malaki 1:11

Kogwon karin kwe kukwon i kiden na gweyajin lio ti ŋutu suluja i swot lo ’yure tojo i swot lo tokotyaŋ, a bökur wukine nan i piriton lio se ko ’dokesi nake; kogwon karin kwe kukwon i kiden na gweyajin ti ŋutu, nan MATAT lo kurumi lo kulya sona.

Yosua 22:11

A ŋutu ti Yisaraele ko yiŋge adi, Mete ta, ŋutu ti Rubena ko ŋutu ti Gada se ko swöt lo kötumit na Manase aje dibba pirit ’yuret na rubaŋgajin nagon diraddu i jur lo Kanana nyona ko Yardene, i na pele na kare nagon a na ŋutu ti Yisaraele na.

Yosua 22:15

A se ’duröki i ŋutu ti Rubena ko i ŋutu ti Gada, se ko i swöt lo kotumit na Manase i jur lo Gilada yu, a kulyani ko se adi,

Yosua 22:16

Momoret ’bukuluŋ na MATAT a kulya sona adi. Na toron a nyo nagon ta a konakin Ŋun lo Yisaraele na i löpuköddu kaŋo i lo lor i keŋoddu na MATAT, i dipaki-ŋdya na ’börik pirit ’yuret na rubaŋgajin i lo lor, anyen ta renya MATAT na?

Ka’duŋök 6:26

ko dipakiŋdye nan MATAT ŋun ilot pirit ’yuret na rubaŋgajin ko ŋurupö lo petaji i miru ni i loki na ŋina pirit nago na titiyu; a do ’dumuŋdye dwot tomu­rek, a wukiŋdye lepeŋ a rubaŋga lo ’yu ’yura ’buluŋ, a nambi lepeŋ ko kodi ni lo mian logon a Asera, logon do de tok kak lu.

1 Samuele 10:8

A do mo iti Giligala yu köyö ŋerot; mete, a nan mo iti konut yu i wukiŋdya na rubaŋgajin lo ’yu ’yura ’buluŋ, ko i ’duŋgö na rubaŋgajin ti taliŋ. Do mo mömöŋdu perok buryo, tojo nan mo a ’durökin konut yu i kwekiŋdya na do ŋo nagon do mo kökon kune.

1 Samuele 16:2

A Samuele kulyani adi, A nan de iti ada? Ko Saula a yiŋ kine kulya, a nye de tatuje nan. A MATAT kulyani adi, Baraddi kiteŋ ko do, a do kulyani adi do a po i ’duŋö-kiŋdyö na MATAT rubaŋga.

1 Samuele 7:9

A Samuele ’dumuŋdye kilolor lo nönöggu, a wukiŋdye MATAT a rubaŋga lo ’yu ’yura ’buluŋ; a Samuele gwiki ko MATAT kogwon ŋutu ti Yisaraele, a MATAT iŋge ruk lepeŋ.