Kenet 5:8 - Bibilia Buk na Ŋun nagon koti luŋu a

⁸ Ama koŋuto logon nye a toroŋdi lo ’bak karutyo logon ropaki nu toron, a ropet na nu toron nagoŋ tiki nan MATAT na ködyö gwe a na koane; wat lopijot tokelet logon tokelarikin lepeŋ.

Kenet 5:8 ပူးပေါင်းရင်းမြစ်များ

2 Moran 12:16

A gurut ti rubaŋgajin ti lyaŋan ko gurut ti rubaŋgajin ti toron tine jwe i kadi na MATAT; a kine gurut gwe a ti koanejin.

Lewi 5:16

A ŋilo ŋuto köti ködyö ropakiŋdye ŋo nagon nye a kon a lyanit i ŋo nake na rurwan, a ’yala-kiŋdye swöt geleŋ na mukanat nyin a tiŋdi koane; a koane wukiŋdye lopijot köbilityo a rubaŋga i kulya ti lyaŋan, anyen ŋilo ŋuto totokela a nye pitökine pitöki.

Lewi 6:5

kode nene ŋo nagon nye aje milyeju a ’burönö i kulya kanyit na. Nye ködyö roröŋ ŋina ŋo ’bukuluŋ, a ’yalakiŋdye swöt geleŋ na mukanat nyin, a tiŋdi monye kine ŋo, i lor lo wukiŋdye nye rubaŋga lonyit i kulya ti lyaŋan lu.

Lewi 7:7

Rubaŋga i kulya ti lyaŋan gwon gwoso rubaŋga lo toron, saret lose geleŋ kata, adi koane lo wukiŋdya ŋilo rubaŋga anyen ŋutu totokela lo joŋgi lepeŋ a lonyit.

Kenet 5:7

a nye ködyö tuŋge toron nanyit nagoŋ nye aje kon na; a nye ropakiŋdye toron nanyit ’bukuluŋ, a ’yalakiŋdye nene swöt geleŋ na mukanat nyin, a tiŋdi ŋuto logon nye a toroŋdi lu.

Kenet 5:9

A ’dokesi liŋ nagoŋ ŋutu ti Yisaraele a ’dumun i ŋo nake liŋ anyen jakin koane kune ködyö gwe a kanyit;