Lewi 1:4 - Bibilia Buk na Ŋun nagon koti luŋu a

⁴ a ŋilo ŋuto ködyö sopakiŋdye könin lonyit ko lu rubaŋga lo ’yu ’yura ’buluŋ i kwe, a lu mönik rukökine ŋilo ŋuto anyen tokelari lepeŋ.

Lewi 1:4 ပူးပေါင်းရင်းမြစ်များ

Yuörö 28:38

A nye gwe ko Arona i komor, a Arona ködyö ’doggi lyaŋesi ti ŋo nake nagon Ŋutu ti Yisaraele mo gegeluŋ a ’dokesi kase nake liŋ kune; a ŋina beleŋ beleŋ ködyö gwe kanyit i komor ŋupi, anyen Ŋutu ti Yisaraele böŋö rurukö ko MATAT i komor.

Yuörö 29:10

A do joŋdi dwöt i komor na kemia torumet. A Arona se ko ŋwajik kanyit sopakiŋdye könisi kase ko ŋilo dwöt i kwe.

Yuörö 29:15

A do Köti ’dumuŋdye lele lo kilo lopijoki, a Arona ko ŋwajik kanyit sopakiŋdye könisi kase ko lopijot i kwe,

Yuörö 29:19

A do ködyö ’dumuŋdye lele lopijot; a Arona ko ŋwajik kanyit sopakiŋdye könisi kase ko lopijot i kwe,

Yuörö 29:33

a se nyesi ŋo nagon a tokelarikin se kune, i ’boro-kiŋdya na se ko i geluŋdya na se a loke, ama a lwakatyo tine bulö nyesu lepeŋat kogwon se a nake na rurwan.

Yisaya 56:7

a nan mo joŋdi kilo ŋutu i mere liŋ loke, a mo tiŋdi se i gwon a kalyöŋök i kadi nio kwakwaset; a rubaŋgajin kase lo ’yu ’yura se ko rubaŋgajin kase mo wuyuni wuyu i pirit nio ’yuret na rubaŋgajin loki; kogwon kadi nio mo luŋu a kadi kwakwaset na gweyajin liŋ ti ŋutu.

Ejikele 45:15

A i teŋ geleŋ na yidin miajin murek köbilityo geleŋ ködyö ’dumwe kata i kötumitön ti Yisaraele. Kine ŋo liŋ tiki anyen wuki a ’dokesi ti ’bolot, ko a rubaŋgajin lo ’yu ’yura ’buluŋ ko a rubaŋgajin ti taliŋ, anyen toke ’ya ŋutu ti Yisaraele, ŋilo a nan MATAT ŊUN lo jambu.

Daniele 9:24

Adi jimalan merya buryo logon a kiŋajin kulo a saraki a kwe na kulya ti ŋutu kulök ko i köji inot nake. Kilo jimalan a tutupesi ti lyaŋesi, ko a tu ’bakaesi ti toronjin, ko a lalaesi ti kulya narok, anyen joŋdya torigwo na yeŋ nyin, anyen kwekiŋdya adi ŋo na memeta se ko nebi a gwak, anyen welakiŋdya pirit nake parik na toto-puŋdya.

Lewi 16:21

a Arona sopakiŋdye könisi kanyit murek liŋ ko lu meetyo lo gwon jörun lo i kwe, a nye ködyö tuŋge kanyit loki ŋonyesi liŋ ti ŋutu ti Yisaraele, ko tukwölöŋesi kase liŋ, iŋkoi toronjin kase liŋ; a nye sopakiŋdye se ko lu meetyo i kwe, a sonyoddi lepeŋ kaŋo tojo i yöbu i könin lo lele ŋuto lo mömöŋdu ajo.

Lewi 16:24

a nye tukwöji mugun i nene pirit nake, a nye jupukiŋdye boŋgwat kanyit, a nye lupöni kaŋo a wukiŋdye rubaŋga lonyit lo ’yu ’yura ’buluŋ, se ko rubaŋga lo ’yu ’yura ’buluŋ i kulya ti ŋutu kulo, a nye toke ’yi mugun se ko kilo ŋutu.

Lewi 22:21

A ko ŋa lo wukiŋdya MATAT lele rubaŋga lo taliŋ lo ’dumwe i kisuk kode i yidin, anyen temakiŋdya milye kode gwoso rubaŋga lo tupalikan na töili, ŋilu turu ’buti köbyö gwon a loke anyen rurukö, lepeŋ ködyö gwon ’bak yuyuket.

