Kenet 4:5 - Bibilia Buk na Ŋun nagon koti luŋu a

⁵ A na yuöddi ŋutu kaŋo i mera nu, a Arona ko ŋwajik kanyit ködyö lupöni lukata, a ’dumuŋdye kaŋo boŋgo koret na leleyo na, a muŋge saŋduk na gurupö tökoresi ko ŋina boŋgo;

Kenet 4:5 ပူးပေါင်းရင်းမြစ်များ

1 Dekat 15:15

A Lewijin ’doggi saŋduk na Ŋun ko turya kase i geliya, gwoso saret lo Mose logon a taki lepeŋ ko MATAT.

1 Dekat 23:26

Nyena a ŋutu ti Lewi mo köti tine ’doggu kemia kode kunie ŋo kitaesi kanyit.

2 Dekat 3:14

A nye teteŋdi boŋgo koret ko waro naŋem, ko na ’bule, ko nator, ko waratat naparere, a ribbe ŋojino ti kerubajin i loki na ŋina boŋgo.

Yuörö 36:35

A nye teteŋdi waro naŋem, ko na ’bule, ko nator, se ko boŋgo na tetena ko waro na sirita a namin kune a boŋgo koret; a nye ripakiŋdye pöjinö ti kerubajin nyin nagon bodo karipanit lo ribba.

Yuörö 40:3

A do tiŋdi saŋduk na ŋurupö tökoresi i lukata nanyit, a do muŋge saŋduk ko boŋgo koret.

Yuörö 40:5

A do tiŋdi pirit ’yuret na bökur nagon a dakap i ŋerot na saŋduk na ŋurupö tökoresi, a do lilikiŋdye boŋgo muket na kötumit na kemia ki.

Yisaya 25:7

A i lo mere a nye mo tutugöddi muket na mukörikin ŋutu liŋ kaŋo, nagon a boŋgo muket na petaki i jurön liŋ.

Lewi 16:2

a MATAT kulyani ko Mose adi, Taki Arona luŋösur adi ti nye gwe ti lupö diŋitan liŋ i pirit nake na rurwan i lukata na boŋgo koret, i komor na muket na saŋduk nagon toronjin lala kata nu, an nye ko twan, kogwon nan mo pupukun i luru lukata i loki na muket na saŋduk nagon toronjin lala kata nu.

Kenet 10:14

A beret na mera na ŋutu ti Yuda yuörö ŋerot a togeleŋ gwoso i teŋon kase; a Nasona ŋuro lo Aminadaba gwe a matat lo teŋ nase.

Kenet 4:15

A nagon Arona ko ŋwajik kanyit aje tutuŋgö muggö pirit nake na rurwan ko tito kanyit liŋ na yuöddi ŋutu kaŋo i mera nu, a i mukök a nyakwariat ti Kowat ködyö lo poŋdi i ’dokoddu na kine tito, ama se ködyö ti ’bo ’yu kine go nake na rurwan an se twatwa. Sekine tito ti kemia torumet nagon nyakwariat ti Kowat ’do ’dokoro kune.

Kenet 4:4

Na a kita nagon nyakwariat ti Kowat ködyö kökon i kemia torumet, kweja adi lepeŋat tiju tito nake na rurwan parik.

Kenet 7:9

Ama a nye gwe a ko tiŋdu nyakwariat ti Kowat, kogwon lepeŋat a katiyuk ti ŋo nake na rurwan nagoŋ ’doko i geliya kune.

Matayo 27:51

Mete, a boŋgo koret na Kadi na Ŋun iŋge ki ’ya murek, suluuŋdya ki tojo ko kak, a kak yeyeti yeyeta, a lelya kakaggi kakaggu,

Nyökit 31:9

A Mose wurie kilo saresi, a tiŋdi se ko koanejin logon a nyakwariat ti Lewi, lo ’doggu nu saŋduk na tomoret na MATAT kulo, ko i temejik ti Yisaraele liŋ.

Ebere 10:20

Lepeŋ a pakiŋdya yi kiko ludukotyo ko a toruet i boŋgo koret, kweja adi kanyit i mugun.

Ebere 9:3

a i ki ’diŋ na boŋgo koret tomurek gwe a pirit na luŋu a Nake na Rurwan na Totopuŋdya.

1 Samuele 6:19

A nye iŋge tatu kulye ŋutu ti Bete-semese, kogwon lepeŋat a ku ’di ’yö saŋduk na MATAT; lepeŋ a tatuja ŋutu merya buryo kase, a ŋutu poki i delya kogwon MATAT aje tatuja ŋutu tatuet duma.