Kenet 6:9 - Bibilia Buk na Ŋun nagon koti luŋu a

⁹ A ko lele ŋuto a twan ’de ’de kijek kanyit nyona, a tiŋdi kwe nanyit nagoŋ a gelwe na i gwon a lut i kulya ti keri, nyena a nye ködyö ’bariŋdi kwe nanyit i ŋilu lor lo tokelari lepeŋ lu; kweja adi ’bariŋdu lepeŋ i lor toburyo lonyit.

Kenet 6:9 ပူးပေါင်းရင်းမြစ်များ

Ejikele 44:27

A i lor logon lepeŋ lupöri i pirit nake na rurwan i ’baŋ lo lukata i kita i pirit nake na rurwan lu, a lepeŋ ködyö wukiŋdye rubaŋga a lo toron nanyit, ŋilo a nan MATAT ŊUN lo jambu.

Lewi 14:8

A ŋuto logon totokela lo ködyö lalaji boŋgwat kanyit, a ’bariŋdi kupir kanyit liŋ, a kwöni kwö, a nye gwe a loke i kulya ti keri; a i mukök na kine kulya a nye lupöni i mera, ama a nye ködyö si ’dani kaŋo i kemia nanyit perok buryo.

Lewi 14:9

A i lor toburyo lonyit a nye ’bariŋdi kupir kanyit kaŋo kanyit i kwe; a nye ’bariŋdi kupir kanyit ti nyekem, ko kupir kanyit ti koŋo, ko kupir kanyit liŋ. Nyena a nye lalaji boŋgwat kanyit, a kwöni kwö, a kirut nye gwe a loke i kulya ti keri.

Kenet 6:18

A ŋilo ŋuto logon a Najir lo ködyö ’bariŋdi kwe nanyit nagoŋ nye a gelun na i kötumit na kemia torumet, a ’dumuŋdye kupir logon nye a gelun kulo, a tiŋdi se i kimaŋ nagoŋ ’yuŋa rubaŋga lo taliŋ na.

Kenet 6:8

Temba i perok liŋ logon nye milyeji i geluŋdya na mugun kulu, a nye gwe a loke lo MATAT.

Konesi 18:18

A i mukök na ŋina a Paulo karaki nyu ko kulye perok jore, a rome ko luŋasirik lo yubbö kulo, a lepeŋ suluje tu ko ki ’bo Suria, a Pirisikila se ko Akwila moraddi ko lepeŋ. A i ŋerot na tu nase, a Paulo ’barinuni kwe Kepkuria yu kogwon milye logon nye milyekin Ŋun lo.

Konesi 21:27

A nagon perok buryo tokelesi gwe nyona ko ’baka nu, a kulye Yudayaki lo po i jur lo Asia ko meddi Paulo i Kadi na Ŋun, a topije lodir ’bukuluŋ, a morgi lepeŋ,

Nyökit 21:12

a do ködyö joŋgi lepeŋ i ’baŋ konut kadi, a nye ködyö ’bariŋdi kwe nanyit a ’duŋge mijin kanyit.