Lewi 1:9 - Bibilia Buk na Ŋun nagon koti luŋu a

⁹ ama a nye lalaji monyet se ko ŋutukujin kanyit ko pioŋ. A koane ködyö ’yuŋe ŋo ’bukuluŋ i pirit ’yuret na rubaŋgajin loki, ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 1:9 ပူးပေါင်းရင်းမြစ်များ

Suluet 8:21

A MATAT moji möet na paleleŋ; a MATAT kulyani kanyit i tö ili adi, Nan mo ti seŋdya kak Köti kwöŋ kogwon kulya ti Ŋutu, kogwon ŋo liŋ na yeye töilyet kase ko na kakatim se kune a narok suluja i tolupudien nase; a nan mo Köti kwöŋ tine tukaŋu ŋo liŋ lo gwon jörun, gwoso na koŋdi nan nu.

1 Dekat 6:34

ŋuro lo Elekana, ŋuro lo Yerokam, ŋuro lo Eliele, ŋuro lo Toak,

2 Dekat 4:6

A nye köti teteŋdi mu ’dajin lalaesi puök, a nye tiŋdi mukanat i swot lo lutaten lo kadi ko kulye mukanat i swot lo kadoŋe. A se lalaji tito nagon a kitarikin rubaŋgajin lo ’yu ’yura ’buluŋ i kilo mu ’dajin, a popo nu gwe a na koanejin anyen se lalaju kata.

Saumajin 51:6

Meddi, do ’de ’dekan ti kulya ’diri gwe ko ŋuto i ŋele; do mo tokurukindyo nan koŋon koyo i toili lukata.

Saumajin 66:15

Nan mo ’yurakindya do lokorio nagon a welesi se ko lorijoki logon kopuröt nase möara paleleŋ kulo a rubaŋga; iŋkoi, nan mo wukindya do rubaŋga lo dwönin se ko lorijoki melon.

Yuörö 12:9

An ta ko nyesu ta nene na ŋina lokore a nadon kode na dera ko pioŋ, ama ti nye peloni pelo ’buluŋ, kwe nanyit ko mokosi kanyit ko ŋo kanyit liŋ ti lukata.

Yuörö 29:18

a do ’yuŋe lopijot liŋ i ŋina pirit ’yuret na rubaŋgajin; ŋilo a rubaŋga lo ’yuraki MATAT ’buluŋ; nye a ŋo na mon paleleŋ nagon ’yuraki MATAT.

Yuörö 29:25

a kirut do ’dumuŋdye se kase i könisi, a ’yuŋe se i pirit ’yuret na rubaŋgajin i rubaŋga lo ’yu ’yura ’buluŋ loki, anyen möara paleleŋ ko MATAT yu; ŋilo a rubaŋga lo ’yuraki MATAT.

Yeremia 4:14

Ta ŋutu ti Yerusalema, lalane ta lala konesi narok kasu i toilyet anyen ta boŋo lwolwoko. Diŋit ŋornan nagon ta ’debba yeyeesi narok kasu i toilyet?

Ejikele 20:28

Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 40:38

A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

Lewi 1:13

ama a nye lalaji monyet kanyit se ko ŋutukujin kanyit ko pioŋ. A koane ködyö wukiŋdye ŋo ’bukuluŋ, a ’yuŋe lepeŋ i pirit ’yuret na rubaŋ-gajin; ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 1:17

a nye morgi kwenti i köpukön a kereŋdi lepeŋ ama ti gwon asut. A koane ködyö ’yuŋe lepeŋ i nu pirit ’yuret na rubaŋgajin loki, i kaden na gwon i kimaŋ loki kune; ŋilo a rubaŋga lo ’yu ’yura ’buluŋ ko kimaŋ, anyen möara paleleŋ ko MATAT yu.

Lewi 2:16

A koane ködyö ’yuŋe nene koret na kilo ’bolot lo rayaka, ko na welet se ko bökur lokwe lonyit liŋ a koret toyeyeet; ŋilo a logon ’yuraki MATAT.

Lewi 2:2

a joŋdi se ko ŋwajik ti Arona ni logon a koanejin kulo. A nye sunuŋdye kata könin geleŋ lo ’bolot na jiŋ a naliliŋök ko welet se ko bökur lokwe liŋ; a koane ködyö ’yuŋe se a koret toyeyeet i pirit ’yuret na rubaŋgajin loki, anyen ’yura ko kimaŋ, anyen möara paleleŋ ko MATAT yu.

