Lewi 1:3 - Bibilia Buk na Ŋun nagon koti luŋu a

³ A ko rubaŋga lonyit gwon a rubaŋga lo ’yu ’yura ’buluŋ lo ’dumwe i kisuk, a nye köbyö wukiŋdye mönik logon ’bak yuyuket; a nye tiŋdi lu mönik i kömit na kemia torumet, anyen MATAT böŋö ruruk ŋilo ŋuto;

Lewi 1:3 ပူးပေါင်းရင်းမြစ်များ

Suluet 22:13

A Abarayama ’bi ’yi konyen kanyit ki, a boboŋgi boboŋgi, mete, a lopijot gwe kanyit i mukök a moka oŋgwora ko kikwa, a Abarayama iti tu a morgi lu lopijot, a ’yuŋe a rubaŋga i pirit na ŋuro lonyit.

Suluet 22:2

A lepeŋ kulyani adi, Soŋinana ’du muŋdye pilili ilot lo ŋuro logon do nyanyar lo, logon a Yisaka, ko iti ta i jur lo Moria, ko wukiŋdye lepeŋ yu a rubaŋga lo ’yu ’yura i lele geleŋ lo merya logon nan mo tatakin do kulya kanyit lu.

Suluet 22:8

A Abarayama waddi adi, Ŋuro lio, Ŋun de ryeryekin mugun kilolor lo ’yura a rubaŋga. A se liŋ murek iti tu.

Suluet 8:20

A Noa tetenakiŋdye MATAT pirit ’yuret na rubaŋgajin; a nye ’dumuŋdye kunie ti kijakwa ko ti kwen nagon a na ’but i nyei i kulya ti keri kune, a wukiŋdye se a rubaŋgajin lo ’yu ’yura i pirit ’yuret.

2 Dekat 29:32

A kenet na rubaŋgajin lo ’yu ’yura ’buluŋ logon ŋutu lo momora lo joŋdya kulo gwe a öwönin merya buryo, ko köbilu lopijoki mia geleŋ, ko yisi miajin murek; kine liŋ a ti rubaŋga lo ’yuraki MATAT ’buluŋ.

2 Dekat 35:12

A se gelakiŋdye rubaŋgajin lo ’yu ’yura ’buluŋ ka ’de anyen se bubulö kokorakiŋdya i ŋutu logon ’bayin a koanejin gwoso i kotumiton ti merenye­jin, anyen wukin MATAT, gwoso nagon a wuröki i buk na Mose nu. A se köti iŋge koŋdya sona ko öwönin.

Saumajin 110:3

ŋutu kulök a wukindya ’börik i lor lo luŋgi do kamörök lu i merya loke loki. Teton kulök ŋoŋo konut gwoso ŋuŋutut lo waran na kak.

Saumajin 40:8

nan a lyöŋön i kondya na ’dekesi kunök ŋon ŋun lio; iŋkoi, saret ilot gwon köyö i töili!

Yuörö 12:5

A yisi kasu ködyö gwe a mönikön ti kiŋa geleŋ logon ’bak yuyuket; a ta ködyö ’dumuŋdye se i kiden na köbilu kode i kiden na melon;

Yuörö 24:5

A nye soŋdi ŋwajik teton ti Ŋutu ti Yisaraele, anyen se wu-kiŋdya rubaŋgajin lo ’yu ’yura ’buluŋ, a ’duŋökiŋdye MATAT dwönin a rubaŋgajin ti taliŋ.

Yuörö 29:18

a do ’yuŋe lopijot liŋ i ŋina pirit ’yuret na rubaŋgajin; ŋilo a rubaŋga lo ’yuraki MATAT ’buluŋ; nye a ŋo na mon paleleŋ nagon ’yuraki MATAT.

Yuörö 29:4

A do joŋdi Arona se ko ŋwajik kanyit tojo i kötumit na kemia torumet, a do tukwöji lepeŋat ko pioŋ.

Yuörö 29:42

A nye ködyö gwe a rubaŋga lo ’yu ’yura ’buluŋ lo yeyeŋon i nyakwariat kasu; ŋilo rubaŋga ’yura i kötumit na kemia torumet köyö i komor nan MATAT na momori nan ko ta nyu, i jambu ko do.

Yuörö 32:6

A ko ’bure kobubut a se pine ki, a ’yuŋe rubaŋgajin lo ’yu ’yura ’buluŋ, a joŋdi rubaŋgajin ti taliŋ; a kirut Ŋutu kulo si ’dani kak i nyesu ko i möju, a pine ki i gwoja.

