Kenet 4:4 - Bibilia Buk na Ŋun nagon koti luŋu a

⁴ Na a kita nagon nyakwariat ti Kowat ködyö kökon i kemia torumet, kweja adi lepeŋat tiju tito nake na rurwan parik.

Kenet 4:4 ပူးပေါင်းရင်းမြစ်များ

1 Dekat 23:6

A Dawidi korakiŋdye se a teŋon gwoso i ŋwajik ti Lewi logon a ko Gereson, ko Kowat ko Merari.

Kenet 10:21

A ŋutu ti Kowat yuörö yuörö ’doggu ŋo nake na rurwan, a kemia iŋge togwi ’diki a kokwe na ’dur nase nyu.

Kenet 4:15

A nagon Arona ko ŋwajik kanyit aje tutuŋgö muggö pirit nake na rurwan ko tito kanyit liŋ na yuöddi ŋutu kaŋo i mera nu, a i mukök a nyakwariat ti Kowat ködyö lo poŋdi i ’dokoddu na kine tito, ama se ködyö ti ’bo ’yu kine go nake na rurwan an se twatwa. Sekine tito ti kemia torumet nagon nyakwariat ti Kowat ’do ’dokoro kune.

Kenet 4:19

nyena anyen lepeŋat böŋö gwon jörun a tine twatwa na pöri se nyona i go nake na rurwan parik kune, konaki ta lepeŋat sona adi, ti Arona ko ŋwajik kanyit lupöni lukata i wulökiŋdyö na se liŋ geleŋ geleŋ kitajin kase ko nagon se ’do ’dök kune,

Kenet 4:24

A ŋina gwe a kita na midijik ti ŋutu ti Gereson, i kita ko i ’doggu na go na pömöni:

Kenet 4:3

suluja i se logon ko kiŋajin merya musala tojo ko kiŋajin merya mukanat, kweja adi ŋutu liŋ lo po i kita i kemia torumet kulo.

Kenet 4:30

a do ködyö keŋdi lepeŋat suluja i se logon ko kiŋajin merya musala tojo ko kiŋajin merya mukanat, kweja adi ŋutu liŋ lo po i kita i kemia torumet kulo.

Kenet 4:5

A na yuöddi ŋutu kaŋo i mera nu, a Arona ko ŋwajik kanyit ködyö lupöni lukata, a ’dumuŋdye kaŋo boŋgo koret na leleyo na, a muŋge saŋduk na gurupö tökoresi ko ŋina boŋgo;

Kenet 7:9

Ama a nye gwe a ko tiŋdu nyakwariat ti Kowat, kogwon lepeŋat a katiyuk ti ŋo nake na rurwan nagoŋ ’doko i geliya kune.

Marako 13:34

Kine kulya gwon gwoso nagon lele ŋuto tu i jölö, a na kö ’yi nye ’baŋ nanyit nu, a nye sarakiŋdye kölipönök kanyit i meddya na ’baŋ, ŋutu liŋ geleŋ geleŋ ko kitajin kase, a nye sarakiŋdye katiyunit lo kötumit adi ti nye gwe ti doto.