Lewi 10:1 - Bibilia Buk na Ŋun nagon koti luŋu a

¹ A Nadaba ko Abiu ŋwajik ti Arona kulo, se murek ’dumuŋdye ta ’doka kase, a tiŋdi kimaŋ nyin, a tiŋdi bökur kanyit loki, a wukiŋdye kimaŋ na gwon ka ’de ko MATAT i komor, gwoso nagon nye a ko sara-kiŋdye lepeŋat nu.

Lewi 10:1 ပူးပေါင်းရင်းမြစ်များ

1 Moran 18:38

A kimaŋ na MATAT ’duruu ki, a totumbe rubaŋga lo ’yu ’yura ’buluŋ, ko kaden, ko ŋurupö, ko ŋutu, a ’biyaddi pioŋ na gwon i dili lolopet kune.

Saumajin 141:2

Ti momolesi kwe gwe gwoso bökur lo ’yura konut i komor, ti mamanyaddu nio ko könisi gwe gwoso rubaŋga lo kona i koriri i ’doro na kolor!

Yuörö 24:1

A MATAT kulyani ko Mose adi, Kiyuŋdye ta ki köyö ni, do ko Arona, ko Nadaba, ko Abiu se ko temejik ti Yisaraele merya buryo, ko dulakiŋdye ta ’börik kak pajo.

Yuörö 24:9

A kirut Mose, ko Arona, ko Nadaba, ko Abiu, se ko temejik ti Yisaraele merya buryo kulo kiyaddi ki,

Yuörö 27:3

A do teteŋdi yekesi kanyit ti kurök, ko korekan kanyit, ko kalabajin kanyit, ko sowesi kanyit ti lokore, ko ta ’doka kanyit; do ködyö teteŋdya kine tito kanyit liŋ ko mölwö.

Yuörö 28:1

A kirut do ködyö koruŋdye kaŋo i kiden na Ŋutu ti Yisaraele Arona logon a luŋösur, se ko ŋwajik kanyit i pirit na geleŋ, a joŋdi se konut nyona anyen kitakiŋdya nan a koanejin. Kilo a ko Arona, se ko ŋwajik kanyit logon a ko Nadaba, ko Abiu, ko Elejara, ko Itamar.

Yuörö 31:11

ko welet na wewelarikin, se ko bökur lo mon paleleŋ. Kilo ŋo liŋ a ti pirit nake na rurwan. Ti lepeŋat koŋdi ŋo liŋ gwoso na saŋi nan do na.

Yuörö 37:29

A nye koti teteŋdi welet nake na lurwan na wewelarikin, ko bökur loke lo mon paleleŋ, gwoso na ŋo ’yi bodo lo riya ko koŋon na.

Yuörö 38:3

A nye teteŋdi tito liŋ ti pirit ’yuret na rubaŋgajin ko mölwö, kweja adi yekesi kanyit ti kurök, ko korekan kanyit, ko kalabajin kanyit, ko sowesi kanyit ti lokore, ko ta ’doka kanyit.

Yuörö 40:27

a nye ’yuŋe bökur lo mon paleleŋ kanyit loki; gwoso na sarakiŋdye MATAT Mose nu.

Yuörö 6:23

A Arona yembi Eliseba ŋuro na Aminadaba ko a kiaser na Nasona a nakwan nanyit; a nye yuŋwekiŋdye lepeŋ Nadaba, ko Abiu, ko Elejara, ko Itamar.

Yuörö 8:27

Yi agu ködyö jölö perok musala i yöbu kata, a ’duŋökiŋdye MATAT Ŋun likaŋ rubaŋga, gwoso nagon nye mo sarakiŋdye yi nu.

Yeremia 19:5

A se iŋge ’duggö piritön na gwon i ko ’dulan ti merya kune a ti Bala, anyen ’yurakiŋdya Bala ŋwajik kase a rubaŋgajin. Nan a ko sarakin ŋo gwoso kine, kode jambu adi ti konani kona, iŋkoi, nan kwöŋ a ko yiyiun se.

Yeremia 32:35

A se iŋge ’duggö piritön na ’du kwakwasari Bala i pirit na ’dir na ŋuro lo Inoma, anyen wukiŋdya Molek ŋwajik kase lyan se ko nawate a rubaŋgajin. Nan a ko sarakin ŋo gwoso kine, iŋkoi, nan kwöŋ a ko yiyiun se, adi ti se koŋdi kine ŋo na mamana anyen tiŋdu kötumit na Yuda i toron­dya.

