Lewi 17:4 - Bibilia Buk na Ŋun nagon koti luŋu a

⁴ a nye tine joŋdya lepeŋ i kömit na kemia torumet, i wukiŋdya na lepeŋ a rubaŋga lo MATAT i komor na kemia na MATAT, a toron na rima mo konakine lu ŋuto; kweja adi lepeŋ a ’bukuŋdyö rima, a lu ŋuto ködyö riköjine kaŋo i kiden na ŋutu kanyit.

Lewi 17:4 ပူးပေါင်းရင်းမြစ်များ

Suluet 17:14

Lunsatyo logon a ko tawero i ka ’bi ’binya lo mo koraji kaŋo i kiden na Ŋutu kanyit; nye aje ’beleŋgu tomoret nio.

Saumajin 32:2

Lyöŋön gwon i ŋuto ko MATAT a ko kenakindya lepeŋ tukwo-löŋ nanyit, logon mumulugga ’bayin ko lepeŋ i töili.

Yuörö 12:15

Ta ködyö nyesu ambata nagon ’bak kape ko perok buryo; i lor lo kokwe a ta ’buköddi kape kaŋo kasu i kadijik, kogwon ko lon ŋuto logon a nyesu kinyo logon ko kape suluja i lor lo kokwe tojo ko perok buryo, a lu ŋuto ködyö riköjine kaŋo i kiden na Ŋutu ti Yisaraele.

Yuörö 12:19

Kape ködyö ti rye kasu i kadijik ko perok buryo; kogwon ko lon ŋuto logon a nyesu kinyo logon ko kape a lu ŋuto ködyö riköjine kaŋo i kiden na momoret na Ŋutu ti Yisaraele, kode nye a lepetyo, kode nye yuŋwe i lo jur.

Yuörö 30:33

a ko lele ŋuto a ŋo ’ya nene welet gwoso na, kode a we ’ya lele lepetyo ko nye, a nye ködyö riköjine kaŋo i Ŋutu kanyit.

Yuörö 30:38

A ko lele Ŋutu a teteŋdya lele bökur lo mon gwoso ŋilo a lonyit, a nye ködyö riköjine kaŋo i Ŋutu kanyit.

Yisaya 66:3

Ŋuto lo ’duŋgö dwöt a rubaŋga lo gwon gwoso katatuanit lo ŋuto; a ka ’duŋönit lo kilolor gwe gwoso ka ’beleŋonit lo murut na ’dioŋ; a ŋuto lo wukiŋdya ’doket na ’bolot gwe gwoso ŋuto lo wukiŋdya rima ti wuri; a katinunit lo ’doket na bökur lokwe a toyeyeet, gwe gwoso kabulanit lo nyömue. Kilo liŋ aje wuluŋdyö kikolin kase, a tulyöŋgi ködudwölön kase ko manat kase;

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Lewi 1:3

A ko rubaŋga lonyit gwon a rubaŋga lo ’yu ’yura ’buluŋ lo ’dumwe i kisuk, a nye köbyö wukiŋdye mönik logon ’bak yuyuket; a nye tiŋdi lu mönik i kömit na kemia torumet, anyen MATAT böŋö ruruk ŋilo ŋuto;

Lewi 17:10

A ko lele ŋuto lo kömit na Yisaraele kode lo ŋutu logon si ’da kase kiden a lepelok lo a nyesu kunie rima, a nan mo tiŋdi komor nio a naron ko lu ŋuto logon a nyesu rima lo, a nan mo riköddi lepeŋ kaŋo i kiden na ŋutu kanyit.

Lewi 17:14

Kogwon ru na ŋo liŋ gwon i rima kase; nyenagon nan aje kulya ko ŋutu ti Yisaraele adi, Ta ködyo ti nyesu rima ti nene ŋo na gwon jörun, kogwon ru na ŋo liŋ gwon i rima kase; a ko ŋa lo nyesu lepeŋat a ködyö riköjine kaŋo.

