Lewi 15:5 - Bibilia Buk na Ŋun nagon koti luŋu a

⁵ A ko ŋa lo ’bo ’yu dotoet nanyit nye ködyö lalaju boŋgwat kanyit, a kwöni kwö, a gwe a lut i kulya ti keri tojo ko sömukö.

Lewi 15:5 ပူးပေါင်းရင်းမြစ်များ

Saumajin 26:6

Pon MATAT, nan a lalaju könisi kwe anyen kwekindya adi nan ’bak kulya, a wöröni lorga ŋirit inot ’yuret na rubaŋgajin,

Saumajin 51:2

Tukwöji nan ’bukuluŋ i tukwölöŋ nio, ko toke ’yi nan i toron nio.

Saumajin 51:7

Gwagwaddi nan ko lömuryeje, nyena a nan de gwe a loke; tukwöji nan, a nan de ŋondi a lokwe totoŋun waratat.

Yuörö 19:10

A MATAT kulyani ko Mose adi, Iti ko kulu Ŋutu yu, ko geluŋdye lepeŋat kaŋo i lo lor ko ko ’bure, ko ti se lalaji boŋgwat kase,

Yisaya 1:16

kwöni ta, toke ’yi ta ’börik a loke. Wuse ta konesi kasu narok kago köyö i komor; kö ’yi ta toroŋdya;

Yisaya 22:14

A MATAT lo kurumi kwekiŋdye mugun köyö, a nan yiŋge lepeŋ i kulya adi, ’Diri ŋina toron mo ti pitöki ta tojo ko ta a twatwa, lo a kulyaet liŋ lo MATAT Ŋun lo kurumi.

Ejikele 36:25

A nan mo gwagwaddi ta ko pioŋ nake, a ta mo tokelani tokela i lut kasu liŋ, a nan mo toke ’yi ta i nyömuejin liŋ logon a punyen kasu kilo.

Ejikele 36:29

A nan mo lwökuŋdye ta kaŋo i konesi kasu liŋ nagon a lut kine, a nan mo saŋi ’bolot anyen radan jore, a nan mo tine jakiŋdya ta dyaŋ.

Lewi 11:24

A ta worani a lut i kulya ti keri kogwon se; ŋutu liŋ logon a ’bo ’yu lokorio kase na twatwa kune gwon a lut tojo ko sömukö,

Lewi 11:25

a nye logon a ’bo ’yu lele swot lo lokorio kase na twatwa kune ködyö lalaji boŋgwat kanyit a gwe a lut tojo ko sömukö.

Lewi 11:28

a nye logon a ’doggu lokorio kase na twatwa kune ködyö lalaji boŋgwat kanyit a gwe a lut tojo ko sömukö; kilo a lut kasu i kulya ti keri.

Lewi 11:32

a nene ŋo nagon a ’durukin ko lele lose ko a twan a gwe a lut, kode nye a ŋo na gweya ko kaden, kode a nene boŋgo, kode a gober, kode a suwari, kode a nene wuyit na kikitarikin; a nye ködyo tikine i pioŋ lukata, a nye gwe a lut tojo ko sömukö; a kirut nye gwe a nake.

Lewi 13:34

A i lor toburyo lonyit a koane ködyö gwulu ’ye pirit na pupuri na, a ko pirit na pupuri na a ko nyalakaddu ŋerot i ’böriköt a nye metani adi a ko gumba i ’böriköt, nyena a koane ködyö tuŋge adi lu ŋuto a loke i kulya ti keri, a nye lalaji boŋgwat kanyit a gwe a loke.

Lewi 13:6

A koane mo gwulu ’ye lepeŋ köti i lor toburyo lonyit, a ko nu pirit na twanti gwe a nanyut, a lu twanti gwe a ko nyalakaddu ŋerot kanyit i ’böriköt, nyena a koane ködyö tuŋge adi ŋilu ŋuto a loke i kulya ti keri; ŋinu gwon a totoset kana; nye ködyö

Lewi 14:27

a nye gwataddi ko morinet lonyit lo lutaten nene welet na gwon kanyit i könin lonyit kadoŋe na daŋin buryo ko MATAT i komor;

Lewi 15:18

A ko lele ŋuto a doto ko ŋuto nakwan a kula yuŋweesi na poni kaŋo kanyit i mugun, a se murek liŋ ködyö tukwöji mugunya kase, a se gwe a lut tojo ko sömukö.