Lewi 22:27

Ko dwöt kode köbilityo kode meetyo a yuŋwe, a nye ködyö gwe ko ŋote nanyit perok buryo; a i lor tobudök lonyit lu a nye ruköni rukö a rubaŋga lo ’yuraki nan MATAT.

Lewi 3:13

a nye sopakiŋdye könin lonyit ko ŋilo turu ’buti i kwe, a ’duŋge lepeŋ i komor na kemia torumet; a ŋwajik ti Arona pokakiŋdye rima kanyit i pirit ’yuret na rubaŋgajin i mara kanyit.

Lewi 3:2

A nye sopakiŋdye könin lonyit i kwe na turu ’buti lo wukin nye a rubaŋga lo a ’duŋge lepeŋ i kötumit na kemia torumet; a ŋwajik ti Arona logon a koanejin kulo pokakiŋdye rima i pirit ’yuret na lubaŋgajin i mara kanyit.

Lewi 3:8

A nye sopakiŋdye könin lonyit i kwe na turu ’buti logon nye wukin a rubaŋga lu, a ’duŋge lepeŋ i komor na kemia torumet; a ŋwajik ti Arona ködyö pokakiŋdye rima kanyit i nu pirit ’yuret na rubaŋgajin i mara kanyit.

Lewi 4:15

a temejik ti momoret sopakiŋdye könisi kase i kwe na ŋilo dwöt ko MATAT i komor, a ŋilo dwöt ’duŋöni ’duŋö ko MATAT i komor.

Lewi 4:20

A nye ködyö koŋdi nilo dwöt sona; kweja adi nye konakiŋdya ŋilo dwöt gwoso na konakiŋdye nye lele dwöt lo rubaŋga lo toron nu, a koane koŋdi sona anyen kilo ŋutu totokela, a se pitökine pitöki.

Lewi 4:24

a nye sopakiŋdye könin lonyit i kwe na lu kine, a ’duŋge lepeŋ i nu pirit ’duŋet na rubaŋgajin lo ’yu ’yura ’buluŋ ko MATAT i komor; ŋilo a rubaŋga lo toron.

Lewi 4:26

A nye ’yuŋe welesi kanyit liŋ i nu pirit ’yuret na rubaŋgajin, gwoso na ’yuŋe nye welesi ti rubaŋgajin ti taliŋ na; a koane koŋdi sona anyen ŋilo ŋuto totokela i toron nanyit, a nye pitökine pitöki.

Lewi 4:29

A nye sopakiŋdye könin lonyit i kwe na meetyo na rubaŋga lo toron, a ’duŋge ŋina meetyo na rubaŋga lo toron i nu pirit na ’yurari rubaŋgajin lo ’yu ’yura ’buluŋ nu.

Lewi 4:31

A nye ’dumaddi welesi liŋ ti Ŋina meetyo, gwoso na ’dumaji ’e welet na rubaŋga lo taliŋ nu, a koane ködyö ’yuŋe se i nu pirit ’yuret na rubaŋgajin loki anyen möara paleleŋ ko MATAT yu; a koane koŋdi sona anyen ŋilo ŋuto totokela, a nye pitökine pitöki.

Lewi 4:33

a sopakiŋdye könin lonyit i kwe na ŋinu kilolor na rubaŋga lo toron, a ’duŋge lepeŋ a rubaŋga lo toron i pirit ’duŋet na ru-baŋgajin lo ’yu ’yura ’buluŋ nu.

Lewi 4:35

A nye ’dumaddi welesi liŋ ti ŋilo kilolor, gwoso na ’dumaji ’e welet na kilolor lo ’duŋö a lo rubaŋga lo taliŋ nu, a koane ködyö ’yuŋe se i pirit ’yuret na rubaŋgajin loki, i loki na ŋo lo ’yuraki MATAT; a koane koŋdi sona anyen ŋilo ŋuto totokela i Ŋina toron na kon nye na, a nye pitökine pitöki.

Lewi 4:4

A nye ködyö joŋdi dwöt ko MATAT i komor i kötumit na kemia torumet, a sopakiŋdye könin lonyit i kwe na dwöt, a ’duŋge lu dwöt ko MATAT i komor.

