Lewi 10:2 - Bibilia Buk na Ŋun nagon koti luŋu a

² A kimaŋ puku kaŋo ko MATAT i komor a ’yuŋe lepeŋat, a se twatwane twatwa ko MATAT i komor.

Lewi 10:2 ပူးပေါင်းရင်းမြစ်များ

2 Samuele 6:7

A woran na MATAT yuköki ko Uja; a Ŋun tatuje lepeŋ nyu kogwon nye a lyaŋan; a lepeŋ twane twan nyu nyona ko saŋduk na Ŋun.

1 Moran 13:28

A nye iti tu a ryeji öpu na lepeŋ na a gubaki i kiko, a kaine ko kömiru gwogwo ’dan nyona ko nu öpu. A lu kömiru gwe a ko nyö öpu na lepeŋ ko a ko kekeren nu kaine.

1 Moran 18:38

A kimaŋ na MATAT ’duruu ki, a totumbe rubaŋga lo ’yu ’yura ’buluŋ, ko kaden, ko ŋurupö, ko ŋutu, a ’biyaddi pioŋ na gwon i dili lolopet kune.

2 Moran 1:10

Ama a Eliya waddi lepeŋ adi, Ko nan a ŋuto lo Ŋun, ti kimaŋ ’duruu kak ki yu ko ti totumbe do se ko ŋina teŋ inot. A kimaŋ na ’duruu kak ki yu, a totumbe lepeŋ se ko teŋ nanyit na.

2 Moran 1:12

Ama a Eliya waddi adi, Ko nan a ŋuto lo Ŋun, ti kimaŋ ’duruu kak ki yu ko ti totumbe do se ko ŋina teŋ inot. A kimaŋ na Ŋun ’duruu kak ki yu, a totumbe lepeŋ se ko teŋ nanyit na.

1 Dekat 13:10

A woran na MATAT yuköki ko Uja, a nye tatuje lepeŋ kogwon nye a morga saŋduk; a lepeŋ twane twan nyu ko Ŋun i komor.

1 Dekat 15:13

Ta köju a ko ’doggu lepeŋ a kokwe, nyena ko ŋina kwe a MATAT Ŋun likaŋ iŋge duyömökiŋdyö kayaŋ loki, kogwon yi a ko kitakiŋdya lepeŋ gwoso i saret.

1 Dekat 24:2

Ama a Nadaba se ko Abiu twatwane twatwa i ŋerot na twan na monye lose, a gwe ’bak ŋwajik, nyena a Elejara ko Itamar ŋoŋdi a koanejin.

Eyobo 1:16

A nagon nye nyuŋ jajambu nu, a lele lo ’dure, a kulyani adi, Kipya lo ki a peja, a iŋge ’yur köbilu se ko kayukuk, a totumbe se; a nan geleŋ lo rwösuŋdye i takiŋdya na do.

Saumajin 50:3

Ŋun likaŋ ŋoŋo, nye ti yiŋa taliŋ, kimaŋ tutulörö kanyit i komor, köbuŋöt wome wuwuggö kanyit i mara.

Yuörö 24:1

A MATAT kulyani ko Mose adi, Kiyuŋdye ta ki köyö ni, do ko Arona, ko Nadaba, ko Abiu se ko temejik ti Yisaraele merya buryo, ko dulakiŋdye ta ’börik kak pajo.

Yisaya 30:33

Kogwon pirit ’yuret aje tetenaki ’beron; iye nye aje tetenaki mor, dudulet nanyit a tetenaki a nagulu ko a nagalaŋ, ko kimaŋ ko kaden a temejik; a köbuŋöt lo MATAT tutulekiŋdye lepeŋ gwoso pisek na ’do ’dokon.

Lewi 10:5

Nyena a se miju nyona, a ’dokoddi lepeŋat i jölöbiyajin kase tojo i kaŋo na mera, gwoso nagon Mose a kulyari nu.

Lewi 16:1

A MATAT kulyani ko Mose i mukök na twaji ŋwajik murek ti Arona na, i diŋit na muluŋdye se nyona ko MATAT nu a se twatwane twatwa;

Lewi 9:24

A kimaŋ puku kaŋo ko MATAT i komor a totumbe rubaŋga lo ’yu ’yura ’buluŋ se ko welet na gwon i pirit ’yuret na rubaŋgajin loki na; a na meddi ŋutu liŋ kine kulya nu, a se woŋoro ki, a ’dorone kak rupu.

Kenet 14:37

a kulu ŋutu lo joŋdya lore loron lo lu jur kulu iŋge twatwa ko twanti ko MATAT i komor.

Kenet 16:35

A kimaŋ tuleŋ kaŋo ko MATAT yu, a totumbe ŋutu miajin murek ko merya mukanat lo wukiŋdya bökur kulu.

Kenet 16:49

Ŋutu logon twanti lo tatuja kulo gwe a ŋutu alipan puök wot iŋwan ko miajin buryo, wat ŋutu lo twatwa i kulya ti Korak kulo.

Kenet 26:61

Ama a ko Nadaba ko Abiu iŋge twatwa na wukiŋdye se kimaŋ na gwon ka ’de ko MATAT i komor nu.

Konesi 5:10

’De ’de kijek a lepeŋ ’dorone kak ko Petero i mokosi a twane twan. A na lupe ’i kilo teton kadi nu, a ryeji lepeŋ aje twan, a lepeŋat ’dokoddi öpu nanyit kaŋo, a nukakiŋdye ko lalet i merete.

Konesi 5:5

A na yiŋge Anania kilo kulyaesi nu, a nye ’dorone kak a twane twan. A ŋutu liŋ lo yiŋga kine kulya kulo iŋge kujönö parik.

1 Korinto 10:11

Kine kulya liŋ a konaki lepeŋat a kweyesi, a iŋge wuröki kak i tokujöŋdu na yi, kogwon yi gwolor i diŋit nagon ’dutet gwe nyona ko po.

1 Samuele 6:19

A nye iŋge tatu kulye ŋutu ti Bete-semese, kogwon lepeŋat a ku ’di ’yö saŋduk na MATAT; lepeŋ a tatuja ŋutu merya buryo kase, a ŋutu poki i delya kogwon MATAT aje tatuja ŋutu tatuet duma.