Lewi 2:9

A koane ködyö ’dumaddi i ŋinu ’doket na ’bolot kune a koret toyeyeet, a ’yuŋe se i pirit ’yuret na rubaŋgajin loki, anyen ’yura ko kimaŋ, anyen möara paleleŋ ko MATAT yu.

Lewi 3:11

A koane ködyö ’yuŋe se i pirit ’yuret na ru-baŋgajin loki; ŋilo a kinyo logon ’yuraki MATAT.

Lewi 3:5

A ŋwajik ti Arona ködyö ’yuŋe se i pirit ’yuret na rubaŋgajin, i rubaŋga lo ’yu ’yura ’buluŋ loki lo gwon i kaden na gwon i kimaŋ kune; ŋilo rubaŋga ’yura ko kimaŋ anyen möara paleleŋ ko MATAT yu.

Lewi 4:31

A nye ’dumaddi welesi liŋ ti Ŋina meetyo, gwoso na ’dumaji ’e welet na rubaŋga lo taliŋ nu, a koane ködyö ’yuŋe se i nu pirit ’yuret na rubaŋgajin loki anyen möara paleleŋ ko MATAT yu; a koane koŋdi sona anyen ŋilo ŋuto totokela, a nye pitökine pitöki.

Lewi 6:14

A ŋilo gwe a saret lo ’doket na ’bolot. ŋwajik ti Arona ködyo wukiŋdya se ko MATAT i komor, i komor na nu pirit ’yuret na rubaŋgajin.

Lewi 8:21

A nye lalaji monyet ko ŋutukujin ko pioŋ, a Mose ’yuŋe lu lopijot ’bukuluŋ i pirit ’yuret na rubaŋgajin loki a rubaŋga lo ’yu ’yura ’buluŋ, anyen möara paleleŋ, a ŋo nagon ’yuraki MATAT, gwoso na saŋi MATAT Mose nu.

Lewi 8:28

A Mose wuji kine ŋo kase i könisi, a ’yuŋe se i pirit ’yuret na rubaŋgajin ko lu rubaŋga lo ’yu ’yura ’buluŋ i pirit na geleŋ, gwoso rubaŋga ’boriet, nye a ŋo na mon paleleŋ na ’yuraki MATAT.

Lewi 9:14

A nye lalaji monyet se ko ŋutukujin ko pioŋ, a ’yuŋe se ko rubaŋga lo ’yu ’yura ’buluŋ i pirit na geleŋ i pirit ’yuret na rubaŋgajin.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Kenet 15:3

a ta ’yurakiŋdye MATAT ŋo, kode rubaŋga lo ’yu ’yura ’buluŋ, kode lele rubaŋga logon ta a milyekin tiŋdu, kode rubaŋga lo tupali-kan na töili, kode rubaŋgajin lo wuki i roriot kasu lo wulwe kulo anyen möara paleleŋ ko MATAT yu. Kilo rubaŋgajin ködyö ’dumwe i teŋon ti kisuk kode ti yidin.

Kenet 28:11

A i suluesi ti yapala kasu a ta ködyö wukiŋdye MATAT rubaŋga lo ’yu ’yura ’buluŋ logon a dwönin lo ’di ’dik murek, ko lopijot geleŋ, ko yisi mönikön buryo logon ko kiŋa geleŋ, logon ’bak yuyukesi;

Kenet 28:7

A rubaŋga ’bu ’buket logon wuki ko lepeŋ i pirit na geleŋ ködyö gwe a swöt geleŋ na iŋwan na temet nagoŋ a yin i yisi liŋ geleŋ geleŋ; a ta ködyö ’bukökiŋdye MATAT rubaŋga lo yawa napötwör i pirit nake na rurwan.

Kenet 28:8

A ta ködyö wukiŋdye lele kilolor i sömukö mora ko ’doket na ’bolot se ko rubaŋga ’bu ’buket gwoso lo kona i ko ’bure lu; a ta ’yuŋe lepeŋ anyen möara paleleŋ ko MATAT yu.

2 Korinto 2:15

Kogwon yi gwon gwoso bökur logon Kristo ’yurakin ŋun, anyen möara i ŋutu logon lwölwökö ko i ŋutu logon twatwa kilo.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Nyökit 12:27

a ta wukiŋdye rubaŋgajin kasu lo ’yu ’yura ’buluŋ, ko lokore se ko rima i pirit ’yuret na rubaŋgajin ti MATAT Ŋun losu; a rima ti rubaŋgajin kasu ködyö ’bukökine i loki na pirit ’yuret nagoŋ a na MATAT Ŋun losu, a ta nyesi lokore.

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.