Yuörö 35:21

A Ŋutu liŋ logon töilyet kase a toŋiju se ko se liŋ logon ködu dwölön kase ’de ’deggi tiŋdu kulo ŋoŋdi ŋo, jakiŋdya MATAT ’dokesi, anyen kitarikin i kemia torumet, ko a ti kita nanyit liŋ, Köti anyen kitarikin boŋgwat nake na rurwan.

Yuörö 35:29

A Ŋutu liŋ ti Yisaraele geleŋ geleŋ lulyan ko nawate, logon töilyet kase a toŋiju se kulo jakiŋdye MATAT ’dokesi ti tupalikan na töilyet, anyen kitarikin kita liŋ nagon MATAT a sarakin ko Mose i kutuk i kona na.

Yuörö 35:5

Ta liŋ ködyö ’dumuŋdya ’dokesi na ’dokari MATAT; ko ŋa logon ko tupalikan na töili a ti lepeŋ joŋdi ’doket na MATAT, kweja adi dakap, ko pödö, ko mölwö;

Yuörö 36:3

a se wuyuŋdye ko Mose i könin ’dokesi liŋ ti tupalikan na töili nagon Ŋutu ti Yisaraele aje jon anyen kitarikin pirit nake na rurwan kune. Nyenagon a Ŋutu kulo yeŋe yekakiŋdya lepeŋ ’dokesi ti tupalikan na töili temba i ko ’bure.

Yuörö 38:1

A nye teteŋdi kaden ’bokolot a pirit ’yuret na rubaŋgajin lo ’yu ’yura ’buluŋ. Tojolan nanyit a lokiliŋan mukanat, ko tugalaŋ nanyit a lokiliŋan mukanat; a nye gwe jojo a regorego, a tojolan nanyit ki gwe a lokiliŋan musala.

Yisaya 1:11

Nan MATAT lo kulya sona adi, Tojore na rubaggajin kasu a nyo koyo? Nan a yimono ko rubaggajin lo ’yu ’yura ’buluŋ ti lopijoki, ko welet na toro ’bo logon tunyei ’bura; a nan tine lyoŋon ko rima ti dwönin, ko ti yisi, ko ti melon.

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Ejikele 40:39

a misajin iŋwan gwe kata i lukata na baraŋöa na kadi najo na gwon i kötumit na, murek i lele swöt ko murek i lele swöt. Kine misajin ’duŋörikin toro ’bo nagon wuki a rubaŋgajin lo ’yu ’yura ’buluŋ, ko rubaŋgajin ti toron se ko rubaŋgajin ti lyaŋan.

Lewi 1:10

A ko turu ’buti nagon nye tikin a rubaŋga lo ’yu ’yura ’buluŋ a ’dumwe i yidin kata, kode i köbilu, kode i melon, a nye ködyö wukiŋdye mönik logon ’bak yuyuket;

Lewi 14:10

A i lor tobudök lonyit a nye ködyö ’dumuŋdye yisi murek mönikön logon ’bak yuyukesi, ko kilolor nanakwan a na kiŋa geleŋ nagon ’bak yuyuket na, ko ’doket na ’bolot nagon a swöt topuökisi musala ti temet nagon a epa na ’bolot na jiö a naliliŋök a ŋola ko welet, se ko malaŋgi duma lo welet logon temuŋdya a loga.

Lewi 16:7

A nye joŋgi melon murek, a tiŋdi se ko MATAT i komor i kötumit na kemia torumet;

Lewi 17:4

a nye tine joŋdya lepeŋ i kömit na kemia torumet, i wukiŋdya na lepeŋ a rubaŋga lo MATAT i komor na kemia na MATAT, a toron na rima mo konakine lu ŋuto; kweja adi lepeŋ a ’bukuŋdyö rima, a lu ŋuto ködyö riköjine kaŋo i kiden na ŋutu kanyit.

Lewi 17:8

A do ködyö kulyani ko se adi, Ko lon ŋuto lo kömit na Yisaraele kode lele lo lwaka lo si ’da kase kiden, logon wukiŋdya rubaŋga lo ’yu ’yura ’buluŋ kode a lele rubaŋga,

Lewi 17:9

a nye tine joŋdya lepeŋ i kömit na kemia torumet i ’duŋökiŋdyö na lepeŋ ko MATAT, a lu ŋuto ködyö riköjine kaŋo i ŋutu kanyit.

