Kenet 7:9 - Bibilia Buk na Ŋun nagon koti luŋu a

⁹ Ama a nye gwe a ko tiŋdu nyakwariat ti Kowat, kogwon lepeŋat a katiyuk ti ŋo nake na rurwan nagoŋ ’doko i geliya kune.

Kenet 7:9 ပူးပေါင်းရင်းမြစ်များ

2 Samuele 6:13

A gwe sona, nagon kilu ŋutu ka ’dokök ti saŋduk na MATAT ko wöröni lasesi buker nu a lepeŋ ’duŋge dwöt ko tagwok lopir a rubaŋga.

2 Samuele 6:3

A se tiŋdi saŋduk na Ŋun i loki na par ludukötyo na jijikö, a joŋdi lepeŋ kaŋo i kadi na Abinadaba nagon gwon i mere loki nu; a ŋwajik ti Abinadaba logon a ko Uja ko Akio gwe a kajikök ti ŋinu par ludukötyo

2 Samuele 6:6

A nagon se aje ’dur i pirit gwutet na ’bolot na Nakon nu, a Uja riöddi könin i morga na saŋduk na Ŋun, kogwon dwönin kulo a köpukö.

1 Moran 8:3

A ŋutu temejik liŋ ti Yisaraele iŋge po, a koanejin ’dukuŋdye nu saŋduk.

1 Dekat 15:13

Ta köju a ko ’doggu lepeŋ a kokwe, nyena ko ŋina kwe a MATAT Ŋun likaŋ iŋge duyömökiŋdyö kayaŋ loki, kogwon yi a ko kitakiŋdya lepeŋ gwoso i saret.

1 Dekat 15:3

A Dawidi momori Yisaraele liŋ Yerusalema yu anyen tu joŋdya saŋduk na MATAT tojo ko pirit nanyit nagon nye aje tetenakin lepeŋ na.

1 Dekat 23:26

Nyena a ŋutu ti Lewi mo köti tine ’doggu kemia kode kunie ŋo kitaesi kanyit.

Kenet 3:31

A kita nagon a saraki lepeŋat i tiju na gwe a saŋduk, ko misa, ko gwo ’diet lo lombojin, ko piritön ’yuresi, ko tito ti nu pirit nake na rurwan nagon koanejin kita kata nu, ko boŋgo koret; kweja adi kita na kine go liŋ.