Lewi 17:3

Ko lon ŋuto lo kömit na Yisaraele a ’duŋgö dwöt, kode kilolor, kode meetyo i mera, kode a ’duŋgö i kaŋo na mera,

Lewi 17:5

Kine kulya saraki sona anyen ŋutu ti Yisaraele böŋö joŋdya rubaŋgajin kase lo ’duŋ se mu ’diŋ kulo ko MATAT ni, ko koane ni i kömit na kemia torumet, i ’duŋgö na se a rubaŋgajin ti taliŋ ti MATAT.

Lewi 17:9

a nye tine joŋdya lepeŋ i kömit na kemia torumet i ’duŋökiŋdyö na lepeŋ ko MATAT, a lu ŋuto ködyö riköjine kaŋo i ŋutu kanyit.

Lewi 18:29

Kogwon ko ŋa logon mo koŋdya nene na kine ŋo na mamana, iŋkoi ŋutu lo koŋdya kulo ködyö riköji kaŋo i kiden na ŋutu kase.

Lewi 20:16

A ko nene ŋuto a ŋun ko lele turu ’buti nyona a dotoni ko lepeŋ, a ta ködyö tatuje nu nakwan se ko lu turu ’buti; iŋkoi a se ködyö tatuani tatua, a rima kase gwe kase i kusik.

Lewi 20:18

A ko lele ŋuto a doto ko nene ŋuto na gwon ko perok kanyit ti yapa, a nye toyuje kwe nanyit, ŋilo ŋuto aje ŋaju won nanyit, a ŋina ŋuto aje kwekiŋdya won na rima kanyit; a se murek liŋ ködyö riköjine kaŋo i kiden na ŋutu kase.

Lewi 20:3

A nan köti mo tiŋdi komor nio a naron ko ŋilo ŋuto, a mo ’duŋörö lepeŋ kaŋo i kiden na ŋutu kanyit, kogwon nye a tiŋdu Molek lele lo ŋwajik kanyit a rubaŋga, i toluddya na pirit nio nake na rurwan ko i topoŋdya na karin kwe nake.

Lewi 3:2

A nye sopakiŋdye könin lonyit i kwe na turu ’buti lo wukin nye a rubaŋga lo a ’duŋge lepeŋ i kötumit na kemia torumet; a ŋwajik ti Arona logon a koanejin kulo pokakiŋdye rima i pirit ’yuret na lubaŋgajin i mara kanyit.

Lewi 7:18

A ko nene lokore na ’duŋö a na rubaŋga lonyit lo taliŋ a nyei i lor tomusala lonyit, a nye lo wukiŋdya lepeŋ lo tine rukö, a ŋilo rubaŋga tine kena a lonyit; a ŋilo rubaŋga gwe a ŋo lo mamana, a ŋuto logon a nyesu kata lo mo ’doggi toron nanyit.

Yoane 10:7

Nyena a Yesu köti jamakiŋdye lepeŋat adi, ’Diri ’diri nan takiŋdya ta adi, Nan a kötumit na yidin.

Yoane 10:9

Nan a kötumit; ko lele ŋuto lupöri köyö ni a lepeŋ mo lwököni lwökö, lepeŋ mo lulupö lukata ko tutu kaŋo a mo ryeji pirit nyeŋ.

Yoane 14:6

A Yesu waddi lepeŋ adi, Nan logon a kiko, ko a to ’diri, ko a ru. Ŋuto ’bayin lo tu ko Baba yu ake ko nye tiri köyo.

Roma 4:6

Köti sona Dawidi a jambu lyöŋön na ŋuto logon Ŋun a ruk a lo rigwo lo, ma ’di nagon nye a ko kita anyen koŋdya mugun a lo rigwo.

Roma 5:13

Iŋkoi, toron köju kata i kak i ŋerot nagon saret a ko nyuŋ tiki nu, ama ko saret ’bayin toron ti kenaki ŋutu.

Roma 5:20

Saret a jukiŋdya nyin anyen ’ya ’yu toron, ama ko toron aje odi, a ’busan na nyaŋu na Ŋun baraŋdi baraŋdu bia parik.

Nyökit 21:8

Pon MATAT, pitökiŋdye ŋutu kulök Yisaraele logon do aje dakun kulo, an do ko tiŋdu toron na rima na mamaŋa i kiden na ŋutu kulök Yisaraele, ama ti se pitökine i kine rima.