Lewi 23:12

A i lu lor lo kweji ta kwe na ’bolot lu, a ta ködyö wukiŋdye MATAT kilolor mönik lo kiŋa geleŋ logon ’bak yuyuket a rubaŋga lo ’yu ’yura ’buluŋ.

Lewi 23:18

A ta ködyö wukiŋdye yisi buryo logon a ti kiŋa geleŋ logon ’bak yuyukesi kulo i pirit na geleŋ ko ambatajin, se ko dwöt lo ’dit geleŋ, ko lopijoki murek; a se gwe a rubaŋga lo ’yuraki MATAT ’buluŋ, mora ko ’doket na ’bolot se ko rubaŋgajin ’bu ’bukesi, iŋkoi a rubaŋga lo ’yu ’yura anyen möara paleleŋ ko MATAT yu.

Lewi 3:1

A ko ŋuto a ’duŋgö rubaŋga lonyit a lo taliŋ, a ko nye a tiŋdu kiteŋ, kode a mönik, kode a nanakwan, a nye ködyö wukiŋdye lepeŋ ’bak yuyuket ko MATAT i komor.

Lewi 4:15

a temejik ti momoret sopakiŋdye könisi kase i kwe na ŋilo dwöt ko MATAT i komor, a ŋilo dwöt ’duŋöni ’duŋö ko MATAT i komor.

Lewi 4:23

a ko Ŋina toron na kon nye na aje tokuruki lepeŋ, a nye ködyö joŋdi meetyo a lo rubaŋga lonyit, nilo meetyo ködyö gwon ’bak yuyuket,

Lewi 4:3

a ko ŋilo a koane lo welaki i kita lo a toroŋdya a iŋge jakiŋdya ŋutu toron sona, nyena ti lepeŋ wukiŋdye MATAT lele dwöt lo ’dit logon ’bak yuyuket a rubaŋga lo toron kogwon ŋina toron na kon nye na.

Lewi 4:32

A ko ŋilo ŋuto a joŋdya kilolor köbilityo a rubaŋga lonyit lo toron, a nye ködyö joŋdi nene a nanakwan nagon ’bak yuyuket,

Lewi 5:15

Ko lele ŋuto a ’beleŋgu saret a iŋge toroŋdya ’bak denet i nene na ŋo nake na rurwan ti MATAT, ti nye joŋdi lopijot ko MATAT ni a rubaŋga lonyit lo lyaŋan. ŋilo lopijot köbilityo lo ’dumwe i teŋ na yidin kata lo ködyö gwon ’bak yuyuket. Do ködyö keŋdya ’bulit na ŋilo lopijot köbilityo gwoso pödöjin na tema ko sekele na pirit nake na rurwan; ŋilo a rubaŋga i kulya ti lyaŋan.

Lewi 5:18

A nye ködyö jakiŋdye koane lopijot köbilityo logon ’bak yuyuket lo ’dumwe i teŋ na yidin kata, gwoso i kenet inot na ropet na rubaŋga i kulya ti lyaŋan, a koane wukiŋdye ŋilo lopijot kogwon lyanit na kon ŋilo ŋuto ’bak denet na anyen lepeŋ totokela, a nye pitökine pitöki.

Lewi 6:2

Ko lele ŋuto a toroŋdya ko a ’bele-ŋgu saret lo MATAT, i mumulugga na marate lonyit i kulya ti ŋo nagon tiki lepeŋ anyen ’de ’de kune kode nagon tiki a togwoet, ko lepeŋ a koko ’ya, kode ko nye aje ru ’ya marate lonyit,

Lewi 6:8

A MATAT jambi ko Mose adi,

Lewi 7:16

Ama ko rubaŋga lo wukin nye lo a rubaŋga lo milye, kode logon wuki ko tupalikan na töili lo, ködyo nyeni i lor logon nye wukiŋdye rubaŋga lonyit lu, a ŋo nagon a pituŋdyö kata kune nyeni i ko ’bure,

Lewi 8:18

A nye joŋdi lopijot a lo rubaŋŋ lo ’yu ’yura ’buluŋ, a Arona ko ŋwajik kanyit sopakiŋdye könisi kase ko lopijot i kwe.

Lewi 8:21

A nye lalaji monyet ko ŋutukujin ko pioŋ, a Mose ’yuŋe lu lopijot ’bukuluŋ i pirit ’yuret na rubaŋgajin loki a rubaŋga lo ’yu ’yura ’buluŋ, anyen möara paleleŋ, a ŋo nagon ’yuraki MATAT, gwoso na saŋi MATAT Mose nu.

