Lewi 13:3 - Bibilia Buk na Ŋun nagon koti luŋu a

³ a koane ködyö gwulu ’ye lu twanti ko ŋilo ŋuto i mugun; a ko kupir ti nu pirit na lu twanti a kwekweja, a meta na lu twanti gwe gwoso nye a gumba i lukata na ’böriköt lo mugun nanyit, a lu gwe a twanti lo rimajin; a koane ködyö gwulu ’ye lepeŋ a tuŋge adi nye a lut i kulya ti keri.

Lewi 13:3 ပူးပေါင်းရင်းမြစ်များ

Suluet 13:3

a nye jölöni jölö, a ŋiörö i swöt lo Loki tojo Betele, i pirit na gwoŋdi kemia nanyit a kokwe nu, i kiden na Betele ko Ai,

Ejikele 16:30

Nan MATAT ŊUN lo kulya adi, Töili ilot pa ’de ’de, do gwon gwoso kawute nagon kwe ti yu i koŋdya na ŋo gwoso kine.

Ejikele 44:23

A se ködyö todinikiŋdye ŋutu kwe i koruŋdya na ŋo nake na rurwan ko nagon abur kana, ko i koŋa na ŋo nagon ’bayin a nake na rurwan se ko nagon a nake na rurwan.

Osea 7:9

Lwaka nyesu riŋit nanyit, a nye gwe a ko den, iŋkoi, kupir kanyit ti kwe a suluja kwekweja geleŋ geleŋ, a Lepeŋ gwe a ko den.

Lewi 10:10

Ta ködyö koruŋdya i kiden na ŋo nake na rurwan ko i ŋo nagon abur, ko i kiden na ŋo nagon a lut i kulya ti keri se ko ŋo nake;

Lewi 13:10

a koane gwulu ’ye gwulu ’ya, nyena, ko nene gwönit nakwe kata kanyit i ’böriköt nagon a tiŋdu kupir i kwekweja, a ko nene ’dika gwon i nu gwönit,

Lewi 13:2

Ko lele ŋuto gwon ko gwönit i ’böriköt lo mugun nanyit kode a totoset kode a ’do ’dotet, a worani a twanti lo rimajin i ’böriköt lo mugun nanyit, a kirut nye ködyö jweni ko koane Arona ni kode ko lele lo ŋwajik kanyit koanejin kulo,

Lewi 13:20

a koane gwulu ’ye gwulu ’ya, a ko nye a met adi nye a gumba i ’böriköt lukata, a kupir kanyit aje kwekweja, nyena a koane ködyö tuŋge adi lo ŋuto a lut i kulya ti keri, ŋilo a twanti lo rimajin, nye a pu ’do ’e kaŋo i körurutöt kata.

Lewi 13:4

Ama ko nu ’do ’dotet a nakwe i ’böriköt lo mugun nanyit, a meta adi nye a ko gumba i ’börikötlukata, a kupir lo gwon kanyit lukata kulo gwe a ko kwekweja, a koane ködyö kinikiŋdye lu ŋuto lo gilö nyu ko perok buryo.

Lewi 13:8

a koane gwulu ’ye lepeŋ, a ko nu totoset aje nyalakaddu ŋerot kanyit i ’böriköt, a kirut koane ködyö tuŋge adi nye a lut i kulya ti keri; kine a rimajin.

Lewi 14:37

A nye gwulu ’ye lu twanti; a ko lu twanti gwon i gorom na kadi a kutesi naŋem kode nator, a ko nye a gwulu ’yu adi nye a kutoddu lukata,

Lewi 14:54

Ŋilo a saret i kulya ti twanti lo rimajin, ko i kulya ti ŋo na pupuri.

Lewi 14:56

ko i kulya ti gwoŋön kode totoset kode ’do ’dotet,

Lewi 5:3

Kode ko nye a ’bo ’yu lut ti ŋuto, kode a lon gweyari lo lut nagon tolud-dya lepeŋ i kulya ti keri, a nye gwe a ko den kine kulya, ko nye a den kine kulya, ŋilo ŋuto gwon ko toron.

Kagai 2:11

MATAT lo kurumi lo kulya adi, Pine koanejin ko saret lo kine kulya gwon ada, adi,

Malaki 2:7

Kogwon ŋutu yiyio jamesi ti koanejin, a se ga ’yi todinesi ko saresi lo jam lepeŋat kilo, kogwon se a luyökie kwe nan MATAT lo kurumi.

Matayo 16:19

a nan mo tiŋdi do ŋaesi ti Tumatyan na Ki, ko do mo toŋa nyo i kak ni, ki yu a mo torani tora, ko do laggu nyo i kak ni, ki yu a mo lakani laka.

Yoane 20:23

Ko ta pipitökin toronjin ti lele ŋuto a se köti pitökine pitöki; a ko ta a mok toronjin ti lele ŋuto a se köti mokani moka.

Konesi 20:28

Tiji ta ’börik, köti tiji ta teŋ na yidin ’bukuluŋ nagon Mulökötyo Loke a tiŋdu ta a kamemetak kase na, anyen ta yuggu kanisa na Matat, nagon nye a ryekin mugun ko rima kanyit na.

Roma 7:7

A kirut yi de kulyani ada? Yi de kulya adi Saresi ŋona jojo ko toron le? ’Bayin sona kwöŋ. Ama ko ködyo Saresi ’bayin, nan ködyö ti den ko toron a nyo. Kweja adi ko ködyö saret a ko tuggö adi, An do ko be ’ya, nan ködyö ti den ko be ’ya a nyo.

1 Timoteo 1:20

Kulye kase a ko Umenaio se ko Alesaŋöero logon nan a ŋutu kin ko Satani i konin anyen se boŋö totodino adi ti se gwe ti lauŋdya Ŋun.

2 Timoteo 3:13

Ama ŋutu lorok se ko kamumulukak mo puputuru ŋerot i toroŋdya. Lepeŋat mumulugga kulye ŋutu, ama a se koti mumulukani mumuluka.

Ebere 13:7

Yiyiuŋdye ta temejik kasu, se logon köju jamakiŋdya ta kulyaet lo ŋun kulo. Yeyeji ta gwiliŋisi kase ko twatwa nase, miruŋdye ta yupet nase.

Kweyatti 2:23

Nan mo tutukar ŋwajik kanyit asut. A kanisajin liŋ mo dene den adi nan a nye lo ga ’yu yeyeesi na gwon ko ŋutu i töilyet lo, a nan mo ropakiŋdye ta liŋ geleŋ geleŋ gwoso i konesi kasu.