Lewi 5:6

a nye ködyö joŋdi rubaŋga a ropet lo toron ko MATAT ni kogwon ŋina toron na kon nye na. Turu ’buti na jon nye a ropet na toron na ködyö gwon a kine nanakwan na ’dumwe i teŋ na yidin, kode a tore na köbilityo kode a tore na meetyo, a koane wukiŋdye ŋina turu ’buti anyen ŋilo ŋuto totokela i toron nanyit.

Lewi 6:7

a koane wukiŋdye ŋilo lopijot ko MATAT i komor anyen ŋilo ŋuto totokela, a nye pitökine pitöki i konesi kanyit liŋ nagon a lyaŋesi, nagon a tiŋdu lepeŋ i gwon ko toron kune.

Lewi 8:14

A nye joŋdi dwöt a lo rubaŋga lo toron; a Arona ko ŋwajik kanyit sopakiŋdye könisi kase i kwe na dwöt lo rubaŋga lo toron lo.

Lewi 8:18

A nye joŋdi lopijot a lo rubaŋŋ lo ’yu ’yura ’buluŋ, a Arona ko ŋwajik kanyit sopakiŋdye könisi kase ko lopijot i kwe.

Lewi 8:22

A nye joŋdi lele lopijot logon a ’boriet; a Arona se ko ŋwajik kanyit sopakiŋdye könisi kase ko ŋilo lopijot i kwe.

Lewi 9:7

A Mose kulyani ko Arona adi, Miju nyona i pirit ’yuret na rubaŋgajin, ko wukiŋdye rubaŋga ilot a lo toron ko rubaŋga ilot lo ’yu ’yura ’buluŋ, anyen do se ko mede inot totokela; ko wukiŋdye rubaŋga a lo kilo ŋutu, anyen se totokela; gwoso na saŋi MATAT nu.

Kenet 15:25

a koane ködyö wukiŋdye kine ŋo anyen tokelari momoret liŋ na ŋutu ti Yisaraele, a se mo pilökine pitöki. Lepeŋat a giran a ko koŋdya aka, a se iŋge joŋdya rubaŋga lose logon ’yuraki MATAT lo, se ko rubaŋga lose lo toron ko MATAT i komor kogwon giran nase.

Kenet 15:28

A koane ködyö wukiŋdye rubaŋga lo lu ŋuto logon a giran ko a toroŋdya ’bak denet lu ko MATAT i komor anyen tokelari lepeŋ, a nye mo pitökine pitöki.

Kenet 25:13

anyen kwekiŋdya adi nye se ko nyakwariat kanyit lo gwon kanyit i mukök kilo mo yeŋon gwon a koanejin ŋupi, kogwon nye gwon ko pusök yinet na Ŋun lonyit, a nye iŋge toke ’ya ŋutu ti Yisaraele.

Kenet 8:10

A do joŋdi Lewijin ko MATAT i komor, a ŋutu ti Yisaraele ködyö sopakiŋdye könisi kase ko Lewijin loki,

Kenet 8:12

A Lewijin ködyö sopakiŋdye könisi kase i loki na kusik ti dwönin; a do wukiŋdye geleŋ a rubaŋga lo toron ko lele a rubaŋga lo ’yuraki MATAT ’buluŋ, i toke ’ya na Lewijin.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

Roma 3:25

Ŋun a kweja lepeŋ anyen rima kanyit lalaju toronjin ti ŋutu lo yubbö nye kulo. Ŋun a koŋdya sona anyen kwekiŋdya adi nye a lo rigwo. kogwon i diŋitan ti ’beron nye a teŋgu mugun a gwe a ko riŋga toronjin.

Roma 5:11

Ama ’bayin a kine ŋo ka ’de, ama yi köti lyöŋön ko Ŋun kogwon kulya ti Matat likaŋ Yesu Kristo, logon soŋinana aje tomor a yi ko Ŋun lo.

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.

Ebere 10:4

kogwon rima ti dwönin ko ti yidin ti bulö joŋga toronjin kaŋo kwöŋ.

1 Yoane 2:2

Lepeŋ a tokelet lo toronjin kaŋ, ’bayin toke ’ya toronjin kaŋ ka ’de ama köti toke ’ya toronjin ti ŋutu ti na kak ’bukuluŋ.