Lewi 9:2

a nye kulyani ko Arona adi, ’Dumuŋdye dwöt kolojityo a lo rubaŋga lo toron, se ko lopijot a lo rubaŋga lo ’yu ’yura ’buluŋ logon ’bak yuyukesi, ko wukiŋdye se ko MATAT i komor.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Malaki 1:14

Ti kamumulukanit logon a milyekiŋdyo ’dogga ko lopijot i toro ’bo kanyit lo, ama kolumbo a nye ’duŋokiŋdye MATAT ŋo lo bata, ti ŋilo ŋuto lomoni lomo; kogwon nan MATAT lo kurumi lo kulya adi, Nan logon a mor duma, a karin kwe kujonorikin kujonorikin i kiden na gweyajin liŋ ti ŋutu.

Kenet 15:3

a ta ’yurakiŋdye MATAT ŋo, kode rubaŋga lo ’yu ’yura ’buluŋ, kode lele rubaŋga logon ta a milyekin tiŋdu, kode rubaŋga lo tupali-kan na töili, kode rubaŋgajin lo wuki i roriot kasu lo wulwe kulo anyen möara paleleŋ ko MATAT yu. Kilo rubaŋgajin ködyö ’dumwe i teŋon ti kisuk kode ti yidin.

Kenet 15:8

A nagoŋ do tetenakiŋdya dwöt a i ubaŋga lo ’yu ’yura ’buluŋ, kode a lele rubaŋga logon ta a milyekin tiŋdu kode a lo rubaŋgajin ti taliŋ a ti MATAT nu,

Kenet 19:2

Lo a saret lo wurö logon nan MATAT aje saŋu adi, Taki ŋutu ti Yisaraele anyen se jakiŋdya do tagwok nator nagoŋ a na ’but nagoŋ ’bak yuyuket, nagoŋ gwulugi a ko nyuŋ toraki ko lepeŋ i murut na.

Kenet 23:19

Ŋun ’bayin a ŋuto anyen nye ’bu ’burönö, nye ’bayin a ŋuto logon a lipo anyen nye löpuggö yeyeesi kanyit. A ko nye a jambu, a nye mo tine koŋdya le? Kode ko nye a kulya, a nye mo tine töjukin gwoso na jambi nye na le?

Kenet 23:27

A Balak kulyani ko Balam adi, Po, a nan de joŋgi do i nene pirit; kode ŋona de meta a na ’but ko Ŋun i komor ko do a lömökin nan se nyu.

Kenet 23:3

A Balam kulyani ko Balak adi, Gwo ’de i tiju na rubaŋga ilot lo ’yu ’yura ’buluŋ, nan lo iti tu; kode ŋona MATAT de rurumbi nan, a ko nye a jamakiŋdya nan nene ŋo a nan de ko nyönyökö-kiŋdye do. A nye kiyaddi ki i kwe na mere nagoŋ ’bak kaden.

Kenet 23:30

A Balak koŋdi gwoso na kulyari Balam na, a nye wukiŋdye dwöt ko lopijot i piritön ’yuresi ti rubaŋgajin liŋ geleŋ geleŋ.

Kenet 28:11

A i suluesi ti yapala kasu a ta ködyö wukiŋdye MATAT rubaŋga lo ’yu ’yura ’buluŋ logon a dwönin lo ’di ’dik murek, ko lopijot geleŋ, ko yisi mönikön buryo logon ko kiŋa geleŋ, logon ’bak yuyukesi;

Kenet 28:19

ama a ta ’yurakiŋdye MATAT rubaŋga lo ’yu ’yura ’buluŋ, logon a dwönin lo ’di’dik murek, ko lopijot geleŋ, ko yisi mönikön buryo logon ko kiŋa geleŋ logon ta a met adi se ’bak yuyukesi.

Kenet 28:31

A ta ködyö wukiŋdye se ko rubaŋgajin ’bu ’bukesi logon wuki ko lepeŋat i pirit na geleŋ kulo, logon ta a met adi se ’bak yuyukesi, mora ko rubaŋga lo ’yu ’yura ’buluŋ lo yeŋon kona se ko ’doket na ’bolot nagoŋ wuki ko lepeŋ i pirit na geleŋ na.

