Lewi 13:2 - Bibilia Buk na Ŋun nagon koti luŋu a

² Ko lele ŋuto gwon ko gwönit i ’böriköt lo mugun nanyit kode a totoset kode a ’do ’dotet, a worani a twanti lo rimajin i ’böriköt lo mugun nanyit, a kirut nye ködyö jweni ko koane Arona ni kode ko lele lo ŋwajik kanyit koanejin kulo,

Lewi 13:2 ပူးပေါင်းရင်းမြစ်များ

2 Samuele 3:29

Ti toron na rima kanyit ’duki ko Yöaba i kwe, ko i kötumit liŋ na monye lonyit. Ti kötumit na Yöaba molu gwe ti jaran ko ŋutu logon piŋo wowon kase i mugunya, kode logon a moka ko rimajin, kode ko ŋutu logon a bata lo wörö ko turya, kode logon tatua ko wale, kode logon ’bak kinyo.

2 Moran 5:1

A Namana, kasaranit lo kamörök ti mor lo Suria gwe a ŋuto duma lo bubula ko duma lonyit i komor, kogwon MATAT a tiŋdu Suria i te ’ya kogwon kulya kanyit. A nye gwe a ŋuto wa, ama nye a ŋuto lo rimajin.

2 Moran 5:27

Nyenagon rimajin ti Namana de momok do ko nyakwariat kulök ŋupi. A Geaji kö ’yi lepeŋ a nye gwe a ŋuto lo rimajin, a kwekweji a lokwe gwoso kurök.

Yisaya 1:6

Suluja i ’dapanit na moköt tojo ko juruku ’diet, nene kelan ’bayin ko lepeŋ, tuŋ gwon a mimiyika, ko weweli se ko ’dikasin na wowon; se a ko ’yoroto, kode dodoko, kode tomunya ko welet.

Yisaya 3:17

nyena a MATAT mo tiŋdi kusik ti ŋutu wate ti Siona i gwon a limuö, a MATAT mo roŋdi kupir kase ti komorsikan.

Lewi 13:1

A MATAT kulyani ko Mose ko Arona adi,

Lewi 13:3

a koane ködyö gwulu ’ye lu twanti ko ŋilo ŋuto i mugun; a ko kupir ti nu pirit na lu twanti a kwekweja, a meta na lu twanti gwe gwoso nye a gumba i lukata na ’böriköt lo mugun nanyit, a lu gwe a twanti lo rimajin; a koane ködyö gwulu ’ye lepeŋ a tuŋge adi nye a lut i kulya ti keri.

Lewi 13:8

a koane gwulu ’ye lepeŋ, a ko nu totoset aje nyalakaddu ŋerot kanyit i ’böriköt, a kirut koane ködyö tuŋge adi nye a lut i kulya ti keri; kine a rimajin.

Lewi 14:3

a koane ködyö iti kaŋo i mera kata, a nye gwulu ’ye gwulu ’ya. Nyena ko ködyö twanti lo rimajin a tokela ko lu ŋuto i mugun,

Lewi 14:35

nyena a ŋuto logon nu kadi a nanyit lo ködyö poni i takiŋdya na koane adi, Meta gwoso lele twanti kata koyo kadi.

Lewi 14:56

ko i kulya ti gwoŋön kode totoset kode ’do ’dotet,

Malaki 2:7

Kogwon ŋutu yiyio jamesi ti koanejin, a se ga ’yi todinesi ko saresi lo jam lepeŋat kilo, kogwon se a luyökie kwe nan MATAT lo kurumi.

Kenet 12:10

A nagoŋ luru a wusaji kaŋo i loki na kemia nu, mete, a Miriama mokani rimajin, a gwe a nakwe gwoso kurök.

Kenet 12:12

Böŋö ti nye gwe ti gwon gwoso ŋuto lo twan, logon swöt lo mugun nanyit a nyei kaŋo na ta ’duwe ’i lepeŋ ko ŋote i pele nu.

Matayo 8:4

A Yesu kulyani ko lepeŋ adi, Meddi ’bura an do ko jamakin lele ŋuto kine kulya; ama iti, kweki mugun ko kijane, ko tiŋdi ’doket gwoso na sarakiŋdye Mose nu, anyen ŋutu deden adi do aje tokela.

Marako 1:44

adi, Meddi ’bura, an do ko jamakin lele ŋuto kine kulya; ama iti, kweki mugun ko koane ko wukiŋdye rubaŋga a tokelet ilot gwoso na sarakiŋdye Mose nu, anyen ŋutu deden adi do aje tokela.

Luka 17:14

A nye ko meddi se, a kulyani ko se adi. Iti ta i kwekiŋdya na ’börik ko koanejin.

Luka 5:14

A nye kukuji lepeŋ adi, An do ko takin lele ŋuto kine kulya; ama iti. kweki mugun ko koane, ko wukiŋdye rubaŋga a tokelet ilot gwoso na sarakiŋdye Mose nu, anyen ŋutu deden adi do aje tokela.

Nyökit 24:8

Kunyar ta i moka ko twanti lo rimajin. anyen ta titiju ’bura i koŋdya gwoso i ŋo liŋ nagoŋ koanejin Lewijin todinikin ta kune; a ta ködyö tiji i koŋdya gwoso na saŋi nan se nu.

Nyökit 28:27

A MATAT mo riŋge ta ko koruru ti Ejipeto, se ko mösu ’diöt, ko manyan, ko kipisa nagoŋ ta ti bulö tokela i se.