Lewi 15:4

Dotoesi liŋ na dotori ŋilo ŋuto logon mugun wowon lo ködyö gwon a lut i kulya ti keri, ko ŋo liŋ nagon lepeŋ a si ’dari kune köti gwon a lut.

Lewi 15:6

A ko ŋa lo si ’daki i nene ŋo na si ’dari ŋuto logon mugun wowon lo, nye ködyö lalaju boŋgwat kanyit, a kwöni kwö, a gwe a lut tojo ko sömukö.

Lewi 16:26

A ŋuto logon a kölöddu meetyo ko Ajajele yu lo ködyö lalaji boŋgwat kanyit a tukwöji mugun, a i mukök a nye ködyö bulöni bulö lupö i mera lukata.

Lewi 16:28

A ŋuto logon a ’yuŋa lepeŋat lo ködyö lalaji boŋgwat kanyit, a tukwöji mugun nanyit, a i mukök a nye bulöni bulö lupö i mera lukata.

Lewi 17:15

A ŋutu liŋ logon a nyesu ŋo na twan ka ’de, kode ŋo na kokoa ko gwuruŋin, kode nye yuŋwe i jur kode a ŋuto lo si ’da a lepetyo, a ŋilo ŋuto ködyö lalaji boŋgwat kanyit, a tukwöji mugun, a gwe a lut i kulya ti keri tojo ko sömukö; a kirut nye mo gwe a loke.

Kenet 19:10

Aŋuto lo yuŋdya kurök ti tagwok lo ködyö lalaji boŋgwat kanyit, a gwe a lut i kulya ti keri tojo ko sömukö. A lo gwe a saret lo wurö anyen yeyeŋon ŋupi i ŋutu ti Yisaraele ko i lwaka lo si ’da kase kiden kulo.

Kenet 19:22

A ŋo liŋ nagoŋ ŋuto logon a lut i kulya ti keri a ’bo ’yu lo ködyö gwe a lut koti; a ŋutu liŋ lo ’bo ’yu nene na kine ŋo kulo ködyö gwe a lut tojo ko sömukö.

Ebere 10:22

nyena ti yi mijörö ta nyona ko Ŋun yu ko töilyet ti to ’diri logon ko yupet a duma, töilyet kaŋ logon deden adi yi a koŋdya toron kulo aje tokela, a mugunya kaŋ iŋge lalai ko piŋo nake adi lor.

Ebere 9:14

Kristo a wukiŋdya mugun ko Ŋun i riŋit na Mulökötyo lo yeŋ nyin a rubaŋga gwoso kilolor logon ’bak yuyuket. Nyena bia parik rima kanyit totoke ’ya töilyet kaŋ logon deden adi yi a koŋdya ŋo nagon mo joŋga yi i twan, anyen yi böŋö kitakiŋdya Ŋun lo gwon jöruŋ.

Ebere 9:26

kogwon ko ködyö gwon sona, a lepeŋ ködyö aje nyöggu ŋoŋga daŋin jore suluja i gweya na kak. Ama lepeŋ soŋinana aje pukun daŋ geleŋ asut i diŋit na ’dutet anyen tiŋdu mugun nanyit a rubaŋga i tutuŋgö na toronjin liŋ.

Yakobo 4:8

Miju ta nyona ko Ŋun ni, a lepeŋ mo miju kasu nyona. Ta katoronyak, lalane ta lala konisi kasu. Ta ŋutu logon ko yeyeesi murek murek, tokele ta toke toilyet kasu.

Kweyatti 7:14

A nan waddi lepeŋ adi, Pon duma lio, do deden. A lepeŋ takiŋdye nan adi, Kilo a ŋutu logon a ŋo kaŋo i ŋoŋga duma. Lepeŋat aje lalaju boŋgwat kase a nakwe i rima ti ŋilo Kilolor.

1 Samuele 20:26

Ama Saula a ko kulya nene ŋo i ŋilu lor; kogwon lepeŋ yeyeju adi, ŋona Dawidi a toluddya mugun i kulya ti keri, nye ’bayin a loke.