Kenet 29:13

A ta wukiŋdye rubaŋga lo ’yu ’yura ’buluŋ, logon ’yuraki MATAT anyen mon paleleŋ, logon a dwönin lo ’di ’dik puök wot musala, ko lopijoki murek, ko yisi mönikön puök wot iŋwan logon ko kiŋa geleŋ, logon ’bak yuyukesi,

Kenet 29:2

a ta ködyö wukiŋdye rubaŋga lo ’yu ’yura ’buluŋ anyen möara paleleŋ ko MATAT yu, logon a dwöt lo ’dit geleŋ, ko lopijot geleŋ, ko yisi mönikön buryo logon ko kiŋa geleŋ logon ’bak yuyukesi;

Luka 1:35

A malaikatat waddi lepeŋ adi, Mulökötyo Loke mo pokin konut, a riŋit na Katoŋanit lo ki liŋ mo muŋge do, nyenagon ko ŋina kwe lupudi logon mo yuyuŋwe lo mo luŋuni a loke, a Ŋuro lo ŋun.

Yoane 1:36

a na lwöŋoddi Yesu nyona nu, a Yoane diŋe lepeŋ, a kulyani adi, Meddi ta Kilolor lo ŋun malu!

Yoane 10:7

Nyena a Yesu köti jamakiŋdye lepeŋat adi, ’Diri ’diri nan takiŋdya ta adi, Nan a kötumit na yidin.

Yoane 10:9

Nan a kötumit; ko lele ŋuto lupöri köyö ni a lepeŋ mo lwököni lwökö, lepeŋ mo lulupö lukata ko tutu kaŋo a mo ryeji pirit nyeŋ.

2 Korinto 8:12

Kogwon ko ŋuto gwon ko pusök i ’dogga, a ŋun mo ruŋge ŋo nagon kata ko ŋuto na ti gwon i luŋgu na ŋo nagon ’bayin ko lepeŋ na.

2 Korinto 9:7

Ŋutu liŋ geleŋ geleŋ ködyö yiyiuŋdyö kase i töilyet ŋo nagon se ’do ’doŋgi kune. Ti lepeŋat ’doŋgi ’bak delya kode ripaki, kogwon Ŋun nyanyar ŋuto lo ’dogga ko lyöpön.

Epeso 2:18

Kogwon kanyit i mugun yi lio bubulö tu ko Ŋun Monye i komŋo i Mulökötyo Loke lo geleŋ.

Epeso 5:27

anyen nye böŋö kweja kanisa kanyiti komor kwekwelen ’bak nene pirit nagon a ’yota ma ’di a na ’dit, kode kiritwan, kode kunie go gwoso kine. ama anyen se boŋö gwon a loke ’bak yuyuket.

Nyökit 12:27

a ta wukiŋdye rubaŋgajin kasu lo ’yu ’yura ’buluŋ, ko lokore se ko rima i pirit ’yuret na rubaŋgajin ti MATAT Ŋun losu; a rima ti rubaŋgajin kasu ködyö ’bukökine i loki na pirit ’yuret nagoŋ a na MATAT Ŋun losu, a ta nyesi lokore.

Nyökit 15:21

Ama ko turu ’buti nagoŋ a kayu gwon ko nene yuyuket, ko nye a ŋöde kode a mo ’doke, kode gwon ko nene yuyuket nagoŋ a naron, a do ködyö tine ’duŋö-kiŋdyö MATAT Ŋun ilot lepeŋ.

Nyökit 17:1

Ta ködyö ti ’duŋökiŋdyö MATAT Ŋun losu dwot kode kobilityo logon gwon ko yuyuket, kode nene ŋo naron asut; kogwon na a ŋo nagoŋ MATAT Ŋun losu maman na.

Ebere 7:26

Kogwon koane duma gwoso ŋilo ’diri a jukin yi. Lepeŋ a loke, ’bak kulya, a gwe a ko toluta, lepeŋ a gelaji kaŋo ko katoronyak kiden, soŋinana lepeŋ aje ’ ’biluŋ ki Iwolwoŋ ’diko.

Ebere 9:14

Kristo a wukiŋdya mugun ko Ŋun i riŋit na Mulökötyo lo yeŋ nyin a rubaŋga gwoso kilolor logon ’bak yuyuket. Nyena bia parik rima kanyit totoke ’ya töilyet kaŋ logon deden adi yi a koŋdya ŋo nagon mo joŋga yi i twan, anyen yi böŋö kitakiŋdya Ŋun lo gwon jöruŋ.