Kenet 5:9 - Bibilia Buk na Ŋun nagon koti luŋu a

⁹ A ’dokesi liŋ nagoŋ ŋutu ti Yisaraele a ’dumun i ŋo nake liŋ anyen jakin koane kune ködyö gwe a kanyit;

Kenet 5:9 ပူးပေါင်းရင်းမြစ်များ

Yuörö 29:28

A nye ködyö gwe a lo Arona ko ŋwajik kanyit a koret na yeŋ nyin na Ŋutu ti Yisaraele; kogwon nye a ’doket na ’dumwe na wukin Ŋutu ti Yisaraele i ’dupesi ti rubaŋgajin kase ti taliŋ, iŋkoi, a ’doket nagon se a tin MATAT.

Lewi 10:13

ta ködyö nyesu lepeŋat i pirit nake na rurwan, kogwon a koret inot ko a koret na ŋwajik kulok i ŋo lo ’yuraki MATAT kulo; kogwon nan a saraki sona.

Lewi 10:14

Ama do ko ŋwajik kulok ko ŋwajik kunok ködyö nyesu jujuk na kwekweya se ko nyuti lo wuki lo i nene pirit nake; kogwon kine a tiki a koret inot ko a koret na ŋwajik kulok i rubaŋgajin ti taliŋ ti i ŋutu ti Yisaraele.

Lewi 10:15

A se ködyö joŋdi nyuti lo wuki ko jujuk na kwekweya, ko welesi na ’yura kune i pirit na geleŋ, anyen kweja lepeŋat a rubaŋga lo kwekweya ko MATAT i komor, a kine gwe a kunok, ko a ti ŋwajik kulok i pirit na geleŋ a koret na yeyeŋon; gwoso na saŋi MATAT nu.

Lewi 6:26

A koane lo wukiŋdya rubaŋga a lo toron lo nyesi lepeŋ i nene pirit nake na rurwan i mariŋ na kemia torumet lukata.

Lewi 7:32

A ta tiŋdi koane nyuti lo lutaten a ’doket na ’dumaki i ’duŋesi kasu ti rubaŋgajin ti taliŋ;

Lewi 7:34

Kogwon jujukön na kwekweya kune ko nyutiöt lo wuwuki kulo nan aje ’dumara kaŋo i ŋutu ti Yisaraele, i rubaŋgajin kase ti taliŋ, a tiŋdi koane Arona se ko ŋwajik kanyit a koret na yeŋ nyin i ŋutu ti Yisaraele.

Kenet 18:19

Nan aje tiŋdu do ŋo liŋ nagoŋ ŋutu ti Yisaraele a ’dumun i rubaŋgajin loke, lo wukin se nan MATAT kulo, ko i ŋwajik kulök lulyan ko nawate, gwoso saret lo wurö anyen yeyeŋon ŋupi; na a tomoret na ’balaŋ kweja adi a na töjulin na tetenaki ŋupi ko MATAT i komor i kulya kunök se ko ŋwajik kulök.

Kenet 31:41

a Mose tiŋdi koane Elejara na ropet nagoŋ ’dokari MATAT na, gwoso na saŋi MATAT Mose nu.

Kenet 5:8

Ama koŋuto logon nye a toroŋdi lo ’bak karutyo logon ropaki nu toron, a ropet na nu toron nagoŋ tiki nan MATAT na ködyö gwe a na koane; wat lopijot tokelet logon tokelarikin lepeŋ.

Nyökit 12:26

Nyena a ta ködyö ’dumuŋdye ’dokesi kasu nake na rurwan, ko ’dokesi kasu ti milye nagoŋ ta a milyeji kune, a ta iti tojo ko nu pirit nagoŋ MATAT mo wuwulun nu,