Yeremia 44:15

A kirut ŋutu liŋ logon a den adi wate kase a wukiŋdya kulye ŋunyen bokuron kulo, ko lodir duma lo ŋutu wate nagon gwo ’dan nyona kune, kweja adi ŋutu liŋ logon si ’da Patorosa i jur lo Ejipeto kulo waddi Yeremia adi,

Yeremia 44:8

Kine kulya mo pokin kasu loki kogwon ta a towoŋa nan i teteŋdya nasu na nyömuejin, i ’yuŋa na bökurön a ti kulye ŋunyen i jur lo Ejipeto, logon ta a po kata i si ’da lo. Ta mo tiŋdu ’börik i tukara, a ta mo gwe a lömit ko a lawet i kiden na jurön liŋ ti kak.

Yeremia 7:31

A se iŋge gweja pirit na ’du na gwon Topet na gwon i pirit na ’dir na ŋuro lo Inoma, anyen ’yuŋa ŋwajik kase lulyan ko nawate i kimaŋ. Nan a ko sarakin ŋo gwoso kine, iŋkoi, nan kwöŋ a ko yiyiun se.

Lewi 16:1

A MATAT kulyani ko Mose i mukök na twaji ŋwajik murek ti Arona na, i diŋit na muluŋdye se nyona ko MATAT nu a se twatwane twatwa;

Lewi 16:12

A nye ködyö ’dumuŋdye ta ’dök a jore ko kuk ti kimaŋ na jwe i pirit ’yuret na rubaŋgajin ko MATAT i komor, se ko könisi murek ti bökur lo mon paleleŋ logon a ŋaŋayaka a lo ’di’dik; a lepeŋ joŋgi nina ta ’dök i lukata na boŋgo koret

Lewi 22:9

Nyenagon se ködyö ’debba jujuwet nio, an se ’doggu toron i kulya ti jujuwet, a twatwane twatwa, na toluddye se jujuwet nu nan logon a MATAT logon geluŋdya se kaŋo a loke lo.

Lewi 9:24

A kimaŋ puku kaŋo ko MATAT i komor a totumbe rubaŋga lo ’yu ’yura ’buluŋ se ko welet na gwon i pirit ’yuret na rubaŋgajin loki na; a na meddi ŋutu liŋ kine kulya nu, a se woŋoro ki, a ’dorone kak rupu.

Kenet 16:46

A Mose kulyani ko Arona adi, ’Dumuŋdye ta ’dök inot, ko tikiŋdye kimaŋ lukata na ’dumwe i pirit ’yuret na rubaŋgajin, ko tiŋdi bökur loki, ko baraddi ’de ’de i nu momoret, anyen tokelari lepeŋat; kogwon woran na MATAT aje rölöddu kaŋo, a twanti iŋge suluja.

Kenet 26:61

Ama a ko Nadaba ko Abiu iŋge twatwa na wukiŋdye se kimaŋ na gwon ka ’de ko MATAT i komor nu.

Kenet 4:18

An ta ko kölökin ta kötumit na midijik ti ŋutu ti Kowat i toliki i kiden na Lewijin;

Nyökit 12:32

A ta ködyö tiji ŋo i koŋdya na ŋo liŋ nagoŋ nan a saŋi ta kunu; ta ti ’yalakiŋdya kode ’dumaddu kata.

Nyökit 17:3

kogwon a tu i kitakiŋdya na kulye Ŋunyen ko i kwakwaddu na se, kode se a ko kolor ko yapa kode nene ŋo na kurumi na ki nagoŋ nan a sarakin ta adi ti gwe ti kona,

Nyökit 4:2

A ta ködyö tine ’yalakiŋdya i kulyaet logon nan a saŋi ta, kode ’dumaddu kata; anyen ta böŋö ’debba saresi ti MATAT ŋun losu logon nan aje sarakin ta kulo.

Ebere 9:4

Lepeŋ gwon ko pirit ’yuret na bökur nagon tetena ko dakap, se ko saŋduk na tomoret a mulunyö liŋ ko dakap. A i lukata na ŋina saŋduk gwe a mu ’da logon a dakap logon gwon ko mana i lukata nanyit, köti i ŋina saŋduk a gwe a ture lo Arona logon aje wilan, se ko ŋurupö murek na ’dayatak nagon kulyaesi ti tomoret a wuröki nyin.