Kenet 5:3 - Bibilia Buk na Ŋun nagon koti luŋu a

³ a ta ködyö riköddi se kaŋo i mera lyan ko wate, an se ködyö ko toluddya mera nase nagoŋ nan si ’da kanyit kiden na.

Kenet 5:3 ပူးပေါင်းရင်းမြစ်များ

1 Moran 7:3

A nye peddi baulan ti kaden logon gwoso tika i loki na kinu kaden nagon a peta i loki na togwi ’diesi merya iŋwan wot mukanat, a gwoke geleŋ gwe ko togwi ’diesi puök wot mukanat.

Saumajin 68:18

Na tiri nye ki nu, nye nyömöddu ŋutu jore lo momo-ka, a nye iŋge wuju ’dokesi nagon ŋutu karenyak a tin lepeŋ kune. MATAT Ŋun si ’da kata.

Yuörö 25:8

Ti se tetenakiŋdye nan pirit nake na rurwan, anyen nan böŋö gwon kase kiden.

Yuörö 29:45

A nan mo gwolope i kiden na Ŋutu ti Yisaraele, a mo gwe a ŋun lose.

Yisaya 12:6

Ta lo si ’da Siona kulo, maraŋgi ta ko gwililije ta kogwon lyöŋön, kogwon Ŋilu Loke lo Yisaraele a duma kasu kiden.

Lewi 14:8

A ŋuto logon totokela lo ködyö lalaji boŋgwat kanyit, a ’bariŋdi kupir kanyit liŋ, a kwöni kwö, a nye gwe a loke i kulya ti keri; a i mukök na kine kulya a nye lupöni i mera, ama a nye ködyö si ’dani kaŋo i kemia nanyit perok buryo.

Lewi 15:31

Nyena a ta ködyö geluŋdye ŋutu ti Yisaraele kaŋo i tolutwan nase, an se ko twatwa i tolutwan nase i toluddya na kemia nio na gwon kase kiden na.

Kenet 16:3

a se pepenakiŋdye ’börik i pirit na geleŋ i rerenya ko Mose ko Arona, a kulyani ko se adi, Kulya kasu aje lwöŋgu parik! Momoret na ŋutu liŋ geleŋ geleŋ a loke liŋ, a MATAT gwe kase kiden; ko nyo ta a ’dukukin ’börik ki i ŋerot na pepenet na MATAT?

Kenet 19:22

A ŋo liŋ nagoŋ ŋuto logon a lut i kulya ti keri a ’bo ’yu lo ködyö gwe a lut koti; a ŋutu liŋ lo ’bo ’yu nene na kine ŋo kulo ködyö gwe a lut tojo ko sömukö.

Kenet 35:34

Ta ködyö ti toluddya jur logon ta si ’da kata lu. logon nan si ’da i kiden nanyit lu; kogwon nan MATAT si ’da i kiden na ŋutu ti Yisaraele.

Kenet 5:4

A ŋutu ti Yisaraele koŋdi sona, a riköddi lepeŋat kaŋo i nu mera; iŋkoi ŋutu ti Yisaraele a koŋdya gwoso nagoŋ MATAT a jamakiŋdye Mose nu.

Nyökit 23:14

Kogwon MATAT Ŋun losu gwon i wörö i kiden na mera nasu, i lwöggu na ta ko i pakiŋdya na ta merok kasu, nyenagoŋ a mera nasu ködyö gwe a nake na rurwan, an nye ko meddya nene tolimuön kasu a löpuköddi kaŋo kasu.

Nyökit 23:15

A ta ködyö tine nyökökiŋdyö monye ’dupiet lonyit lo wökun kasu ni;

2 Tesalonike 3:6

Nyena luŋasirik, yi saŋu ta i karin ti Matat likaŋ Yesu Kristo adi, gwe ta pajo i luŋasirik logon si ’da kana ayokia, logon ti ’debba saresi logonyeŋon a keri, logon ta aje mirun kayaŋ kilo.

Tito 3:10

ŋuto logon kökoroja ŋutu lo, tokujöne tokujön lepeŋ daŋ geleŋ kode daŋ tomurek, a i mukök na ŋina paji lepeŋ asut.

Kweyatti 21:27

a nene ŋo nagon a lut mo tine tu nyin, kode lele ŋuto logon a koŋdya ŋo na mamana se ko ’burönö, ama ka ’de ŋutu logon a wuröki i buk na ŋilo Kilolor nagon a na ŋutu lo gwon jörun kilo mo lo tu nyin.

Kweyatti 21:3

A nan yiŋge gworo lobot kuun i si ’daet na tumatyan, kulya adi, Lote, Ŋun aje ŋo i gwolor ko ŋutu kiden; lepeŋ mo sisi ’da, ko ŋutu kiden, a se mo gwe a ŋutu kanyit; a Ŋun ko mugun nanyit mo gwe kase kiden a Ŋun lose.