Kenet 3:7 - Bibilia Buk na Ŋun nagon koti luŋu a

⁷ A se ködyö parakiŋdye lepeŋ se ko momoret na ŋutu liŋ i komor na kemia torumet, i koŋdya na kita na ŋinu kemia;

Kenet 3:7 ပူးပေါင်းရင်းမြစ်များ

1 Dekat 26:20

A i kötumit na Lewi, a Akiya lo gwe a kamemetanit lo piritön ’delesi ti tukwörien na kadi na Ŋun, se ko kunie ’delesi ti ŋo nagon a wuki a ’dokesi.

1 Dekat 26:22

A ŋwajik ti Yekiele logon a ko Jetam ko Yoele luŋaser lonyit, gwe a kamemetak ti piritön ’delesi ti tukwörien na kadi na MATAT.

1 Dekat 26:26

ŋilo Selomot ko lupasirik kanyit lo gwe a kamemetak ti piritön liŋ ’delesi ti ’dokesi nagon mor Dawidi, ko kusik ti kötumitön ti merenyejin, ko dumalak ti teŋon aliŋan ko miajin, se ko kanyömök ti kamörök a wukin kune.

Lewi 8:35

A ta momordi i kötumit na kemia torumet tuparan ko tukwaje perok buryo i ’debba na saret lo MATAT an ta twatwa; kogwon a saraki nan sona.

Kenet 1:50

ama wuluŋdye Lewijin i meddya na kemia na gurupö tökoresi se ko tito kanyit liŋ, ko ŋo liŋ nagon a kanyit. Kita nase gwon a ’doggu na kemia se ko tito kanyit liŋ, a se mo kitani kata, a se ’beggi kemialan kase lo lorga ŋinu kemia.

Kenet 1:53

Ama ti Lewijin ’bikikiŋdye kemialan kase lorga kemia na ŋurupö tökoresi, an woran pokin i momoret na ŋutu ti Yisaraele; iŋkoi Lewijin lo tiju kemia na ŋurupö tökoresi.

Kenet 3:32

A Elejara ŋuro lo koane Arona ködyö gwe a duma lo ŋutu temejik ti Lewijin ko i gwon a kametanit lo katiyuk ti nu pirit nake na rurwan.

Kenet 3:8

a se tiji tito liŋ ti kemia torumet, a se ködyö parakiŋdye ŋutu ti Yisaraele a koŋdi kitajin ti nu kemia.

Kenet 31:30

a ta ködyö ’dumuŋdye i swöt lo ŋutu ti Yisaraele geleŋ lo ’dumwe i merya mukanat liŋ, i ŋutu, ko i dwönin, ko i kaineki, ko i yidin, ko i kisuk liŋ, ko tiki ta se Lewijin logon a katiyuk ti kemia na MATAT kulo.

Kenet 8:11

a Arona ködyö kweji Lewijin ko MATAT i komor gwoso rubaŋga lo kwekweya lo ŋutu ti Yisaraele, anyen gwon a kita nase i kitakiŋdya na MATAT.

Kenet 8:15

A i mukök na kine kulya a Lewijin mo lupuŋdye i kemia torumet i koŋdya na kita, a do toke ’yi lepeŋat, a do kweji lepeŋat a rubaŋga lo kwekweya.