Lewi 11:2 - Bibilia Buk na Ŋun nagon koti luŋu a

² Tamaki ta ŋutu ti Yisaraele adi, Kilo a ŋo lo gwon jorun logon ta a ’buruki i nyesu i kiden na kijakwa liŋ lo gwon i kak ni.

Lewi 11:2 ပူးပေါင်းရင်းမြစ်များ

Ejikele 4:14

A kirut nan mo ’yi adi, Böŋö pon MATAT ŊUN, nan ’beron a ko toluddya mugun; nan a ko nyesu ŋo nagon twa ka ’de, kode ŋo nagon koa ko gworoŋ; nan a ko sŋoddu lokore na ’burön köyö i kutuk suluja i to ’dit nio tojo ko soŋinana.

Daniele 1:8

Ama a Daniele yeyeji kanyit i toili adi nye ti bulo toluddya mugun ko kinyojin ti mor logon a weletan kode binyo nagon lepeŋ mamat; nyena a lepeŋ pipije duma lo ŋutu logon a kona a ’baŋin kulo anyen rukokiŋdyo nye an nye ko toluddya mugun.

Lewi 11:1

A MATAT jambi ko Mose ko Arona, kulya adi,

Lewi 11:11

A se yeŋe a ŋo logon ta ködyö maman; a ta ködyö tine nyesu lokore nase, a ta maŋdi lokoriŋ kase na twatwa.

Lewi 11:13

Kulo a ŋo logon ta ködyö maman i kiden na kwen, a se tine nyei, se a ŋo lo mamana, kweja adi, yuku, ko luguluseni lobeke, ko kwilok,

Lewi 11:21

Ama i kiden na ŋo lo ’da ’daju kilo, logon wöworo ko mokosi Iŋwan, ta a ’buruki i nyesu na se logon ko mokosi lojo i ’dapan kase, logon lalabarikin i kak.

Lewi 11:29

A kilo gwe a lut kasu i kiden na ŋo lo koko ’yokta i kak ni; kweja adi ’diŋit, ko miji, ko lokwilokokok gwoso i gweyari lose,

Lewi 11:3

Ŋo liŋ i kiden na kijakwa logon ko sulu-kwakan lo kwaraju a gwe ko mokosi lo koŋa, lo ’yelekuŋdya döru i ŋiŋa kilo ta a ’buruki i nyesu na se.

Lewi 11:34

a lele kinyo lo nyenyei lo gwon kanyit lukata, logon pioŋ ködyö pokin kata lo gwe a lut; a ŋo liŋ na mamata i sapya liŋ gwoso kilo gwe a lut.

Lewi 11:39

A ko lele kijaku logon a ’buruki i nyei ko a twan, a nye lo ’bo ’yu lokore nanyit na twan na gwe a lut tojo ko sömukö,

Lewi 11:4

Nyenagon i kiden na se logon ’yelekuŋdya döru i ŋiŋa kode lo kwaraju i sulukwakan, a ta ködyö tine nyesu kilo: kweja adi kamilo, kogwon ’yelekuŋdya döru i ŋiŋa ama sulukwakan kanyit a ko kökoroja.

Lewi 11:9

Kulo a ŋo logon ta a ’buruki i nyesu, i ŋo liŋ lo gwon i piŋö kata, ŋo liŋ lo gwon i lukata na piŋö logon ko wasesi ko kuperu, kode se gwon i toron ti ’balaŋ kode i karya, ta a ’buruki i nyesu na se.

Matayo 15:11

adi, ŋo nagon lupö ko ŋuto i kutuk na ti toluddya, ama ŋo na lupe kaŋo kanyit i kutuk na nye na toluddya lepeŋ.

Ebere 13:9

Ti todinesi ka ’de ka ’de nagon a lepelok gwe ti togiraddu ta. Ködyö a na ’but koyi a wuju ’busan na Ŋun gwoso kinyo lo töilyet kaŋ, ti gwon i ’debba na keriat nyeesi ti kinyo. Ŋutu lo ’debba kilo keriat kulo a ko ryö ’bulit kwöŋ.

Ebere 9:10

kogwon kine ŋo tuŋ gwon i kulya ti ŋo lo nyenyei ko ŋo na mamata, se ko i lalaesi ka ’de ka ’de. Kilo a saresi ti ŋo ti mugun na kaŋo logon saraki ŋutu tojo ko diŋit nagon ŋo mo löpukö a ludukö.